السلام عليكم وحظ اوفر في المرات القادمه ان وجد مرات قادمه.احب ان اضع بعض الملاحظات على مواضيع اليوم:
1_ جمهورنا الكريم نسي افضال محمود شلبايه على النادي ووقفتو ورفض العقد مع اي نادي اخر.
2_ نهتف باسم رافت علي الذي باعنا بطريقه خسيسه جدا ومذله وخلانا فرجه للشامتين.
3_ وردا على مواضيع الوطنيه لاعبينا اثبتو انهم لاعبين منتخب مش نادي.
4_بشار بني ياسين منين طلعت فيه الاداره الكريمه.
5_تفريط الاداره بالبهداري بطريقه عجيبه.
6_الشباب بحكو وحدات نظيف وبدايه جديده لمتى بدنا نظل نكرر هالحكي زهقناه.
7_بالنسبه لمقال نرجع نرفع الروح المعنويه للاعبين عشان الاستحقاق الداخلي انا مش عارف كاتب المقال من اي كوكب بحكي بعدو مازهق الدوري والكاس ودرع الخشب كل بطولاتنا على الفاضي بدون اي انجاز خارجي.
8_المولازم ابو شاكر شو الخطه يلي بلعب فيها (لا دفاع ولا هجوم )حدا يفهمني شو كانت خطتو اليوم ؟؟؟
من الاخر انا تعبت من هالحاله لا لعب ولا نتيجه ليش بنشارك وبنكدس ديون لازم بعطونا البطوله الاسيويه شفقه على حالنا من كثر مشاركتنا بالبطوله كاكثر فريق وصل دور الاربعه!!!!!!!!!!!!!!!!