و الله انا بالنسبة الي ما بحب الفيصلي بسبب جمهوره العنصري اللي بيكره الوحدات على المسبحة و الغالبية العظمى منه تشتم الشهداء و المقدسات و ما بيراعي حرمة احد
يسلم تمك هون بيت القصيد شتم المقدسلت والشهداء هذا ما يستفز جماهيرنا
يا أختاه
شكرا على موضوعك أختي وجمهور الوحدات ما بغلط على حدا واللي بصير من طرفنا هون مجرد مناكفات، اما بخصوص الشتم وليش بندخل فلسطين بالحكي فجوابه رح يكون بأول لقاء يجمعنا معاهم لأنو يبدو من حسن حظك عمرك ما حضرتيلهم مباراة ولا سمعتي الألفاظ السوقية التي تنم عن حقد دفين وعنصرية ستقتلهم غيظا، المهم لا تحكولي هاي فئة مندسة لأنو الفئة المندسة بتستحي تحكي اللي بيحكوه
سامحني أخوي المعايطة مش الكل هيك بس في نسبة كويسة على هالموال ووالله لو في عضو عنا كاتب الي كاتبو المحترم المتربي الذي لا يخاف الله كان الأعضاء كلهم عنا طردوه ونبذوه وكان مشرفين المنتدى الأكارم شطبوه من المنتدى ،هاي هي منتدياتنا تدعم حبنا للوطن ونبذ العنصرية والتشجيع الرياضي الشريف دون تعصب وشكرا لتقبلك موضوعي.
شوفي اختي انا بحترم رأيك وهذا رايك الشخصي....بس بالنسبه الي القصه مش قصه كره ...يعيني الامور مش مستاهله اني اكره شخص عشان لعبه كره قدم....انا بشجع الفيصلي بس بنفس الوقت ما بكره الوحدات او جمهوره....بالعكس انا بكن الكم كل الاحترام والتقدير وبعتبر الاعضاء اللي بالمنتدى زي اخواني ....ولما يفوز الوحدات بنباركلو ...ولما يخسر بنحكيلهم هاردلك....بالنسبه الك هيك تصرف كره؟؟؟!!!!....اكيد اي فريق بلعب ضد الوحدات محليا بحب يفوز ...مش لكرهي للوحدات بس مشان ل يستفيد فريقي مش اكتر.... اما مشاركات الوحدات الخارجيه بكون في الملعب اول واحد لانه بكون بمثلنا كلنا بمثل كل الانديه ...اما في بطولاتنا المحليه ما في مشكله انو تتمني لفريقي يخسر مشا يستفيد فريقك مش بسسب الكره....
بعدين بالنسبه لمستوى الفيصلي ....انا معك اللو فتره مش بطاله مستواهم بالحضيض...وبتصير مع كل الفرق...يعني لكل فريق زمن ..والفيصلي في بدايه الالفيه كان مستوى ممتاز....والوحدات ما كان بوضعه....ورجعت والامور اتغيرت .... يعني عادي بتصير مع كل الفرق ....
وبانسبه للبعض من الجمهور اللي بغلط على المقدسات...هذا الشخص احنا اكبر اننو اناقشو ...لانو بعيد عن كل اشي ومش انسان اصلا... يعني شخص بوصل لهيك ...شو بكون ...؟؟؟؟؟
احنا كلنا بأذن الله اخوان....ونسايب وجيران واصحاب ...ان شاء الله ما ننجر للامور هاي وتبقى كره القدم في الملعب
واخيرا ...تقبلي مروري
لو في 10 من جمهور الفيصلي متك كان الدنيا بخييييييير
بس بصراحة متعة كرة القدم بالمنافسة ،،، يعني بصراحة لو انه الفيصلي مش منافس حقيقي وشباب الاردن او البقعة او الجليل منافس كبير وله جماهيرية كبيرة مثل الوحدات والفيصلي كان راح تكون مبارياتنا معهم مثل النار ،،
يعني يا اختي العزيزة ،، أي فريقين بأي بلد لهم شعبية كبيرة راح يكون فيه منافسة حتى لو كان مستواهم ضعيف ،، بكل بلد هناك قطبين لكرة القدم ،، في مصر الاهلي والزمالك ، في السعودية النصر والهلال ، في قطر الغرافة والريان ،
لكن العنصرية النتنة التي نهانا عنها رسولنا الكريم يجب ان لا تكون متواجده في كرتنا ،، لي أصدقاء فيشلاويين ودائما بنجلس مع بعض وبصير اجاكرهم واحكيلهم الفيصلي اتضمر ، ولما يكون فيه مباراة للوحدات والفيشلي بنطلع بسيارة وحده وعند البوابات بنفترق ، وبنلتقي عند السيارة ،،، هذه متعة كرة القدم ،، والتعصب للنادي التي تحبينه تعصبا رياضيا فقط هو المتعة بحد ذاتها ، وليس تعصبا عنصريا كما يفعلون هم ، وكما ضربتي مثال اللاعبيين بالمطعم فأنا وأصدقائي المضمريين بنطلع مع بعض وبنروح على كافيهات ومطاعم ورحلات ومع بعض بنفس الشغل ونفس الجامعة ونفس المدرسة ولكن القلب دائما وأبدا لك يا اخضر ،،،،،،،،،،،،،،،،،،،،،
المشاركة الأصلية كتبت بواسطة فلسطيني وحداتي بالفطرة
الاصل بالموضوع عدم الانسياق الا الشرذمة في جماهير الفيصلي
اعز اصدقائي فيصلاوية ووطنيتهم وعروبتهم لا مساومة فيها ابدا
ولا وحدات ولا فيصلي بنفعنا لما تتعلق القضية بالوحدة العربية وليس الوطنية فقط
100% وانا اعز اصحابي و اخواني وحداتيه.... واكبر مثال اخواني الي بالمنتدى
سامحني أخوي المعايطة مش الكل هيك بس في نسبة كويسة على هالموال ووالله لو في عضو عنا كاتب الي كاتبو المحترم المتربي الذي لا يخاف الله كان الأعضاء كلهم عنا طردوه ونبذوه وكان مشرفين المنتدى الأكارم شطبوه من المنتدى ،هاي هي منتدياتنا تدعم حبنا للوطن ونبذ العنصرية والتشجيع الرياضي الشريف دون تعصب وشكرا لتقبلك موضوعي.
له يا شيخ احنا اخوان ...والله في ناس زي ما بتحي وانا بعرف....بس هدول حرام النقاش او الجدال معهم ....لانهم اشخاص انا مش عارف كيف بفكرو ...وشخص بفكر زي هيك كيف بدك تناقشو....خليه للواحد الاحد...الو الله يعني شخص بغلط على القدسات ...شخص تافه ولا قيمه له حتى اني ارد عليه بموضوع.....