النقطة المهمة التي يتجاهلها من يقولون بأن "الدوري لسا بأوله" هي أن المنافسة بيننا و بين الفيصلي "واقفة على نقطة" و خسارة نقطة مبكرة قد تعني خسارة بطولة طويلة.. و لنا في تاريخنا عبرة.
للأمانة، قويض يبدو أنه غير قادر على قراءة المباريات و الفرق التي نلعبها، فطريقته كثيرا ما تخطئ و تبديلاته قد لا تكون موفقة في كثير من الأحيان..
عدا عن مصيبة قتل مواهب أبناء النادي من أجل مجاملة لاعبين أقل منهم مردود، فموهبة الدميري التي كنا نتغنى بها و نصفه بأنه أفضل ظهير جاء للوحدات من سنوات عديدة ها هو في طريقه لـ "الحرق" لعيون أبو سمرة كينيث (صاحب الواسطة القوية) .. و حرق الياس الذي استبشرنا به خيرا ليكون لاعب ارتكاز المستقبل ها هو في طريقه إلى نفس طريق يحيى جمعة و الردايدة و غيرهم.. لعيون عبدالله ذيب لاعب الشوط الواحد.
نسأل الله ألا تزداد مصائيبنا مع قويض، و الذي شخصيا أشك في قدراته على قيادة الوحدات لما نطمح إليه.
اهلا ابو يونس
هذا الكلام اللي بنقرأ ...
اشتقتلك يا اقرع
اهلا ابو يونس
هذا الكلام اللي بنقرأ ...
اشتقتلك يا اقرع
حبيي يا كبير.. و انا والله مشتاق لدبي و الشباب و القهوة و الدخان و الدندرة..
يا زلمة و الله وضع فريقنا بخوف، ضيعنا الدرع و صرنا نبرر للمدير الفني و نقول
بكرة بثبت إنه مدرب ممتاز و رح نوخذ البطولات الظايلة.. و في كل مباراة بخلينا
نحس عن جد إنه الفريق في شك إنه يصمد.. المشكلة بوادر هالموسم شبيهة ببوادر
الموسم الأسود ٢٠٠٩-٢٠١٠.. الله تستر
أن شاء الله الكل يستفيد من هالمباراة، المدرب و اللاعبين و كمان احنا الجمهور،
و ربنا يعديها على خير
:: تعادل بطعم الهزيمة ::
يا سبحان الله
تعادل بطعم الهزيمة ,هاي الجملة لحالها معناها انه الوحدات لعب منيح وما فاز ... يعني انت بتعترف انه الوحدات لعب منيح وكان بستاهل الفوز .. ودهوك مش برشلونه وبنفس الوقت احنا مش مانشستر ولا الجزيرة نادي قبرصي
برد عليك وبحكيلك
:: موضوع بطعم العلقم::
-----------------------------------------------
:: الجزيرة ضعيف ::
الوحدات لعب مباراة كبيرة ومصيرية ولعيبة الوحدات تعبو فيها كثير وبعرف انه هاد مش عذر بس برضه مش ذنب !!!! قدّر الله وما شاء فعل ... وبالنسبة للصدارة يا عمده اليوم بالذات .. حتى لو فزنا كان الفيصلي ضل متصدر ... بعرف انه ضايل مباراة للوحدات .. بس انت حطيت بطريقة كلامك انه تعادلنا اليوم هو اللي اعطى الصدارة للفيصلي وهاد اشي غلط يا عم اللعيب
وبرد عليك وبحكيلك
:: تحليلك ضعيف ::
--------------------------------------------------------
:: طوق نجاه جديد ::
اللي بقرا كلامك بفكر الفيصلي متعادل 12 مره وخسران 5 مباريات ... الفيصلي 5 من 5 والفريق حقق نتيجة كاملة ومش مستني الوحدات ليرميله طوق نجاة او قارب ....
وبرد عليك وبحكيلك
:: تحليل ضعيف جديد ::
----------------------------------------------
:: هل يكون الاخضر وصيفا فوق الوصف ؟؟ ::
طالما الفيصلي عملها وكان وصيف بال2006 لكل البطولات فكيف احنا رح نكون فوق الوصف ؟ بعدين احنا راح علينا وصيف الدرع وسيبك من قصص طوق النجاة اللي غرقتنا فيها ... وبعدين مين البديل الجاهز ؟ شوف الاساسي واحكيلي مين الاحتياط اللي احسن منه !! يمكن الدميري احسن من بشار وابو عماره احسن من عيسى .
وردي عليك :
:: هل تكتب مواضيعك بهذه الصورة من اجل ان تخالف فقط ؟؟ ::
----------------------------
:: اصمتوا ::
رجاء ولا امر ؟؟؟
لا اعلم كيف تعطي الحق لنفسك ان تقول لنا ان نصمت وانت من سطور موضوعك لا تفقه اي شيء عن كرة القدم !!! انت من جمهور الفوز الصامت .. فلا تتكلم ولا تكتب عند الفوز ... بل تقتنص الفرصة عند اي اختلال بالموازين لحب الظهور .. لديك استعداد ان تكتب موضوع 100 سطر فقط لتظهر ان لديك ما تسميه بالارشيف للنتائج ... وارشيفك لا يعطيك الحق ان تقول لنا ان نصمت
وهون برد عليك وبحكيلك
:: اصمت انت وسنحك ::
اللعيبة عملت اللي عليها .. مش كلهم اكيد .. وما بنقدر نلومهم ... وزي ما حكيتلك .. قدّر الله وما شاء فعل
ابو فارس
بدي اذكرك بنتائج الفيصلي
فاز على الجليل 3-2
وعلى العربي 3-2
وعلى الرمثا 1-0
وعلى المنشيه 1-0
وعلى شباب الاردن 1-0
يعني كلها فوز بطلوع الروح وبفارق هدف هل تتوقع فريق مثل هاظ يخلينا وصيف وسه اله معنا مباراتين رايح جاي وانت شو رايح جاي بعني للوحدات
الاصوات التي تنادي بان الدوري باوله وان الاتحاد مسؤول عن النتيجة ان الاوان ليصمتوا ... فالاخضر سقط اليوم بشكل حزين فبعد تفريطه بلقب الدرع ها هو يفرط بنقطتين ثمينتين امام فريق " حارة " ..