والله إذا هالحكي صحيح - لإني مش متأكد - معناتو عَمَار يا البلاد ..
اقتباس:
المشاركة الأصلية كتبت بواسطة jamal nashwan
وعنجد عنجد ،، يسلموا إيديك وعينيك عزيزي حسن على هالوجبات الدسمه وهالأكلات البلديه الأصيله ..
بس لفت نظري في تقديم الموضوع لأصناف الوجبات :
أن ( الهِنْدْبَة ) هي اسم آخر لِـ ( السلق ) ،،
والصحيح أن ( الهندبة ) صنف آخر يختلف عن ( السلق ) تمامًا ..
فالهندبة نبتة أوراقها صغيرة تشبه إلى حد ما ( الخُبِّيزة ) أما ( السلق ) فأوراقه عريضة وكبيرة حتى أن بعض الأهالي يطبخونه مثل ( الملفوف ) .. يعني بِلِفّوه زي ورق الدوالي والملفوف وبِحشوه رز مع لحمه مفرومه ..
وعلى العموم ، استمتعنا بما قدّمتَه لنا من أكلات طيبه لقرانا ومدننا يا حسن ..
هناك أيضًا أكلات ( الخزين - المُونِه ) مثل الْكِشِكْ - قمح مع الحليب وقطع ( مْخَرَّطة ) من الفلفل الأحمر وهذا الخليط يُترك في الهواء والشمس ليتخثّر ثم يُشَكَّل ويُحفظ على شكل أقراص - والْفْسيخ - السمك المدفون في تراب البحر مع كميات كافية من الملح لتغطّي السمك بالكامل - والبندورة في ( قناني ) زجاجية كبيرة بتفريغ هذه ( القناني ) من الهواء وذلك برص شرائح البندورة المقطّعة قطعًا صغيرة تناسب ( وُسع باب القنينة ) ورص البندورة ضروري لكي لا تدع فراغًا للهواء لإفساد البندورة مع وضع كمية قليلة من زيت الزيتون لملأ أي فراغ ممكن في القنينة لمنع الهواء ثم تغطية القناني بإحكام وتخزينها لاستخدامها في الشتاء لما تنقطع البندورة أو يغلى سعرها ، وهاي الطريقة تضمن الحفاظ على البندورة طازة وكإنها هسّة مشرِيه من سوق الخُضرة ..
وهناك كمان أكلات ( التخليل ) المخلّلات بكافة أصنافها ، وفي أكله بعرفش إذا بتعرفوها وِلّا لأ ، الْمِشّ - الْمِشّ وبِنعَمَل من مَيِّة الجبنه وبواقي قطع الجبنه الصغيرة اللي بتكون ضايله في الميٍّه مع عصير ليمون وبعض من قشره ، وحبّات الْحِلْبِه وشوية فلفل أحمر ( قطع صغيره صغيره ) وبعد ما الْمِشّ يتخلّل ويعقِّد ويصير جاهز للأكل تُقطّع فوقه شرحات بندورة صغيره ..
اولا يسلمو ايديك عهالموضوع الشيييييق و اللذيييييييييذ خصوصي اني اعشق الاكل والمطبخ كمااان احسن من الشيف رمزي اطيب اكلة اول شي المقلوبة اولا هههههههه مع انو صورتها مش مشجعة ابدا بعملها احسن من الصورة
وبعملها بطريقة خااااصة طبعا مع باتنجان او زهرة و بطاطا ونصيحة عدم استخدام الرز المصري او الامريكي ابدا ابدا
نصيحة استخدام تحديدا رز ابو كاس (بسمتي ) مش اي رز بسمتي تاني لانو بيشرب المي وما بيخبص وبيطبخ حااالو ومش ضروري نقعو بس غسلو وازا نقع مش اكتلر من 10 دقايق وطبعا البطاطا باخر الطنجرة لحتى ما تلزق الاكلة وزياادة الباتنجان و الزهرة وعدم وضع اي نوع بهار ابدا ابدا ابدا ابدا سوى الفلفل الاسود المطحون فقط عند سلق اللحم او الدجاج والملح وبالنسبة الرز اول 5 دقايق عنار عاليه بعدا بتوطو النار وصحتييين وازا عمقدار المي كل كاسة رز كاستين مي بنفس كاس الرز او كاستين وربع وصحتيييين
الكبسة كمان طيبة بس هي خليجية وخاصة باستخدام رز الشعلان (بسمتي ) تحديدا ومع زبيب عالوج اخر شي منقوع منيح من اول ما تبلش الطبخة ومقلي مع بصل
وورق العنب و المحشي كوسا و الملفوف و الصواني هدول كماااان طيبييين ومش صحبة ابدااااامع المنسف بتاااااااااتا
عنجد ان مسرور من المشاركات
ويا ريت تشاركوا دائما بمواضيع الاخ حسن اللي بحكي فيها عن تاريخ وتراث البلاد
مش بس المشاركه وقت الاكل والطبايخ ما شاء الله وصلنا اربع صفحات ويوم موضوع المجازر والتراث ما كملنا صفحتين
اذا النكد ابو محمد عماد شارك اليوم ذابحه الششبرك
عنجد ان مسرور من المشاركات
ويا ريت تشاركوا دائما بمواضيع الاخ حسن اللي بحكي فيها عن تاريخ وتراث البلاد
مش بس المشاركه وقت الاكل والطبايخ ما شاء الله وصلنا اربع صفحات ويوم موضوع المجازر والتراث ما كملنا صفحتين
اذا النكد ابو محمد عماد شارك اليوم ذابحه الششبرك
ابو عمار الغالي
الاكل تراث وتاريخ وحاضر ومستقبل ,,,
والشيشبرك غير تجمع ولا تفرق
اذا الشغلة هيك خذ عندك هالاكلة الفلسطينية "مقلوبة فول". الجدير بالذكر ان المقلوبة بكافة أنواعها اكلة من اختراع او ابتكار اهل فلسطين حصرا وكانت تسمى في الماضي عندهم "الباذنجانية" الى أن جاء صلاح الدين فقدم له أهل القدس ولجنوده المقلوبة كغداء فقال صلاح الدين لهم "ما هذه الأكلة المقلوبة" فتغير اسمها الى المقلوبة وانتشرت بعد ذلك وعاد بها من فلسطين بعض جنود صلاح الدين الايوبي للعراق وانتشرت في بلاد الشام والسعودية بعد ذلك.
مقلوبة الفول بالتفصيل الممل -عشان العزابية- من الحجة والدتي (ادعولها وادعوا لوالدي بطول العمر وحسن العمل)
مقلوبة الفول
الطريقة:
1 - تنظيف الفول الأخضر وسحب العروق الجانبية بالسكين نتخلص منها ونتخلص ايضا من أطراف (قموع) حبة الفول الأخضر ثم نقطع الفول قطع صغيرة بطول حوالي واحد ونصف سم كما يظهر في الصورة.
2 - نقلي الفول المقطع بالزيت حتى الاستواء لمدة حوالي ربع ساعة.
3 - نقطع البصل ونقليه في الطنجرة ونضيف عليه قطع اللحم و"بهار حلو" (تقول والدتي هذا أحسن بهار للمقلوبة -بل هو بهار المقلوبة- اعتقد يسمى بالإنجليزي allspice ويميل لونه للداكن) وقليل من الفلفل الاسود وحبتين هيل ومكعب ماجي ونسلق اللحم بالماء كالعادة بعد ما تستوي اللحمة نضيف الملح.
4 - ننقع الرز ويفضل يكون رز مصري لمدة نصف ساعه بعد غسله عدة مرات.
5 - نرتب الطنجرة بنفس طريقة المقلوبة الفلسطينية المعروفة: رشة رز خفيفة ثم قطع اللحم المسلوق ثم الفول الذي قليناه ثم الرز الذي نقعناه بعد تصفيته وغسله مرة اخيره وتصفيته.
6- ثم نضيف مرق اللحم (الماء الذي سلقنا فيه اللحم) الى ان يصل تقريبا الى مقدار عقدة اصبع فوق الارز ونطبخ الارز كالعادة (نترك النار عاليه والطنجرة مكشوفة حتى يغلي المرق وعندما يغلي نغطيها فورا ونخفض الحراره الى أدنى درجة).
7- بعد ما يطبخ الرز (بعد حوالي ثلث ساعه)، نقلب مقلوبة الفول بسدر واسع فتظهر كما في الصورة.