اسمع حبيبي
انا اخوه للاعب منذر
واول اشي انا ما بسمحلك تحكي عنو هيك اوك
تاني شي ,, حاسك بتحكي عن واحد من الزبالة معلم
حب الوحدات فينا متأصل تأصيل
يعني انا مش عارف شو الي حارق دمك بالموضوع ؟,, انت بدك تدفعلو مصاري يعني
بعدين هل انت شايف انو ما بستحق مثلا ولا بدك يجي واحد من برة ما بيعرف يلعب ولا يمسك طابة
زي معظم المحترفين الي اجونا ويوخد مصاري من النادي وبمقدم عقد وراتب شهري
اللعيب مبين حبيبي والي بس بالنادي بيوخد مصاري وهو قاعد مبين
وحاب احكيلك ,, خف شوي لانك بتحكي عن لاعب وحداتي ومتعصب جدا لفريقو
ومستحيل يلعب بنادي تاني بالاردن لو شو ما دفعولو
بعدين اي لاعب شو ما كان وضمن الاحتراف الي صار فيه البلد حقو يوقع على الي بدو اياه هو وبس
لا احلى اشي قال رجعوه للفئات خليه ينتسى سنة ( حقد طبقي مش طبيعي هههههه)
اذا ما عندك فكرة طبعا ,, اخوي هداف الدوري بجميع الفئات الي كان فيها يعني ديما اسمو فوق فوق فوق
مع الوحدات اكيد
وبالتوفيق لمنذر مع الوحدات وبس
اذا اخوك بهاي الطريقه بحاور النادي والاداره فعلى الوحدات السلام ويكون بعلمك كل واحد شاف حاله على النادي طلع فالصو وبالاخر ندم وان شاء الله اخوك يكون اعقل منك على الاقل بحواره
يا حبوب كلهن مباراتين لعبهن اخوك مع الفريق الاول وامام افرقه واقعه وصرتوا شايفينه ميسي
جايينا مباريات ثقاله تنشوف شو بدو يعمل
وعلى فكره عوض راغب وجهاد عبدالمنعم بعز دين تالقهم ما لقيناهم بفكروا بعرض من عروض الوحدات واذا حضرتك وحضرته شايف انه اكبر من الوحدات خليه يوقع مع برشلونه على قده
ارجع يا حبيبي لكل مشاركاتي كيف كنت ادافع عن الشباب وعن اخوك بالذات رايح تعرف وجهة نظري الصحيحه بس مبين انت اللي جاي تهاوش وبس وتعمل لاخوك قيمه وهذا غلط فلعبه و تواضعه وتقديره للنادي هو من سيرفعه روح شو شو صار بعبدالله ذيب وبعدين اتكبروا على النادي اللي عمله
الاسلوب اللي بتستخدموه حضراتكم وحضرات بقيه اللاعبين لوي لايدين النادي والشباب لسا الطريق امامها ولسى ما بين خيرهم من شرهم وصاروا يتشرطوا
وبعيد مره ثانيه اذا اي لاعب حاب يطلع الله معه طلع رافت وما اثر فينا بدنا نصير نشد ونترجى لاعب كل اللي لعبهم يومين وصار بدو يفكر يوقع والا ما يوقع؟!!! والله هزلت الوحدات اكبر من الجميع واللي عاجبه يضل واللي مش عاجبه يشوفله فريق على مزاجه
تذهب وتندثر الاسماء ويبقى الوحدات شامخا
ابو عماره
عراسي انتا واخوك والاخ نادر مابيقصد اللاعب بعينه
انما يتحدث عن مشكله عامه
ولكن خانه التعبير في بعض الجمل التي لا تصح ان تقال
عالعموم اتمنى انك تكون بطرف الوحدات وتضغط على منذر مايستعجل الشهره ويوقع مع الوحدات
نعم يا كبير انا وجهت الحكي للجميع ومن ضمنهم ابو عماره وقصدت كل كلمه
يارجل كل اللي لعبهن مباراتين وصار بدو يتشرط وبقولولك انتماء !!!!!!!!!!!!!!
ليش بتلوموا رافت اللي خلص اعتزل تقريبا ؟!!!!!!!!!!!!!! بدو مليون سنه هو وغيره مشان يلحقوا رافت و جهاد وهشام وغيرهم ويقدموا اللي قدموه للوحدات وما شفنا حد تشرط والا فكر الكل كان يحلم حلم يلبس كلر الوحدات بس مبين الغضيب جاب عدوى ما الها علاج ولا الها لقاح والله ينتقم منه اللي رجعه
بعدين انت با نادر ,,,مش عارف الصح وزايد حكي ما الوا دخل ,,
خلي الحكي بينا لانوا مش حابين انكبر الموضوع ,,,
بس تعرف الحكي الصح بعدين بطلعلك تحكي ,, انا بعرف شو الي صار بين زياد ومنذر
بس الحكي مش متل الشوف ,, الله يسعدك لاتحكي حكي ما الوا طعمه ,,,
احنا عنا حب الوحدات وراثه ,,للمعرفه فقط
هيك موجود احكي اللي عندك !!!!!! مره بتقول من حقه يوقع عاللي بدو اياه ومره بتقول زايدين عليه حكي من عنا ومره بتقول اعرف الصح !!!!
يارجل مين سواه لاخوك ؟!!!!! مش الوحدات ؟
انا مش معترض على انه يمثل الوحدات لاسمح الله ولا يوخذ اللي فيه النصيب انا معترض على الاسلوب الاعوج
شو بتفهمنا من كلامه لما يقول بدي افكر؟ وهل 4 سنوات براتب 400 دينار قليل على لاعب عمره 18 سنه بلعب بالاردن؟!!!!! يارجل طبيب عام بدرس 6 سنوات وبقدم مليون امتحان وبتروح من عمره سنه امتياز بوخذ بالشهر فيها 35 ليره مشان ينرمي باخر ما عمر الله ويوخذ هالراتب اللي مش عاجب اخوك
هي ابو حويطي مع اني من اكثر المعارضين له لتمرده المستمر ما شاء الله عليه سكتنا كلنا و ووقع على عقد لل2018 على ما اظن وبدون اي كلمه وانت عارف انو ما في مدرب الا كان يلعبه اساسي فكم مدرب اشرك اخاك اساسيا ؟
يكثر خيره ابو شاكر ويعمر بيته اللي اعطى للشباب فرصه والا كان راحت عليهم زي ما راحت على غيرهم
ويخلف على الاتحاد اللي اجبر الانديه على استبعاد لاعبين المنتخب والا كان ضلينا نشوف الشباب الصغار كل سنه 10 دقائق
كن على ثقه تماما اننا مع الوحدات بالمقام الاول ومع كل لاعب تربى وترعرع باروقته وسنفضله عن اي لاعب خارجي او حتى جاءنا من فريق محلي لاننا نريد ان نفتخر بما يصنعه الوحدات وما يخرجه من لاعبين
وصدقني اني بتمنى ان يوقع جميع اللاعبين لكن يجب ان لايستعجلوا الشهره و لايزيدوا من مطالبهم لان مليون لاعب يتمنى الالتحاق بالوحدات والطمع ضر وما نفع
اتفق تماما مع الاخ نادر بوجوب وضع الية للعقود
سواءا للشباب او للكبار
ولكن اخي نادر وبصراحة يحق لاي لاعب التفكير بالعرض المقدم اليه وان يسعى جاهدا لرفع قيمته
هذا لا يعني ان اللاعب يتكبر على النادي ... اي انسان دائما يسعى للافضل له اولا ثم لمن يحب ثانيا
وبصراحة تامة طريقة الادارة حاليا في التعاقد طريقة سوقية جدا ... ليس فيها من الاحتراف الا اسمه
فبوضع اسس وقواعد للتعاقد تطبق بالعدل على الجميع سيكون النقاش والتحاور ضمن هذه القواعد ... وسيعرف اللاعب انه تحت قانون النادي كما غيره من اللاعبين
ابو عمارة لاعب شاب مثابر ... وهذا ما ظهر عليه خلال المدة التي لعبها
ولكن مازال يحتاج لصقل مهاراته في القالب الجماعي ... واعتقد انه يعي تماما ان مدرب قدير كقويض من الكفاءة بمقدار ان يجعله نجم يشار اليه خلال هذا الموسم
وبالنسبة لشقيق اللاعب
اخي الكريم ما في داعي للرد بهجوم على كل من يعترض على اللاعب ... في اوقات راح يمر اللاعب فيها بهبوط مستوى .. او عدم توفيق ... وستتم مهاجمته او الاعتراض عليه ... من حقك الدفاع عنه ... ولكن الاسلوب اللطيف دائما ما يؤتي ثماره والاسلوب الفظ بأتي بالنتائج العكسية
الاخ نادر جمع بكلامه جميع اللاعبين الشباب ... وليس منذر وحده ...
وطبعا لا احد يشكك بوحداتية منذر ... ولكن ربما الطريقة في التفاوض هي التي لا تعجب البعض
لا ادري متى نحن كجمهور الوحدات سنعي ان الانتماء اصبح في المرتبة الثانية او الثالثة لجميع اللاعبين في الاردن
فالاوضاع المادية صعبة عليهم ايضا ومن حقهم البحث عما هو افضل
كما من حق النادي ان نزل مستوى اللاعب ان يغير قيمة عقده عند التجديد
منذر ابو عماره لاعب من خامة الكبار ولكن اطلب منه ان لا يستعجل الشهره وان يوقع للنادي على بياض واللاعب صغير والمستقبل امامه واتمنى عليه ان لا يقوم بتدمير مستقبله من اجل التفكير بالعرض الوحداتي لان العرض الوحداتي وحده مكسب كبير
أبو عمارة أنت من صنع الوحدات وللوحدات فضل كبير عليك وتنازلك عن بعض المطالب يعتبر رد جميل للوحدات
صدقني اخي شاكر اللاعب لم يقدم مطالب كما تم نشرها في مكان اخر والموضوع ان اللاعب ما زال بالفئات والنادي يريد توقيع عقد 4 سنوات دون مقدم عقد وبراتب 400 دينار فقط واللاعب اراد ان يفكر وهذا حقه .. واللاعب مستمر وملتزم مع الوحدات وسيبقى