[FONT="Simplified Arabic"][COLOR="Black"][SIZE="5"][B][QUOTE=ابو محمد عماد;1958739]
اقتباس:
المشاركة الأصلية كتبت بواسطة jamal nashwan
أسعد الله اوقاتك وصباحكم
شكلو حبيبنا ابو احمد نايم بالموضوع الليلة
مابدي أطول ولا بحب اجتر كثير
أولا كل الشكر ابو أنس لك على مشاركتك وانت صادق فلم يتم الاتصال بالاخ ابو أنس وانا باكد وبقسم على هذا الحكي
اثنين: بغض النظر شوما كانت القرارات نتمنى بالمحصلة أن تكون قرارات اللجنة في صالح الفريق
النقطة اللي بنلف حوليها إنو مين وصل لأبو محمد عماد المعلومة هاي صعبة شوية ومش مهم نعرف مين وصل بقدر مابهمنا انو حصل الكلام وما كان لازم يحصل
اللي رفعو أيديهم في القعدة وقالو نعم احنا مابدنا نلعب للوحدات
هاي مسألة بدهاش فتاحة كثير اللي نعرف ليش رفعو ايديهم يعني مش سفلقة ولا اعتباط رفعو أيديهم أو اصبعهم ردا على سؤال واضح جدا وكل الموجودين سمعوه وهو
مين مابدو يلعب للوحدات؟؟؟
فالله يرضى عليك أبو أحمد
احنا مافتحنا الموضوع حتى نعمل لجنة تحقيق لانو مش وظيفتنا نحقق مع فلان وعلان وماحطيناك أو عيناك رئيس لجنة التحقيق حتى تتصل بفلان أو علان عشان يبرر أو ينفي أو ينكر أو يستنكر ،بالعربي احنا بنتابع والغلط بنأشر عليه وبنشير للي غلط؛ وما بنطرطش اساءات زي ماتفضلت فاللي عندو غير هيك يتفضل
يتفضل دحبور يوضح ماحدا بمنعو وما في داعي لأي وساطة يعني من المالك مباشرة واذا بتفضلوا اللي رفعو اصابعهم يوضحولنا بكون أفضل مش يمكن كانو يحكو بروسهم واحنا فكرناهم رفعو اصابعهم كل شي جايز
وحين اللزوم أي واحد بدو يوضح من اللي كانو بالاجتماع يتفضل وبدون وساطات كمان ومن المالك مباشرة
يعطيكو العافية
والله يرضى عليك يانشوان ياحبيبنا لاترد علي بجريدة لاني طالع الدوام ومش فاظي اللي عندو توضيح من المعنيين يتفضل ومايبعت حدا حق الرد مكفول للجميع وانو دحبور مسجل أو مش مسجل هاي مشكلتو
كلمتين بس بحب أقولك اياهم أخي أبو محمد بعد صباح الخير :
أفكارك البوليسية هذي وأسلوبك الاستهزائي والسخرية في مضمون كلامك ، وعينّاك رئيس لجنة ونايم في الموضوع مش معي ولا إلي بينحكى هذا الحكي ..
ارجع واجتر مشاركات الموضوع بتلاقيني ما دخلت على الموضوع إلا بعد ما أنت صرت تحكي بالشرق والغرب ، وأنت اللي خرجت عن سياق الموضوع وصرت تجيب طاري فلان وعلّان وبرضو بأسلوب السخرية تبعك ..
أنا بتطلّع لك بعيدا عن العلاقة الشخصية ، وبعيدا عن معرفة الموقع ، كوحداتي زيّك زي اللي بتحكي عنّـو ( دحبور ) زي السيد زياد شلباية زي زيد أبو حميد زيهم كلهم على الصعيد الوحداتي ، ولما اتصلت بالسيد / سامي دحبور اتصلت لإنّو كثييييييييييييير ناس منهم هُمّـه اللي اتصلوا فيّي قبل هيك وحكولي خلّيهم في الموقع عندكم يبطّـلوا هالأساليب الصبيانية اللي بيستخدموها ، وكان ردّي عليهم في اللي فيه النصيب .. وعشان هيك المرة هاي أنا اللي اتصلت بالسيد / سامي دحبور وسألته عن هذا الكلام اللي حكاه - إن كان حكاه - يعني ، مش هُوّه اللي بعثني ، ولا أنا اللي بسمح لحدا يبعثني ، والشغله أجت منّي من باب الخير لا أكثر .. وأول كلمة حكيتلو اياها بعد ما كان بدّو يفـدّ الفده اللي هيّه بالموقع وبالأعضاء زيّ فدّاتهم فيما سبق من حديث أو من لقاءات قلت لُه وقّـف عندك !. أنا واحد من النت وما بيطلع لك لا إلك ولا لغيرك تحكي عن الموقع ، زي ما حكيتها لغيرو من قبله . وعندها قال لي انقل هذا الحديث على لساني ، لإني أنا ما إليش يوزر في النت .. وِلّا محسوبك لا بدّو تعيّنوه رئيس لجنة تحقيق ولا مدير موقع !.
وبالنسبة للي وصّل لك المعلومة فـ برضو محسوبك زيّك ، يعني عندي أفكار بوليسية وقدرت أعرف مين اللي وصّل لك اياها لهالمعلومة ، بدون ما تحكي وبدون ما أناور ولا أسأل زي ما سأل بعض الإخوة ، وما كان بيهمّني إني أعرف من أصلو ، بسّ انجبرت وعرفت من خلال مشاركتك تبعت اسأل اللي رفعوا أصابعهم ممّن لم يبلغوا سن الرشد ، مقابل إنّك تظلّ مصـرّ على الاستهزاء والسخرية ( اللي بتسمّيهم أنت انتقاد ) من رجل ، حتى لو كان حاكيها لهالعبارة هاي فبمجرد أن بلّغني بنفيه لها وأنا نقلتها هنا ، فكأنه لم يقلها وفي ذلك اعتذار منه عن قولها على الرغم من أنه لو قالها فعلا فأنا وكثير نراها قيلت في محلها ( لأولاد ) ، وأنا مش شايف فيها إشي تظلّك ماسكو على الرجل !.
وأخيرا أخي أبو محمد ، أنا كل ليلة بنام في الموقع ، مش بسّ عشان الموضوع هذا .
بعدين اللي رفعوا إيديهم يا ابو محمد ومعهم كمان واحد ثالث مقدّمين كتب وطلبات شفوية مباشرة لإدارة الفريق يطلبون فيها انتقالهم بالبيع أو بالإعارة بعيدا عن الوحدات .
يعني رفعوا وِلّا ما رفعوا ، معروفيـــــــــــن للّجنة .
وكمان شغله يا ابو محمد ، عبارة بنطرطش إساءات اللي ذكرتها في مداخلتك أعلاه ، روح اجتر المشاركة تبعتي كمان مرة اللي ذكرت فيها :
( بلاش ينولك طرطوشة بسببي )
اﻻخوان اﻻعزاء اسعد الله صباحكم
اوﻻ والله العظيم لم اتكلم مع اي شخص من الموقع عما جرى في اﻻجتماع واستحلف صاحب الموضوع بالله اذا تم اﻻتصال به من قبلي وانا عندي دائما الجرأه بالرد على اي موضوع يخصني وسبق لي عدة مداخﻻت
ثانيا كان مجلس اﻻداره قد كلفني والسيد سامي دحبور والسيد عبد الرحمن النجار للالتقاء بالجهاز الفني واﻻداري واللاعبين للوقوف على اسباب الاخفاق للفريق وتقديم تقرير حول ذلك وبالفعل قمنا بلقاء الجميع والتقرير غدا سيكون على.طاولة مجلس اﻻداره
وغدا ان شاء الله وبعد جلسة اﻻداره ساضع التقرير على الموقع وبعدها لكم الحكم على التقرير يا اما بتحكولنا الله يعطيكم او الله ﻻا يعطيكم العافيه وانا بكون مسرور بحكمكم سواء ايجابا او سلبا
وان غدا لناظره قريب ... وشكرا للجميع
كما تقول الحكمة وعد الحر دين عليه ولهذا نحن بانتظار التقرير والذي على ضوئه كان صوتك لاقالة الحجي وما شاءلله لصالح رائد عساف الذي رايناه مع شباب الاردن كان مخيف