يا سيدي تسع سنين .. تسع سنين ، مش فارقة ال 3 اللي جنب التسعة عالشمال يا أبو أمجد ..!!
" وعلى فكرة ال 9 تقبل القسمه على 3 " .. أي هو ماجد العدوان أحسن مني .!؟
كان في سيارات سلوك ( فاضيه ) وسيارات سلوك ( مع الإضافات ) !.. كنا نعمل العجال من ماسورة الخيطان ( الكرارة الخشب المخزوقة من النص ) وِنْجَمّع غُطي قزايز ( الكازوز ) الكراش و الآر سي ونُلْضُم الغُطي بعد ما نْخَزّقها بمُغّيط ( الدِّكِّه ) ونلفها على الكرارة الخشبيه وتصير عجل ..
الله الله الله...
كنت عارف إنه أبو أحمد عنده الخبر اليقين..
وعلى سيرة طبة التنس الأرضي.. ذكرتني بلعبة الصيدة..يعني لازم تصيد الأولاد بالطبة لما تخلصهم.
أما القلول كان في لعبة السبع جور ولعبة الصيدة يلي بكون فيها "الماد"كمان.
وبعض الأحيان كنا نلعب عليهن فَنّة بالتعريفة...يعني قمار
يجازي بلايشك .. قماااار !!!! هههههههه ..
أي هيه هالتعريفه .. كنا نشتري فيها خمس جلول ..!!
بس فراس الأشقر كان مصروفه " شلم " .. هوه الوحيد اللي كنا نتشاطر عليه ونخسره ..
يا سيدي تسع سنين .. تسع سنين ، مش فارقة ال 3 اللي جنب التسعة عالشمال يا أبو أمجد ..!!
" وعلى فكرة ال 9 تقبل القسمه على 3 " .. أي هو ماجد العدوان أحسن مني .!؟
كان في سيارات سلوك ( فاضيه ) وسيارات سلوك ( مع الإضافات ) !.. كنا نعمل العجال من ماسورة الخيطان ( الكرارة الخشب المخزوقة من النص ) وِنْجَمّع غُطي قزايز ( الكازوز ) الكراش و الآر سي ونُلْضُم الغُطي بعد ما نْخَزّقها بمُغّيط ( الدِّكِّه ) ونلفها على الكرارة الخشبيه وتصير عجل ..
جنطات يا عمي وكاوتشوك عريض .. شو بدنا بالحكي !..
ما بدي اتفلسف ابو احمد لكن عندي مقياس العمر باللحظات الجميلة ولحظات التعلم والتامل ....ما علينا من هالقصة خلينا مع الخطيب.
كنا نحط حجار ونصفهم زي الشوارع ودوار وقصص طرمه ......اما اليوم ابو احمد ابني اللي عمره خمس سنين ما بلعب اللا بلاي ستيشن.
يعني مش هالفلسفه هاي هيه اللي فتقت جروح أبو العبد ؟؟؟؟؟
الله الله عليكو كلكو ..!!
شفت يا ابو احمد شو دور الاستراحة عظيم .....للاسف احيانا بتضيع بين طيات الموقع .....وجودكم والتحدث معكم بشجون الحياة ، احيانا تعادل التحدث بهموم الاخضر ان لم تكن اكثر ، انا جدا سعيد بوجودكم الليلة.
يالله لو غلطت فيها هي أبو أحمد بصححلي.
هاظ بقلك واحد اسمه جبر كان في المقبرة....وشافلك شاهد مكتوب عليه فلان ابن فلان عاش سنتين....وآخر مكتوب فلان عاش شهرين و..و...الخ فسأل ليش كلهم ميتين صغار فقله حارس المقبرة هون بحسبوا عمر كل واحد في الأيام الي عاشها مبسوط...
فكر جبر وقله" انا لما أموت بدي يكتبوا التالي: المرحوم جبر...من بطن أمه للقبر"
شفت يا ابو احمد شو دور الاستراحة عظيم .....للاسف احيانا بتضيع بين طيات الموقع .....وجودكم والتحدث معكم بشجون الحياة ، احيانا تعادل التحدث بهموم الاخضر ان لم تكن اكثر ، انا جدا سعيد بوجودكم الليلة.
أقسم بالله ثم أقسم بالله .. إني كنت لسة بدي أحكي بنفس مضمون كلامك عن الاستراحة وعن هاللمه الحلوه هاي ..
يا أبو أمجد .. طقينا .. فقعنا .. بدنا نتنفس يا ناس ..
بكرة جاي الشتا .. والله أيام زمان كنا نولع النار المغربيات عالجبل !!!!.. وما نروح غير لما يخلصو الخشبات وتنطفي أخر جمرة بعد نص الليل ..!! هسة شو بدنا نسوي في الشتا ؟..