السلام عليكم .. كيفك يا شب .. لكم سعدت بك حين رأيتك بالرداء الاحمر ..فهو يليق بك .. اسئلتي .. *كما ذكر بعض الاخوة ..هل هناك تفرد بالقرار من قبل البعض بادارة الموقع ؟؟ *هل تستخدم سياسة الاقصاء هنا ؟؟ *هل موقع الوحدات نت ملك للمدير التنفيذي واعضاء الادارة ام انه لعشاق الوحدات ؟؟ *هل نادي الوحدات لأبناء مخيم الوحدات ام انه لكل "المشحرين والمسخمين؟؟ *وهل نادي شباب الحسين نادي ليس شقيق لنا و رديف للغريم ؟؟!!! *لماذا لا يعاقب احد من الادارة حين يسيء؟؟ *بقية الاقسام وعلى راسها الادبي هل هي ضمن اجندتكم ؟؟ هل انت مع نقل مقر النادي الى غمدان؟؟ الطيور المهاجرة هل من مساع لعودتها؟؟ التسحيج ظاهرة ان كان تسحيج لادارة النادي او لادارة الموقع ..هل تؤيدني بوجود هذه الظاهرة وضرورة مكافحتها ؟؟ ***الحاج مالك برأيك هل هو مقلب؟؟!!!
بعض الأخوة الأعضاء يدعي أنه توجد بعض حالات "فرض رأي أو حجب رأي" تحت مسمى صلاحيات المشرف .. بماذا تجيب ؟؟
مقبلون على دورة انتخابية جديدة للنادي .. هل تعتقد أن هذا سيؤثر على تعددية الموقع وتنوع توجهات أعضاءه .. وهل سيكون للموقع مشاركة بالانتخابات كما حصل في المرة السابقة ؟؟
السؤال الأخير هندسي .. بعدك بتلون باطون ؟؟ .. وشو آخر لون استعملته ؟؟ وشو الفرق بين دهان الباطون باستخدام الايبوكسي وبين دهانات أبو محمد (in detail please)
100 وردة للاخ والزميل خالد سلامة
اللي بعرفو النكد مابنور الموقع هاي جديدة
النكد بنكد عليكو وهسة بدي انكد عليكو
السؤال الأول بالنسبة لفرض الرأي أو حجبه تحت صلاحيات المشرف
هنا لا أنكر وبصراحتي المعهودة ان مثل هذه الحالات حصلت والسبب بكون تسرع او ماشابه ولكن الحمد لله تم تداركها والتنبيه لها اخي خالد وبعيدا عن الدبلوماسية وصف الحكي النفس البشرية فيها وفيها وهون العبء المفروض على كل أخ يرى أن تم ظلمه ان يشتكي وان شاء الله حقه برجعلو ربما وليس من الضروري على الملأ ولكن صدقا نحاول مع الاخوة في اداة الموقع والاشراف جاهدين بأن لانظلم أحد
بالنسبة للاتنتخابات وتأثيرها على الموقع بالتأكيد سيكون لها تأثير اخ خالد كون الوقع جماهيري ووحداتي وبالتأكيد سيتأثر ويؤثر أيضا
بالنسبة لمشاركة الموقع كموقع فيها مبالغة بعض الشيء ولكن من سيرشح نفسه من الوحدات نت سنقدم له كل الدعم وهذا واجبنا وحق عضو الوحدات نت علينا
السؤال الثالث
فرق كبير بين دهان الباطون وتلوين الباطون نفسه
دهان الباطون بتم بالايبوكسي او انواع أخرى وكل نوع الو هدف مثل دهانات الأنتيكربون مثلا أو دهانات الأانتي سلب
تلوين الباطون بتم مع الخلطة قبل الصب وأخر لون استعملته اللون البني وصدقا خالد كان الباطون ينزل من البمب مثل الشوكلاته
ليش لما تتدخل على موضوع ما ويكون فيه ضحك بتكد عليهم
واسمعت انه لما كنت بالاردن انه اهل عمان ولا مخلوق ضحك حتى لا تنكد عيشتهم
انا هيك دور علي وين في عزا بتلاقيني فيه
اقتباس:
المشاركة الأصلية كتبت بواسطة أبو فارس
كمقاول رئيسي
شو اهم الاشياء المطلوبة منك عملها ؟
سؤالك بنفسجي
كمقاول رئيسي عليك كل الحمل وبدك تكون قدها وتتعاون مع السب كونتراكت اللي عندك مش تعاملهم كند الك
اقتباس:
المشاركة الأصلية كتبت بواسطة أبو فارس
حطلنا صورة الك بالشارلستون
صدقني فيه الي صورة
وراح ادورلك عليها بالشارلستون وبلعب كرة صورة أخر حلاوة
اقتباس:
المشاركة الأصلية كتبت بواسطة أبو فارس
ابو محمد معظم اجاباتك ركبكة
علل
معقول نعست ؟
امبارح نعست ونمت وهسة صاحيلك
اقتباس:
المشاركة الأصلية كتبت بواسطة mahmouddubai
تحية للزميل العزيز أبو محمد
شغلك contractor or consulting Engineer
مع أي شركة بتشتغل؟
كم صارلك بدبي؟
صارلي في دبي حوالي 20 سنة
وابعثلي عالخاص بقوللك في اي شركة مابدنا نعمل دعايات مجانية لحدا هون
حبيبي محمود
اشتغلت بالمنجمنت وبالكونتراكتور ,,,كونسلتنت ما اشتغلت ولا بفكر يوم اشتغلها
شخص خلوق ورائع مع اني لم اتعرف عليه شخصيا ولكن اراه حيادي ومتعاون جدا
وسؤالي لك ماذا يعني لك موقعنا الحبيب الوحدات نت
ابو حلاوة اشكرك وهذا من لطفك
الوحدات نت بيتي الثاني ومن فيه أخوة لي وأهل ان شاء الله
اقتباس:
المشاركة الأصلية كتبت بواسطة أبو فارس
شو البوليفارد ؟؟
البوليفارد اعتقد مش كلمة انجليزية ولكنها عنت لنا او كانت تعني ماحول برج دبي منطقو عصرية حديثة جدا فيها المولات والمطاعم والمتاحف وكل مايخطر على بال البشر
تحيط في برج دبي وتشمل الشارع الذي يلتف حول البرج بمافيه مواقف السيارات تحت الارض وفوقها واهم مافيها الشارع الدائري للمشاة والسيارات حول البرج
عدا عن احتواء البوليفارد على ارقى الفنادق
بكفي خلص ابو فارس
اقتباس:
المشاركة الأصلية كتبت بواسطة مجدي فيصل
ابو محمد عماد
اللون الاحمر لوني وانا اول من استخدمه بالوحدات نت
ليس سرقتوه انت وزبدية؟
على حسابك ابو فيصل انت الأصل وانت الاستاذ
مشتاقين لك
السلام عليكم ورحمة الله وبركاته
وكل عام عام وانت بخير
اخ ابو محمد ليش دايما بيقولو عنك انك بتحب النكد
بصراحة اخ ابو محمد اتمنى ان القاك
كل الشكر للشباب على استضافتك
وعليكم السلام ورحمة الله وبركاته يا بلال
انت اكيد عرفتني قبل ماتشوفني
وبنصحك بل هالشوفه
الى الرائع ابو محمد عماد اطال الله في عمرك واحسن الله خاتمتك
ماذا تقول لجماهير الوحدات الشباب الصغار في السن عن الوحدات النادي
ياعيني عليك يا حوراني والله احلى دعوة هاي
أجمعين يارب
صدقا بالنسبة لجماهير الوحدات الصغار بالسن يحتاجوا لدروس كثيرة تعرفهم شو هو الوحدات ومين هو الوحدات
وليش صار الوحدات ولأيمته بدو يظل الوحدات
كل هاي الأسئلة بنحاول في الوحدات نت الاجابة عليها مع كل الأخوة الكبار في السن والمقام اللي معانا
هذه بصراحة جزء من رسالة الوحدات نت
حيالله بالغالي ابو محمد (تشارلي شابلن) الموقع والمتخفي دوما بقناع (عشماوي) ... الشباب سألوك أسألة حلوة وخفيفة لكني بدي أقلبها جد معك وهات خرفنا عن
هل فعلا تسود الديمقراطية ادارة الموقع ام هناك تكتلات ونفود للبعض؟ سيبك من الدبلوماسية صديق.
لمادا يعجز الموقع عن تنظيم رحلة جماعية لأعضاءه؟ هل فقدنا الحافز ام اصبحنا مجموعات (كانتونات) تجمعنا بعض اللمات هنا وهناك؟
هل انت مع دخول الموقع معركة انتخابات نادي الوحدات؟ ولمادا؟ وفي حال الاجابة ب (لا) هل انت مع دعم الموقع لمرشحين محتملين في الانتخابات القادمة؟ وما هي الدروس التي استفدناها من التجربة السابقة بهدا الموضوع؟
ما هو تقييمك وبموضوعية لعمل لجان الموقع وتحديدا الأعلامية والاجتماعية؟ واين زخم التقارير في الاعلامية؟ اين اخبار نجومنا الصغار واين اخبار ومتابعات الفريق الوطني؟ هل كسوة (وبرغم نجاحها الباهر) هي فقط مهام اللجنة الاجتماعية؟
بقي أن أقول لك انني وعلى المستوى الشخصي أُحبك في الله وأُسعد بردودك حتى (المخشبة) منها ... وأنني على قناعة أن هدا الموقع ليس ملكاً لأحد ولن يكون وسيبقى الوحدات نت علما وراية بوجود هدا الكم من الأعضاء المثقف الواعي.
حبيبنا ابو عدي ومش مجاملة ابو عدي من الناس اللي اتمنى ان القاهم وكنت بالجازة السابقة ناوي بس للاسف ماصار نصيب
بس يارجل عشماوي سفاح وسياف وانا والله بخاف من خيالي بتزبطش علي وكل ما املك قصاصة أظافر
خلينا ندخل في الجد زي مابدك
انتبه سؤالك عن الديمقراطية في ادارة الموقع
اخي ابو عدي بداية وبعيد عن الدبلوماسية ونحكي بصراحة
الديمقراطية وتفسيرها يختلف من شخص لأخر فربما ديمقراطيتنا تعتبر ديكتاتورية عند البعض وعند البعض الاخر تعتبر ميمعة خلينا نحكيا بالعامية
فالمقياس مش واحد فاذا مثلا اعملت استطلاع سترى ان هناك من يقول في ديمقراطية وهناك من يقول لا اذا العملية نسبية
وبالنسبة النا الحمد لله ضميرنا مرتاح قوللي ليش؟
لانو اي قرار او اجراء بنعمل عليه تصويت بغض النظر مين صاحبو وبنلحق الأغلبية حتى لو كانت غلط هذه بالنسبة النا ديمقراطية
بالنسبة للتكتلات يا ابو عدي هاي موجودة وين ماكان ليش بتحرمها علينا ,,,بما انو بنحكي عن الديمقراطية فالتكتلات جزء لا يتجزأ من العملية الديمقراطية
موضوع الرحلات ابو عدي
مش كانتونات ولا كيبوتسات
بمنتهى البساطة وبدون زعل واحراج الرحلات وجميع الرحلات اللي قمنا فيها كلفتنا مبالغ مالية كبيرة دفعناها من جيوبنا حتى لانحرج اخوة لنا التزمو وعند التنفيذ دور عليهم مابتلاقيهم هاي بصراحة
ومستعدين لتكرار التجربة وماعنا مشكلة
بس هاي الحقيقة اللي دائما بنحرص مانحكيها وانت خليتني احكي بس.
بالنسبة لتقييمي لعمل اللجنة الاعلامية غير راضي نهائيا
ولكن في المقابل ابو عدي خلينا نسأل حالنا شوية اسئلة عشان نحدد وين التقصير
المصاريف اللي الأخوة بدفعوها من جيابهم لمتابعة الفريق في الشمال والجنوب والوسط والكاميرات وكل مايلزم من مصاريف من وين؟
فلما بدن نلوم على التقصير نسأل حالنا اول شو اعملنا
وطبعا بحكي هذا الحكي ابو عدي مش الك او لفلان او علان
بحكيه لكل أخ منتمي لهذا الصرح ويهمه رفعته ورقيه
موضوع كسوة العيد الحمد لله كان رائع بجهود الجميع وبجهود الأخوة القائمين على المشروع على الأرض والأخوة في الداخل والخارج تجربة رائعو وان شاء الله تصبح تقليد وعرف سنوي وكنت اتمنى ان تكون على مدار العام ولكن الله يكون بعون الأعضاء , فبذرة الخير موجودة والحمد لله عند الجميع
هسة نروح للسؤال ماقبل الأخير عشان ماتقول ابو محمد فشق عنو
موضوع الوحدات نت والانتخابات
ابو عدي الغالي لا ولن نستطيع فصل الوحدات نت عن الوحدات ,,مش بكيفنا الموقع انشيء لخدمة الوحدات وجماهير الوحدات فانو نقعد على جنب ونصفط ايدينا لأ.
الوحدات نت سيؤثر في الانتخابات شاء من شاء وأبى من أبى
واذا ترشح اي عضو من الوحدات نت لمجلس ادارة النادي سنقدم له كل الدعم والمؤازرة بلا حدود فهذا حق لكل عضو في الوحدات نت عضوا في الهيئة العامة
بس مش يترشح خمسين واحد , الوحدات نت لا يحتمل وأكبر خطأ يترشح اكثر من واحد بالنسبة للوحدات نت اذا ترشح أحد فسيكون العدد واحد فقط مش أكثر لأنو مش مستعدين نتحمل جميلة حدا في الاصوات ونكون محمولين في الادارة زي كثير من اعضاء الادارة ,,,لما بتكون محمول ما الك عين تحكي يا خال
هلكتني يارجل صارلي نص ساعة بكتب
بس أشكرك وأحبك اخي ابو عدي واي سؤال انا حاضر ولعيونك وان شاء الله اكون أجبت على تساؤلاتك
اشكرك اخي رمزي على العودة بنا الى هذا الموضوع الجميل .
تحياتي لك اخي ابو محمد عماد . على الرغم انني لم التقي بك . الا انني لم اسمع عنك الا كل خير .
لفت انتباهي انك من بلدة نحالين وهي قريبة جدا على المخيم الذي اقمت فية . ونحالين بلد جميلة فيها الكثير من عيون المياة
كما كانت تمر فيها سكة حديد . هل عشت في بلدة نحالين وما اجمل ذكرى لك فيها ؟
بنظرك :
ما هي اقضل مباراة للوحدات شهادتها ؟
ما هي اسوء مباراة للوحدات ؟
من هو افضل مدرب مر على الوحدات ؟
ابو محمد لو قدر لك ان تكون رئيس للنادي ماذا سوف تفعل للوحدات ؟
اخي محمد احلى مشاركة وأحلى أسئلة لما بتجيب سيرة نحالين الله يسعدك ويسعدها
انا من مواليد قرية نحالين
وعشت فيها فترات جيدة في مراحل الطفولة زائرا في العطل المدرسية واذكرها جيدا المدرسة ولعبت الكرة في ساحاتها
عين فارس وعين البلد وعيون كثيرة ماشاء الله حلوة كثير لي ذكريات حلوة كثير كثير مرافقا لجدي رحمه الله في الذهاب لكروم العنب كلها في طور الباطية وعند العين وعين فارس وكل المناطق احفظها عن ظهر قلب
بس الله ينكبهم اليهود
أفضل مباراة بنظري ولم اشاهدها مباراة المريخ وكنت وقتها بجانب الملعب مع والدتي في المستشفى الاسلامي
وكنت متابع على التلفون ومش مصدق اللي بسمعو
اسوأ مباراة ,,,,بصراحة كثار وما بنعدو يعني في مباريات بتجيب السكري والضغط والحصبة والبلهارسيا
افضل مدرب مر على الوحدات وبنقدر نقول عنو مدرب صح
فويا اليوغسلافي
هاي مقابلة مع اداري موقع والا وموضوع للمزح والضحك , يا ريت جدية من الاخ الي بسال ومن الاخ الي بجاوب
حبيبنا ابو فارس قبل ما أكون اداري كنت عضو مع هالغلابا زيي زيهم فماخذين علي ,,,مشيها
فكلنا هون اهل واخوة
ترى انا وجهي بظحكش للرغيف السخن بدك اعملها نشرة اخبار عالجزيرة حاضر وزي مابدك
ومن هسة مافي مزح
اعطيني اشوف شو عندك وأسألتك
بستنى ما تطول
اذا ترشح اي عضو من الوحدات نت لمجلس ادارة النادي سنقدم له كل الدعم والمؤازرة بلا حدود فهذا حق لكل عضو في الوحدات نت عضوا في الهيئة العامة
على الرغم من إنّي مش مع إقحام الموقع بإدارته ومشرفيه وأعضائه في ميمعة الانتخابات ، ولمّحت وصرّحت بهيك أكثر من مرة ، إلا أنني أرجو من الجميع أن يقفوا على مسافة واحدة من أي عضو في الموقع ( عضو في الهيئة العامة ) ينوي الترشح لانتخابات مجلس إدارة النادي ، ما دام هذا كلامك - وأنت أحد أعضاء إدارة الموقع - الذي أستشف منه أنه توجّه ورؤية الموقع وإدارته والبوصلة التي توجّهونها للصالح العام كما ورد فيما ذكرتَ في ردودك الأولى بالسياسات والإجراءات التي تضعونها ..
وهذه نصيحة ثانية بعد نصيحتي ورجائي لك / لكم في مشاركتي الأولى ..
تحياتي للاخوين الياموني على طرح الموضوع الجميل و الاخ الفاضل عماد
مع اني لا ادخل كثيرا الا ان الموضوع شدّني و شدتني خفة دم الاخ عماد
سؤال نقاشي اخي عماد
ما رأيك بالذي يحصل للاعبي الوحدات مع المنتخب الوطني و تحديدا من تدخلات
بعض اعضاء الاتحاد في اختيار و استبعاد لاعبي المنتخب حسب ميولهم النادوية ؟
هل تظن ان مدرب المنتخب الانجليزي سيقدر على قيادة المنتخب و هل تعتقد انه
يملك الشخصية في اختياراته و برنامجه ؟
ما رأيك و بتجرد اذا أمكن بمدرب النادي ابو زمع ؟
أأسف على كثرة الاسئلة
و كل عام و انت بخير
عادل انت الجميل والاخ الفاضل ماتغلط
بقولو عني نكد ,,,,مش عارف الف على وسطي حتى يقول عني ابو شهاب مش نكد والله احترت ياعادل
سؤالك الأول
نحن محارَبين اخي عادل ومش من اليوم ولكن للأسف هذه الايام نحارب بعنف من اتحاد كرة قدم يسمع بكرة القدم ومن عنصريين تربو على العنصرية البغيضة
للأسف أصبح كل لاعب عفا عليه الزمن كونو لاعب قديم وبخص فلان او علان تشوفو قاعد على مكتب في الاتحاد
فيجب تنظيفهم كاملا وعن بكرة ابيهم حتى ينعدل حالنا
بالنسبة لاستبعاد لاعبينا هنا لا الوم اللاعبين
بل الوم ادارة النادي اللي ماعملت قيمة للاعبها وبتلفون صغير بروحو يركضو وببعثو ثلثين الفريق للمنتخب وما بنظرو انو في احتراف ولا فيفا ولا ايام ولا تواريخ للاتحاق بالمنتخبات الوطنية
فلما بعاملونا بالعقوبات بنظام الاحتراف بنشوف طلباتهم من منظور الفيفا بس ولا يقولو انتماء ولا مايحزنون واللي مش عاجبو يبلط البحر مادام محكومين بقوانين الفيفا
استبعاد رأفت ومن بعده الحسون ومن بعده باسم والحبل عالجرار كان المفروض ادارتنا يكونو رجال وقد حالهم
حينها بكون في قيمة للاعب الوحدات
النسبة للمدرب الانجليزي لا الانجليزي ولا الامريكي ولا الاسترالي ولا مورينهو بمشي هون
بوجود عصابات في لجان الاتحاد
فالاولى تنظيف هذه العصابات والعمل والتوظيف في الاتحاد باحترافية ومهنية وبعدين بنحكي
كل راس مالها ذبيحة او ذبيحتين مع ست سبع مناسف بتشوف ابو محمد عماد مش عضو رئيس لجنة في الاتحاد.
ابو زمع المستقبل أمامه ان شاء الله بس هسة الوحدات بحاجة لمدرب من نوعية خاصة اذا كنا بنحلم في بطولة اسيوية او حتى على المستوى المحلي صحيح اخذنا بطولات بس كنا على كف عفريت
بالتوفيق للاخ ابو زمع