كثير مواضيع نزلت في الفترة الماضية عن عزوف الجماهير عن الملاعب واسبابها وكل شخص ادلى بدلوه حول الموضوع .. وبعد ما رحت على مباراة اعتزال رأفت ( الي كل جمهورها منا " فش حدا يجاكرنا " )
ترسخت قناعتي انه الملعب مش مكاني ولا ارغب باعادة التجربة .. شوية ملاحظات من الدرجة الاولى يمين ::
2. ما بزبط التشجيع الا بشتم الخوات والاعراض وكأنني مجبر على ان اشوه سمعي وسمع الاطفال الي معنا ناهيك عن وجود عدد كبير من السيدات بالملعب بهيك الفاظ نعوذ بالله منها .. ومش اشي فردي لا جماعي وبعضها بتحفيز من رابطة المشجعين ( إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ (15) ) .
3. المباراة ودية حبية وطول عمرنا بنشكي انه مافي كراسي ... السؤال المهم ليش تكسير الكراسي وانا شاهد على خلع ما لا يقل عن 5 كراسي من حولي فقط من غير اي سبب او داعي .. بس انه بده ينط دايقه الكرسي فخلعه !!!!
4. اذا انت مش سائل عن صحتك وبدك تدخن انا مش مجبور اضل قاعد في محششة والدخان عن اليمين وعن الشمال ومن فوق وتحت ... وطبعا على الفاضي ساعة وانت تحكيله لو سمحت سيجارتك وكأنه الشغلة جكارة
5. وهي المبكية اكثر شيء بالنسبة الي .. معقول مرور بنت صحفية من امام المدرج بخلي درجة كاملة تقوم تصفر طبعا غير الكلام البذيء والحركات ... معقول للهدرجة واصل حالنا
في ميزات كثير وجهود كبيرة كانت في الملعب ... لكن هذه الملاحظات بتخليني احكي عمري ما بدخلك يا مدرج
ولا تنام بين القبور ولا تشوف منامات وحشة
صباح الخير
وأنا أشد على إيدك
كان معي ابني بالصف الخامس
وخجلت كتير ... ونطيت أنا وأبني زي ما طلب الجمهور .. مش حب بالنط .. بس مشان ما توصلني المسبة ..
انا كنت بدرجه الثانية ما شفت شي من النقتط المذكورة
كان الحمهور رائع ومثالي وتشجيعة رائع
بخصوص نقاط المذكورة يا دكتور .....اؤيدك بها
واختلف معك بموضوع الدخان ما راح تقدر تسيطر على الدخان الا عي بيتك
الاماكن العامة مستحيل
أخي الحبيب
المسبات السافلة كانت واصلة سحاب
وشتم الأندية الأخرى كان بصوت زلزل المدرجات
يعني مش واحد وتنين يلي سب
آلاف سبوا كلام وسخ
وفي ناس من جماهيرنا أخلاقه زي الزفت للأسف .. والكفرانية على لسانه زي مرحبا
بنقول الله يهديهم
وراح نضل نروح الملاعب نشجع مشان ما نترك المجال للألسنة الزفرة والناس مش المربية... أولاد الشوارع والصيع.
بسّ برضو يا دكتور أنت والأخ raedimran وكل مَن فكّر تفكيركم ، ما إلكم عذر تقاطعوا وما تحضروا ، يعني بدكم تتحمّلوا شويه ،، وبإمكانكم أنتم أن تكونوا نواة الخير ولسان النصح والإرشاد بتواجدكم بين الجماهير ودعوتكم لهم بذلك ..
اشكرك اخي الكريم على مرورك
ولكن صدقا حاولت انا واصدقائي اكثر من مرة لوقف مثل هذه المسبات وللاسف كادت الامور ان تتطور لما لا يحمد عقباه....
وللاسف هنالك اشخاص يأتو للملعب فقط لمثل تلك المسبات ولهذا نايت بنفسي...وشكرا مرة اخرى لمرورك
بارك الله فيك اخي
و هذه الاماكن بحاجه الى وعظ و ارشاد من امثالكم
و نياله فاعل الخير "و الدال على الخير كفاعله"
هناك اقتراحات و افكار ممكن ان تفيد المجتمع و تبث الخير من المدرجات
مثال:
ممكن من الاخوان التي تهمهم قضايا مجتمعنا و ديننا ان يوزعوا منشورات تدل على الخير و الاخلاق و احترام العامة مثلا
و هناك افكار ممكن نتشاركها في موضوع منفصل عن التوعية في المدرجات
والله يا اخي احمد الموضوع اكبر مني بكثير يا ريت كنت
واعظ او خطيب لكنت وجدت حلول شخصية
فرديه مني , هناك الدعاه والمشايخ الذين يطرقون ابواب البيوت لارشاد الناس , الغريب بالموضوع انك
بتكون تصلي معهم في احد الصلوات ويقول لك ( بدنا
نزورك ونتحدث في كلام الله ) صح ومش غلط التفقه
بامور الدين ولكن هناك اماكن بامس الحاجه لتواجدهم
فيها اكثر من الجلوس مع اناس على علم ودرايه
بامور الدين. هؤلاء من تقع المسؤوليه على عاتقهم.
والله كلامك صحيح..اللي بنشوفه في مدرجاتنا ما بنقدر نسكت عنه
روابط المشجعين عنا عبارة عن شلة من الزعران..بكفي أسلوب تشجعيه الغبي والمتخلف (الله يشل إيدين اللي ما برفع إيدو)!! وفي آخر مباراة حضرتها ورغم وجود بعض الأخوات في المدرج قام واحد من المذكورين وبكل بساطة شتم على أخت اللي ما برفع إيدو!! يا أخي شو دخلك فيّ أنا؟! أنا جاي متفرج مش مشجع..مش مضطر أسمع جُمل غبية وتوسلات محرجة غير مجدية!!
مشان الله خلينا نترفع شوي عن السب..وفي كل مباراة ننسى مين خصمنا ونشجع فريقنا وبس..بغض النظر عن الخصم، إنتا جاي تشجع فريقك مش تسب على المنافس!! حرام والله هيك يا جماعة الخير...لازم نكون أوعى بكثييييييييييييير
أخي الحبيب - طبعا الكلام عن الجماهير كلها في بلدنا مش جمهور بعينه. أقول:
الملاعب والمدرجات مكان وملاذ لبعض المفصومين أخلاقيا
يأتي الملعب ليشجع النادي الذي يحبه وهذا كلام سليم.
لكنه لأنه مفصوم أخلاقيا ومتخلف اجتماعيا ومبتور دينيا فهو يعبر عن محتواه الواطي وتربيته الهاملة ومستوى أخلاقه الحقير بالسب والشتم واللعن.
لو بدنا فقط نغربل جمهورنا في غربال الأخلاق والقيم والدين ... ما بتلاقي في الملعب غير بضع آلاف ... وهؤلاء في الملعب لا صوت لهم.. فهم مسالمون محبون للوحدات ولكرة القدم
هذا ذنبهم أنهم يحبون الوحدات ولا يحبون اللعن وسب الأعراض وسب الذات الإلهية
المقاطعه مش حل ..ومش كل جماهيرنا هيك ..وللاسف الموضوع رح يلف كل المنتديات بحجة انه صدر من الوحدات نت ..وسيستثمر في التشويه ... الكل عليه مسؤوليه ..واللي ابوه ما رباه اكيد مش رح المدرجات تربيه
يعني الحل انه نسكت على الي بصير عشان ما يلفش الموضوع !!!!
المقاطعه مش حل ..ومش كل جماهيرنا هيك ..وللاسف الموضوع رح يلف كل المنتديات بحجة انه صدر من الوحدات نت ..وسيستثمر في التشويه ... الكل عليه مسؤوليه ..واللي ابوه ما رباه اكيد مش رح المدرجات تربيه
اقتباس:
المشاركة الأصلية كتبت بواسطة بشير كعوش
يعني الحل انه نسكت على الي بصير عشان ما يلفش الموضوع !!!!
لا يا عزيزي بشير ، لا أعتقد أن هذا ما قصده العزيز الآخر الأخ طارق ،، فشيء صحي أن نتصارح ونطرح مثل هذه القضايا ويتفضل كل منا برأيه ووجهة نظره .. عسى ان نصل إلى ما يُرضينا جميعًا بالوصول إلى مدرجات نظيفة خالية من أية شائبة ..
بالنسبة لجمهورنا مع كامل احترامي شو متوعيه الا يسب ويشتم ..
بالامس كنا نتحدث انا والاخ "جهاد علي" عن لقطة لما عملو لقاء مع مندوب النادي الفيصلي
الجمهور صار يحكي "فيصلي ولع ولع ...الخ"
طب الزلمة كثر خيره جاي يعمل واجب هيك بتشتموه؟؟
والله لما شفتها على التلفزيون اني خجلت من حالي! كل من هتف بذلك هو شخص جاهل وغير متحضر! هذا أقل ما يقال ويعف اللسان عن قول أكثر! هذا عيب كبير بحق كل وحداتي، احمد العدوان كان ضيف علينا فمن يشتم ضيفه لا يعرف الواجب ولا الاصول!
فعلا روابط تشجيع قائم عليها بعض -وليس الكل- المتخلفين وان كنت ارى ابو سعدو رجل ذكي ويجب عليه ان يوقف مثل هذه المسخرة
الحل الوحيد هو فرض عقوبات من الدولة على الافراد المسيئه
مثل ايام زمان الي بشتم الذات الالهيه وكأنه شتم مقامات عليا
ويجب ان يحاسب بعقوبه اشد, أوليس شعارنا يبدأ بالله ثم
الوطن ثم الملك , هذه خطوط حمراء ويجب معاقبة من
يتجاوزها , ومثال على ذلك الافطار في رمضان اصبح
في الشوارع بشكل علني , زمان كان يسجن الى ما بعد رمضان
في ناس ما بتيجي غير بالقوة ومن يفرض القوة غير الدولة والحكومه ؟
