أكبر عدد للجنة نشاط كرة قدم موجودة في العالم هي لجنة نشاط كرة القدم في نادي الوحدات ، كل أصحاب أعضاء مجلس الإدارة واللي حواليهم ، واللي معهم ، واللي ضدهم بيفهموا كرة قدم ..
وِلّا أنت يا حسن بتفكّـر هُمّـه بيروحوا بجيبوا فلان وِلّا علّان بدون ما يكونوا سائلين المذكورين أعلاه ومستمزجين آراءهم ، وقارئين توجّهات وطلبات الجمهور كمان ؟!!.
يا سيدي هاي أشرف نعمان ، مش الإدارة اللي جابتو ؟!.
بيعرفش يلعب مثلا ؟!.
مش كان مطلب جماهيري ؟!.
يعني هو لمّا راحوا جابوه كان بدّو لجنة فنية استشارية ؟!.
بلاش أشرف نعمان يا حسّون .. عدّوس كان بدّو لجنة بتفهم كرة قدم ، ما كل أندية الأردن كانت بدها عدّوس !.
أقولّك ، أحمد بلال أبو الـ 10 آلاف $ بْنُص ساعة ، أنت عارف مين اللي فتح معاه خط مباشر من على طاولة الاجتماع أثناء انعقاده في تلك الفترة خلال مرحلة الانتقالات الشتوية بناء على طلب من المدير الفني محمد عمر ؟!.
ما هو هذا الشخص ، لو فكّـروا يشكلوا لجنة فنية على هوا ما بدها الجماهير المفروض هو اللي يكون رئيسها !!.
طيّب بلاش يا حسن ، خانكان ، وأكرم سلمان .. هذول بدهم لجنه تحكي فيهم ؟!.
ودراغان هسّـة ؟!.
برضو بدّو لجنة ؟!.
لجنة شو يا حسن ، الله يرضى عنك يا رب ،
إذا بدّك لجنة ، بدها تكون لجنة محترمة ( يعني قد حالها ) وقد المهمّة اللي بدّك تشكّلها عشانها .. لجنة كفؤة ومتعوب عليها ومدفوع إلها ، عشان لما تختارلك لاعبين ومدراء فنّيين يكونوا قد حالهم ، وقدّ القرار اللي اتخذته هذه اللجنة في اختيارهم ،، مش لجنة - والله مثلا - تفاوض دراغان ينزّل 2000 $ عشان يكون راتبه 10 آلاف مْسكّـرات شهريا !.
حبيبي يا حسّـون ، وهو إحنا بدنا لجنة بهيك ظروف وبهيك إمكانيات وبهيك كولسات ؟!!!.
للامانه وبدون مجامله رد مقنع ويدرس وازيدك من الشعر بيت. فلورينتينو بيريز رئيس أكبر نادي في العالم بشتري ويجيب لاعبين على كيفه بدون ما يستشير أحد. بدكو إدارة مثل إدارتنا تجيب لجنة استشارية فنية على مستوى وتصير توخذ بقراراتها. هذا مش المستحيل بعينه هذا هو اللي مش موجود وما راح يصير
دخلت اقرأ الموضوع والردود ... لفت نظري في بروفايلك يا حج اسم دولتك ونسيت الموضوع والصحيح انك خليتني الف حوالين حالي ؛؛؛ يا زلمه أسألك بالله شو قصدك ما زال للبقية عنوان .. والله انك طلعت مش سهل يا ابو فؤاد
دخلت اقرأ الموضوع والردود ... لفت نظري في بروفايلك يا حج اسم دولتك ونسيت الموضوع والصحيح انك خليتني الف حوالين حالي ؛؛؛ يا زلمه أسألك بالله شو قصدك ما زال للبقية عنوان .. والله انك طلعت مش سهل يا ابو فؤاد
ما زال في البقيٌه عنوان وفي العمر بقيٌه وفي الوقت والموت والصٌوت وبعضي بقية
ما مللت الانتظار..لا زلت انتظر الانتظار
لم نعلن نهاية المشوار وللبقية عنوان وللعودة عنوان بأذن الله
للامانه وبدون مجامله رد مقنع ويدرس وازيدك من الشعر بيت. فلورينتينو بيريز رئيس أكبر نادي في العالم بشتري ويجيب لاعبين على كيفه بدون ما يستشير أحد. بدكو إدارة مثل إدارتنا تجيب لجنة استشارية فنية على مستوى وتصير توخذ بقراراتها. هذا مش المستحيل بعينه هذا هو اللي مش موجود وما راح يصير
بيريز مدريد من أسوأ الرؤوساء في تاريخ ريال مدريد من حيث عدد الالقاب بسبب عقليته التجارية وبسبب تفرده بالقرارات. أكبر مثال صفقة دي خيا حارس مانشستر والتي أصر عليها بيريز لأسباب تجارية رغم وجود حارس عملاق مثل نافاس الذي كان سبب رئيسيا في فوز مدريد بدوري أبطال أوروبا... التجارب الفاشلة لا يقاس عليها