وهذه الاغنيه من اجمل ما سمعت اذناي على الاطلاق رائعه يا بلدنا يا راية شعبي المرفوعة يا راية شعبي المرفوعة في غزة و في مرج عيون راح نملا بالثورة الكون هي الشهدا شعب بحاله بدل الواحد خذ مليون *** راح نملا الدنيا العربية ثورات و شمس و حرية و نصحي البارود النايم و نحطم كل السجون *** نكبر في غرف التحقيق إحنا الثورة في كل طريق و إحنا الشعب العربي و احنا دم الشهدا في الحنون *** بنحب الأرض العربية عكا و لبنان و سوريه و بنغني للنيل العربي و بنغني لجبال عجلون *** راح نروي سهولك و تلالك بالحرية انشعل نارك و إن قرب الموت عاشجارك ما عاش اللي منا يخون
مجدك لكل الناس إن كنت بتحارب بإيدك أو بتحرث ها الوعر إن كنت عامل أو شبل في مظاهره استل الحجر إن كنت جاي من البحر. أو كنت في نص ال***** السوده تقطع ها النهر مجدك لكل الناس مجدك لكل الناس لقلوب البشر مجدك لكل الناس مجدك لهذي الأرض أعياد وشجر مجدك لكل الناس *** مجدك طلع من ألف موته بالغناوي والنصر مجدك رفع شمسه وفجر مية من قلب الصخر مجدك لكل الناس مجدك سما وغيوم مزروعة برق مجدك مطر ورد وعرس وقنبلة وعشرين بيروت وقمر مجدك لكل الناس ********* مجدك في نص الليل نجمة تونِّس اكروم الوطن تهدي اللي حامل جعبته واللي ما بيهزه السجن مجدك لكل الناس مجدك شعب كسَّر صليبه في اليمن وفي جبال أوراس انتصر مجدك لكل الناس
وهذه من اروع الاناشيد تحكي عن شاب اردني قام بعملية استشهادية في فلسطين احبها جدا جدا "أحمد المجالي" هذا الوطن للناس وإحنا عزوته ما يرفع الراس إلا مجده و عزته و الدم ايش الدم لو كان انحبس وما كان مهره في الحروب ومهرته *** يا عيون إمي بالفرح لا تدمعي أحلى الشباب هي اللي بتحارب معي دمي بذر لحن الكرامة اتسمعي أرض القدس شمسي و كفِّك منبعي *** هلِّي بزغرودة و قمر و غنيله يا أحلى المدن احمد على الموت انتصر ما ازهي شمسك يا وطن *** ورده لكل صغير في ارض الكرك للشيخ و الأم اللي قالت يا ملك هذي الأرض أعطت و راح تعطي و اجت تستقبلك *** مين شاف طفل صغير ودَّع ميمته و كان القمر يغفى ع طلة غرته مين شاف لمن عاد و لمنه ابتسم و الورد طالع من سلاحه و جعبته *** هذي فلسطينك إلك هيِّ إلك مثل الطفولة و صدر امك و الكرك هيِّ إلك هذي فلسطينك إلك للي بيرفع رايتك و يمسح غبار الليل عن مرتينتك هيِّ إلك هلي بزغرودة و قمر...
في ناس زيِّ الشجر في ناس زيِّ الشجر و فيهم زهر حنون واحد بيعطي ثمر واحد ظلال و غصون و يسقط ورق و يطير مع ريح في كانون لكن شهيد البلد بيظل حتى الأبد فوق الجبل زيتون *** يا دار لا تتعبي ظلّي فرح و ازهار و في الليل قومي اطلعي ع روس ها الأشجار و للشرق مدي البصر و قولي لكل الزغار الخيل الاصيله وحدها بتكمل المشوار *** شايفك حيران و موغوش في حبال الريح تتعربش في أيام الشد .. تتراخى و في أيام العز .. تتنعنش و الأرض زنَّرها التعب و انت مطلوق و مكلبش و كلاب الليل في دمك .. تعوي و الخوف فيك .. شرَّش مهما خبيت راسك و انكرت الناس .. ناسك وحده الوطن وحده يملا بالعز كاسك *** قُلَّي على وين مسافر شارد و الا انت مهاجر لسه الشهدا ما خلصوا حتى تختم دفاتر و لسه في سجون و عتمه و خلف القضبان في ثاير يصرخ في الليل و يضوي صراخه عا الكون بشاير مهما خبيت راسك ... *** محتار و طفل الوطن في الوطن ما هو حاير تقعد في حضنه النجمة و يجدل إلها الضفاير و لسه في ام بتحبل و تزرع عا الدرب مناير و تهز سرير البحر و بتحمي الطير الطاير
الله عليكي يافرقة بلدنا فعلا رائعه ليّا . . و ليّا ليّا و ليّا يا بنيه ضاق السجن عليّ سدوا دروب بلادي من الميه للميه *** وسعوا الحد الغربي بدي اسري لأرضي و شيلوا اللغم من دربي ودبابة الأمريكية *** وسعوا ها الزنزانة يافا بصدري سهرانه و زيتونتنا العطشانه بدها تشرب حريه *** وسعوا لي ها المنفى بدها تتنفس حيفا و حتى ها الليلة تصفى برصاص الفدائية *** وسعوا الحوطه و غنوا ها العرس احنا منه كيف بنستغني عنه و هو الروح الشعبية *** ها الجرح الو حروفه إم الشهيد تشوفه و نزغرد يا الله طوفوا بكعبتنا الساحليه
ورائعة الروائع تلوى يا شعر الحية تلوى يا شعر الحية على أيديه حبك يا وطن سيفي اللي بأيديه تلوى يا سجن و اغزل للدم قيود و ارفع قضبانك ملِّي هالدنيا جنود من قلّك انه ما في لاشجاري زنود زيتونه قتلت خاين بالشبريه *** تلوى يا مذيع و غني لحالك موال الأرض ما هو موالك لبلاد بتصرخ و لا على بالك كأن القدس في الهند الصينية *** تلوى يا مهيوب و اسهر في باريس ما الشعب وراك كله محابيس و نام ليلك كأنك عريس يحرسك بيغن يا بقبق عينييِّ *** تلوى يا مزيون و البس ع كيفك و ارمي الباروده و اكسر نصل سيفك ما احنا تحررنا بهمة جيوشك و الليلة السهره مونتو كارولية *** تلوى يا درب و اطلع و انزل عاطول دمي في الصدر يصهل و الدم خيول بعرف في يومين ما اقطع هالسهول و ان تعبت لقدام روحي قوية وان تعبت الاقدام روحي قويه
عكا عكا فرس من موج ع َ شط البحر موال ازرق .. ميجنا نغنيه يخضر ِّ الشجر عكا رمح للبر بيرد الخطر عن ورده .. عن شباك .. عن ذكرى و صور عكا اسم للطير و الأفراح و عيون الصقر و أمواج بريه و مطر عكا عرس .. مركب يشق المي ما يخشى الخطر عكا اغاني وداليه تطرح عنب تطرح شعر و نسور بترفرف على مد البصر *** بقول يا عكا و بفرش ها العمر ع عتاب شطِّك "ميجانا" إنت أنا و انت مرايه لما نوقف صوبها بنشوف لون العز ريحة ها الزهر و بنشوف صوت الناي و ما خبّا الصدر و نقرا سوى سيرة وطن سيرة شعب سيرة حصار و عسكر إبنقرا سطر يتلو سطر كيف اللي عمره ما انكسر عا أبوابك الخضرة انكسر كيف اللي حاصر أو دخل لبيوتك البيضة رحل و إنت بقيتي زي ها الموج و مثل نور الفجر عكا كأنك للعدى من قبل ما يكون المدى كنت قَدَر و من يومها صرتي كلام الناس .. و كتاب البشر
الله الله الله يا فرقة بلدنا تلوى يا درب و اطلع و انزل عاطول دمي في الصدر يصهل و الدم خيول بعرف في يومين ما اقطع هالسهول و ان تعبت لقدام روحي قوية
دبابة و بتحميها دبابة دبابة و بتحميها دبابة بالنار بيدقن على بابي في صيدا او في معركة او صور يمّه أجتنا ذيابة الغابة *** المجزرة تمشي على رجلين تحرق شجر و الورد حد ِّ العين يمه و طوق النار زنرنا نادي أبوي و عمي و أصحابي هذا الجنوب بحجمه و الله صغير زي القلب لكن بعزمه كبير يمكن يصير اللي ما عمره يصير لكن بذور النار في ترابي شارون او بيريز او شامير تتفجر الألغام كله يطير ما دمنا عن هالارض نواطير يبقى العنب ع طول لحبابي يمه يا سر الأرض يا اللي حاربت ما بدي اشوف خاين و همه تخاذلت هذي الحياه إلنا و لنجمه سبَّحت للأرض للريحان عابوابي دبابة و بتحميها دبابة
المجنزرة وقفت على باب المدينة مجنزرة بنيرانها بدّها ترجعنا ورا و احنا اللي شقينا الدرب و علينا راية ها الشعب بزهور من دم و جمر لا بتنحني و لا بتنشري *** وقفت على باب المدينة و شرَّعت نيرانها هذا الرصاص مهما هدر ما ينسي " لينا " أوطانها يا مهرة الشعب اسمعي عن حلمي لا تتراجعي إنتِ الوطن و انتِ الحضن و بالضو ِّ إنت مزنَّره *** وقفت على ابواب السجون وصدت ابواب الفرح رفعت ***** ابوجه الصبح لكن نهارك يا وطن نورُهُ على مرِّ الزمن و تلالك بنار و جمر و زنود سمره مشجره *** ها الحديد مهما ارتفع ما يخوف الا اللي ركع و احنا الحياه و احنا الامل و النور عمره ما خضع ضوِّي نجومك يا بلد انت الأزل و انت الابد روحك قويه و ما تهد الروح فيك مجنزرة و احنا اللي شقينا الدرب و علّينا راية ها الشعب بزهور من دم و جمر لا بتنحني و لا بتنشري
الله عليكي يا فرقة بلدنا ما اروعك نشيد الانتفاضة تنادي الخيل تع وقف بحدي نرد الليل بحجارة و تحدي نهار الشعب شمسه ما تغيب و شمس الشعب من زندك و زندي *** من الإصرار .. من اسم الورد و كرومنا الخضرة من النجمة اللي ع تلال البلد تزرع الف مهره من الريح اللي ما تهدا من الجمرة من الزيتون .. من قطرة عرق حره بنعجن خبزنا و نشعل شمسنا و نارنا الحمره و نصنع للصغار ارغيف ها الثورة بلدنا هذي كلمتها في وجه الموت لغتنا النار و الثورة سقف لبيوت نغنيها و نمسح خطوة الغاصب و هذا الدم هو الصوت *** لمين الأرض و المهره ؟ لمين العرس و الشارع ؟ لمين الضو ؟ ؟؟ - للثورة لمين ابنك لمين ابني .. لمين احنا لمين الخيل تصهل في المدى و تحمي زتونتنا جمعنا الدم من اول جرح فينا و زفينا شهيد الأرض و حنينا شهيدتنا و قلنا للصغير إكبر و أعلنا انتفاضتنا بلدنا هذي كلمتنا ... *** بلدنا البحر و البيدر .. بيوت الطين بلدنا الرام و الرامه و سهل رامين حصن عكا و شمس الكرمل و حيفا و غزه اللي ترد الموت بالسكين بلدنا النور في حنطة ملامحنا و اسامينا و شمس المجد في كل الأرض إلها في هذا اليوم اسم واحد : فلسطين فلسطين فلسطين
خايف يا معود خايف يا معود و الخوف بيجري ابدمك خايف خيالك من ايدك و لسانك من ضحكة سنك خايف حتى صار الشارع لما تمر يحَّد عنك خايف من ابنك .. من امك من نسمه بتدق الباب .. و تضحك حتى تفرج همك خايف من دبابه خرسه و خايف حتى .. برضه .. منك خلينا نحكي بالعربي لا اسبانيولي و لا تركيه دبابتهم امريكية و دبابتنا امريكية و القائد نشَّن و اتعلم قتل الفقرا و الحرية و الله ابنفس الكليه *** يا عيبك هذي لحجاره في القدس او في المناره زي حجاره ارض المنفى لكن ها الكف اللي يحارب في الرمله و في " كرمل حيفا " ظَلُّه اغلى و ظله اوفى و خلينا نحكي بالعربي *** خايف من جندي طب هي جيوش الصهيونية بتركع و هي اللي هزمت جيوشك بالطيارة و نار المدفع و لا يغرك ها اللي ابيتأمَّر هو سخام .. لكنه بيلمع و خلينا نحكي بالعربي ... *** يا عيبك " صبحه " اللي تحارب في غزة و تحمل شبريه ان ما كانت اختك .. هي امك و محمد في مخيم " عسكر " مر ابمقلاعه الرشاش ووصاني ان هو استشهد اسِّم مقلاعه لأبنك و خلينا نحكي بالعربي ... *** يا عيبك امواج البحر الهادر شو ابتسألني عنك مرَّت عا شباكي امبارح و اعطتني عنوانك و اسمك و قالتلي طفله شهيده ان سكنك مرَّه الخوف اتقدم و إذبح روحك زي النعجه و اطردها بَّره جسمك و خلينا نحكي عربي
ع الاوف مشعل غني يا حلوه عن بلادي غني عن نبعه و جره و صبيه بتملِّي *** وفي ليله شُفتك في الحلم قصيده تنادي ع الفرحة و ع الناس البعيدة نار نار اجو الغُرُب مُوت مُوت ملُّو الدرب يا حبيبي هي هي .. سامع صوتك هي هي .. بدري بموتك يا حبيبي يا ويلي ويلي و البلاد بعيده ظلَّت فرحتها ع التله وحيده
عا الروزنه عليك ِ مني السلام يا ارض اجدادي ففيكي طاب المقام و طاب انشادي *** عالروزنه عالروزنه يا ارضنا اعطينا و إيش عملت قلوبنا حتى تجافينا *** يا مسافرين عالتعب زرعتوا بالي جراح يا موزعين عالعمر خلوا العمر يرتاح تكبر هموم الوطن ينشك جنبه سلاح يركي على سنسله و يحكي عن اللي راح *** يا رايحين عالوطن خذوا مني كلمه سكنت في بال من سكن تكبر مع البسمه و تنادي عيون تتطلع تسهر في هالعتمه تكتب ع حيط البلد اسم الوطن و اسمي
عمي يا ابو الفانوس يا محملين هموم تعب الحكي منا هاجم علينا النوم يا مين يسهرنا *** عمي يا ابو الفانوس نور لي هالعتمه خوفي الطريق يطول و يطول معك همي *** يا راجع من بعيد شو رجعك إلنا شاب السهر في العين يابا و العين تستنا *** جيتك وراي سنين و بلاد مضويه حامل إلك حلمين حلوه قلبي و عينيه *** قالوا القمر عالي قلت القمر عالي حطيت عيني في السما شو جابك ببالي يا مَروَّحه بدري شو روحك بدري و بخاطري تنظل سوى و خلي العمر يجري
↑ Grab this Headline Animator
... جميع الحقوق محفوظه لمنتديات الوحدات نت © ...
.. ][ جميع المواضيع و الردود تعبر عن راي صاحبها ولا تعبر عن راي اداره منتديات الوحدات نت بــتــاتــاً ][ ..