يا جماعة الله يخليكوا يا ريت كل واحد يحط حاله محل رافت علي بس بشكل اخر (واحد منكم بشتغل عندي بشركتي كان راتبه 500 دينار او شو ما كان علمتك كل اشي واعطيتك كل اسراري وانتا كنت مخلص وبتتعب بس بيوم من الايام سمعت انو فلان من الناس بشتغل نفس شغلك وما بتعب نص تعبك وما عندو انتماء زي انتماءك وراتبه اضعاف راتبك وانتا صار عمرك 37 سنه يعني عايش نص عمرك واكثر اذا الله كاتبلك تعيش 70 سنه وما في بجيبتك غير راتبك وصحلك شغل زياده عن راتبك 100 دينار بدي اعرف شو بتعمل بهاي الحاله ) انا بحكيلك شو بتعمل اول اشي بتقدم استقالتك وبتكتب فيها لاسباب خاصه وما بتقدم شهر الانذار بتروح تشتغل بالشركه الجديده هاد عشان 100 دينار حلو الكلام . وبعدين بتروح زياره على الشركه الي كنت فيها بتلاقي زملائك السابقين رحبوا فيك واشتاقولك وما غيرو معاملتهم معك بالعكس صارو ا يحترموك اكثر وما بيجيبوا سيرتك الا بكل خير وما نسولك كل اشي كويس عملتو معهم وما حاسبوك على اي خطا طلع منك (انا الي بدي احكيه يا اخي رافت على من حقه ينهي مسيرته على طريقته والي بشوفه من مصلحته لازم يعملو واحنا ما لازم نحكيلوا غير الله يوفقك واحنا معك وين ما بتروح واحنا بنحبك يا رأفت ما تطول علينا احنا بانتظارك) وراح نعملك مباراة اعتزال بتليق فيك مصلحتك يا ابو علي شوفها انتا ادرى بوضعك النادي فوق روسنا بس بتهمنا مصلحتك
يا اخي رايي ومقتنع فيه ليش حارق بصلاتك انت ؟
انا مع الحق هيك انا شايف ومش مجبر اكون مقتنع بقناعاتك
رافت منتهي عقده وهو حر يختار ما يريد وشلبايه كذلك الامر و عيسى وكل من ينتهي عقده
هذا عصر الاحتراف والاداره قصرت وخصوصا طارق خوري اللي ما عبرهم الا تاجاهم عقود خياليه من الخارج وصار بدو يربح على كتافهم هو والاداره
يا اخي وقعوا معاه وبيعوه وريحوا ضميركم وريحوا الجميع
دراغان متنح بدو اياه وهو شايف مصلحنته ب 160 الف مش بال 35 الف تبعونا
وزي ما احترف غيره من حقه يحترف ويرجع كمان زي ما رجعوا
وكلامكم كان لما رجع عبود انو بضل ابن النادي ورافت خدم النادي وما فارقه الا عندما شاهد التخبيص والدفع على صفقات مشبوهه وهو قاعد بتفرج
ان بقي رافت اهلا وسهلا ان ذهب سننتظره والله يوفق الجميع لما هو خير لهم وللوحدات
يمسيك بالخير حبيب الشعب...
الشيخ رأفت ما حد ضربه على ايديه يوافق على عرض الادارة وبعدين يبطل... هنا النقطة الجوهرية الان...
انا لا محروقة بصلاتي ولا جرجيراتي... انت اللي دايما متحمس زيادة شوي... وغالبا لانتقاد الادارة...
وحدوا الله شو هالحكي، تخيلو ابو علي يدخل ويشوف هالكلام ؟ رافت خدم النادي 16 سنة وهو الي عمل حاله مش الوحدات الي عمله
ولو لعب للكرمل كان انشهر .. كله الا ابو علي خط أحمر ..
كلامك مردود عليك اخي الحبيب ..
الوحدات اكبر من رأفت ومن 500 زيه ..
لولا الوحدات عمره ما انعرف رأفت ..
الوحدات هو من صنع منه نجما ..
ومن الوحدات ازدادت اسهمه في السوق الرياضية ..
رأفت بدون الوحدات ........................... لا يسوى شيء
اللي بتحكي عنه هو ........ رافت علي
واللي مش تابع الوحدات في الملعب من خمسه عشر عاما ما يحكي وبالعربي جمهور ناكر للجميل لانه رافت علي هو حفظ كرامه الوحدات بيده قبل رجله
رافت الوحيد اللي بلعب ويفدي الوحدات بدمه واصلا الاداره لازم تعطيه مقدم عرض وزنه ذهب وبتبني تمثال لرافت علي باب النادي عشان يعلم الكبير قبل الصغير الانتماء للوحدات
الله يوفقك يا رافت وين ما رحت وشكرا علي السعاده اللي اعطيتني اياه كل هالسنين وايش ما حكيت ما بعطي رباط بوطك حقه
لا نشكك في انتماء رأفت يا غالي ..
لكن لو كان " رافت الوحيد اللي بلعب ويفدي الوحدات بدمه " لتنازل للوحدات .. علما بأنه تقدم له عرض 50.000 دينار ...!
تمنيت لو ضل مع الوحدات " وضحى " بالمال ....
اخي ..... انت عم بتتكلم عن رافت كانه معوش ..... رافت اكثر واحد استفاد من النادي منذ تاريخ انشاء النادي
عيب احكي شو عنده..... لانها رزقت ربنا و الله اباركلو فيها ..... و لو تعرف لتغير وجهت نظرك ...... بس انا حابب احكيلك شغله .... رافت قرر يحترف مشان حكالك ضايل بالعمر في الملاعب سنتين .... سنه بضرب براتب و مقدم عقد بالعلالي و قبل ما ينسونا الناس برجع و بعمل مباراة اعتزال ..... الرجال بدو يكسب كلشي .... و هي مش من حقه
حسن لما رجع من الكويت قال كلمتين .... الله اكثر خير النادي خليتوني احترف مرتين و اوضاعي تمام .... بدكم تبيعوني و تتسببوا ما عندي مانع بدكم اضل مع الفريق برضه ما عندي مانع
رافت استفاد من غير احتراف في الخارج .... لكن الطمع بسنه صاروخيه ماديا و مباراة اعتزال .... و يا رافت هلكتنا تحميل جمايل على 16 سنه .... بدك تطلع الله معاك و بالتوفيق بعيدا عن الوحدات .... لكن لن تربح كل شئ
اقتباس:
المشاركة الأصلية كتبت بواسطة ابن فلسطين
يا جماعة الله يخليكوا يا ريت كل واحد يحط حاله محل رافت علي بس بشكل اخر (واحد منكم بشتغل عندي بشركتي كان راتبه 500 دينار او شو ما كان علمتك كل اشي واعطيتك كل اسراري وانتا كنت مخلص وبتتعب بس بيوم من الايام سمعت انو فلان من الناس بشتغل نفس شغلك وما بتعب نص تعبك وما عندو انتماء زي انتماءك وراتبه اضعاف راتبك وانتا صار عمرك 37 سنه يعني عايش نص عمرك واكثر اذا الله كاتبلك تعيش 70 سنه وما في بجيبتك غير راتبك وصحلك شغل زياده عن راتبك 100 دينار بدي اعرف شو بتعمل بهاي الحاله ) انا بحكيلك شو بتعمل اول اشي بتقدم استقالتك وبتكتب فيها لاسباب خاصه وما بتقدم شهر الانذار بتروح تشتغل بالشركه الجديده هاد عشان 100 دينار حلو الكلام . وبعدين بتروح زياره على الشركه الي كنت فيها بتلاقي زملائك السابقين رحبوا فيك واشتاقولك وما غيرو معاملتهم معك بالعكس صارو ا يحترموك اكثر وما بيجيبوا سيرتك الا بكل خير وما نسولك كل اشي كويس عملتو معهم وما حاسبوك على اي خطا طلع منك (انا الي بدي احكيه يا اخي رافت على من حقه ينهي مسيرته على طريقته والي بشوفه من مصلحته لازم يعملو واحنا ما لازم نحكيلوا غير الله يوفقك واحنا معك وين ما بتروح واحنا بنحبك يا رأفت ما تطول علينا احنا بانتظارك) وراح نعملك مباراة اعتزال بتليق فيك مصلحتك يا ابو علي شوفها انتا ادرى بوضعك النادي فوق روسنا بس بتهمنا مصلحتك