عارفين انه الادارة مش راح تتعاقد معه
لكن يا هيك الاستقطابات يا بلاش
لاعب بصنع الفارق و تكتيكي على اعلى مستوى
اللي بسال كم هدف سجل للفيصلي بقوله صنع اغلب اهداف الفيصلي
مْبارح أحد الأصدقاء المتابعين - مش عضو هون - بنتناقش أنا واياه بخصوص هذا اللاعب ،
فـ بحكيلي معظم اللي شاركوا في هذا الموضوع قاعدين بينَكّلوا بياسين البخيت بدون رأي فني ، وبيقولّلي حتى أنت - عنّي - مشاركتك مش فنّيِّه !.
فـ قُـلْتِلُّو : صحيح ، هي تعرية لهذه الصحافة اللي مش عارفه شو تكتب وعن إيش تكتب وكيف تكتب ... يعني مش هيك التلميع !.
دموع بعد تمريرة أدّت لصناعة هدف ؟!!.
وبدّو يستنّى مدرّبه اللي كان معه في السعودية ؟!.
وللأمانة ، احتراما لصاحب الموضوع وحتى احتراما لنفس هذا اللاعب ، أنا مش راضي أحكي رأيي الفني بهذا اللاعب خوفا من أن يُفسَّر هذا الرأي على أنه تخويث ..
لكن خوذ عندك يا صديقي الرمثاوي الرأي الفني :
المرحوم بإذن الله محمد علي كلاي ، زمــــان ، كانوا المعلّقين والصحافة والإعلام يحكوا عنّـو يطير كالفراشة ويلسع كالنحلة ، وكان هذا رأيا فنيا له تفسيره الواضح على أرض الواقع ..
هذا البخيت - مع الاحترام - بتنطّط زي الـGــرود وبْيتسلبد زي الحربايِه .. الفرق اللي لعب لها ما طالهم من النطّ غير الخراب ، وآخر التْسِلْبِد الغوص في الرمال ..
يعني شو حقق لكل هالفرق اللي لعب لها ؟!.
وكثير النـطّ .. قليل الصيد !.
مْبارح أحد الأصدقاء المتابعين - مش عضو هون - بنتناقش أنا واياه بخصوص هذا اللاعب ،
فـ بحكيلي معظم اللي شاركوا في هذا الموضوع قاعدين بينَكّلوا بياسين البخيت بدون رأي فني ، وبيقولّلي حتى أنت - عنّي - مشاركتك مش فنّيِّه !.
فـ قُـلْتِلُّو : صحيح ، هي تعرية لهذه الصحافة اللي مش عارفه شو تكتب وعن إيش تكتب وكيف تكتب ... يعني مش هيك التلميع !.
دموع بعد تمريرة أدّت لصناعة هدف ؟!!.
وبدّو يستنّى مدرّبه اللي كان معه في السعودية ؟!.
وللأمانة ، احتراما لصاحب الموضوع وحتى احتراما لنفس هذا اللاعب ، أنا مش راضي أحكي رأيي الفني بهذا اللاعب خوفا من أن يُفسَّر هذا الرأي على أنه تخويث ..
لكن خوذ عندك يا صديقي الرمثاوي الرأي الفني :
المرحوم بإذن الله محمد علي كلاي ، زمــــان ، كانوا المعلّقين والصحافة والإعلام يحكوا عنّـو يطير كالفراشة ويلسع كالنحلة ، وكان هذا رأيا فنيا له تفسيره الواضح على أرض الواقع ..
هذا البخيت - مع الاحترام - بتنطّط زي الـGــرود وبْيتسلبد زي الحربايِه .. الفرق اللي لعب لها ما طالهم من النطّ غير الخراب ، وآخر التْسِلْبِد الغوص في الرمال ..
يعني شو حقق لكل هالفرق اللي لعب لها ؟!.
وكثير النـطّ .. قليل الصيد !.
عنجد أبو أحمد إشي بجلط أعطوا الموضوع أكبر من حجمو وحجم اللاعب نفسه . يا شباب ممكن حدا يقوللي شو انجازات اللاعب ؟ كم مره حصل على بطولة دوري من كل الاندية التي لعب معها أو بطولة كأس او حيالله بطوله اشترك فيها طول حياته الرياضية . بعدين الكل بقوللك لاعب يشكل إضافه وأن جميع أهداف الفيصلي في الدوري وقع عليها طيب ما يوخدوا الفيصلي ويحل عنا هوي ومن يشد على مشدو زهقتونا
عنجد أبو أحمد إشي بجلط أعطوا الموضوع أكبر من حجمو وحجم اللاعب نفسه . يا شباب ممكن حدا يقوللي شو انجازات اللاعب ؟ كم مره حصل على بطولة دوري من كل الاندية التي لعب معها أو بطولة كأس او حيالله بطوله اشترك فيها طول حياته الرياضية . بعدين الكل بقوللك لاعب يشكل إضافه وأن جميع أهداف الفيصلي في الدوري وقع عليها طيب ما يوخدوا الفيصلي ويحل عنا هوي ومن يشد على مشدو زهقتونا
طول بالك يا كبير ...
الموضوع فني بعيد عن كل الكلام اللي تفضلت فيه
شو ذنب البخيت اذا صنع فرص بالعشرات للاعبي الفيصلي امام المرمى و اضاعوها و ارجع لليوتيوب
و انأكد
لاعب كبير ليش التقليل من قدراته مش فاهم
اذا النا تصيب فيه اتمناه من كل قلبي بقميص الوحدات
اذا ما النا نصيب عادي مش هالمعضلة
ليش شاد على حالك طول بالك
انا لما لعب مع الفيصلي ,,, بصراحة خفت ,,, قلت الفيصلي راح يوكل الفرق كلها رايح جاي ,,, ويحرق الاخضر واليابس ,,,
أول مباراة للبخيت مع الفيصلي ضد الوحدات كان له دور فعال فيها ,,, وتكتيك فردي وجماعي استمر لمدة ربع ساعة لكن سرعان ما تلاشى الخوف وتأكدت أنه هاوي الحارات وصاحب المهارات العالية في الملاعب الخماسية ما بصنع الفارق في ملعب الحدعش إذا كانت المنظومة واقعة
بجوز يحرث نص الفريق الخصم ويضرب معه الحظ ويجيب له جول بمهاراته الفردية بس مش بكل مباراة بتزبط ,,,
المهم وجهة نظري أنه لاعب أقل من عادي ,,, تلمع من الصحافة ,,,
ووجهة نظري الثانية أنه احنا جمهور للأسف للأسف عاطفي جدا ولغاية الآن مش فاهمين فريقنا ولا طبيعة فريقنا ,,, ولا اللاعب الي بناسب فريقنا ,,,
عملنا هلليلة لعدوس ,,, وعملناه نجم النجوم ,,, وزعلنا ع الإدارة الي بترد ع الجماهير العاطفية الي بتشوف لاعب سجل جول وبتصير بدها اياه ,,, وبتقوم الإدارة بتجيب هاللاعب بعد قصة بوليسية طرمة ومفاوضات لإقناع الجماهير أنه ها هي احنا إدارة بترد عليكم وبهمها رضاكم ,,, وآخر اشي صرفنا عليه ألوف مألفة عليه وعلاجات ,,, وما صنع لا فارق ولا بطيخ ,,, وقلنا بنتعكز عليه في الآسيوية ,,, وقعدنا على خازوق ,,, حتى مع البقعة ما شفت له إنجاز يذكر بصراحة ,,,
عملنا لمرضي هلليلة ,,, وصار المنقذ المنتظر للفريق ,,, وهو الي بده يجيب النا بطولة كأس العالم للأندية ,,, قام مرضي شاف حاله وقعدنا ع خازوق ثاني ,,,
في كل مرة بنعمل هلليلة للاعب ,,, بتذكر لاعب شباب الأردن نسيت شو اسمه ,,, الي تمرمط طارق خوري وهو بفاوض فيه عبر البريد واليوم جاي وبكرة جاي ولسة ما اجا وابصر بجوز قاعد بيجي لسة ,,,
يا جماعة الخير مش هيك الاحتراف ,,, مش معنى أنه أجيب جول في ابن جيرانا حارس فريق الحارة الرديف أنه أنا مهاجم كاسر وما بوقف بوجهي جيش من اللاعبين ,,,
مش هييييييييييك كرة القدم ,,,
الواحد فينا بكون رايق ,,, وكاسة هالقهوة قدامه ,,, وحاطط هالسيجارة بثمه ,,, وفجأة بتذكر له لاعب جاب جول الموسم الماضي في الوحدات ,,, والله هذا لاعب خطير وبدنا اياه لازم يكون مع الوحدات ,,, بقوم بطرق هالموضوع ,,, وبصير الموضوع حديث الشارع الرياضي ,,, وإدارتنا بتشوف رأي الشارع الرياضي كونها هيي ما عندها الخبرة الفنية الكافية لتقييم لاعب حارات مش لاعب محترف ,,, وبتصير لازم تفاوض هاللاعب,,, وبتركب الموجة والمسخرة الي حطت النادي بمديونية كبيرة أبصر نقدر نطلع منها من هون لعشر سنين قدام ,,,
عزيزي المشجع المسخمط :
ولع هالسيجارة وحضر كاسة الشاي واتحفنا بموضوع ناري حارق خارق متفجر ,,, يدعم المدارس الكروية للوحدات الي بنصرف عليها ما فتح ورزق وبنطلع منها ب 5 لاعبين او 6 فقط كل عشر سنين !!
واضغط ع الإدارة تفكها من الواسطات والمحسوبيات في ترفيع اللاعبين ,,, والتعامل مع عقودهم بحرفنة ,,, لا تركب موجة السهل وعنا الأسهل بس متعاجزين نطوله ,,, أو بدناش نطوله ,,,
سهل تجيب محترف وتصرف عليه مئات الألوف ,,, بس والله أسهل أنه ترفع لاعب من مدرستك الكروية ,,,
ادهم القرشي ,,, لاعب وزنه ذهب ,,, ترفع للفريق الأول ,,, وشفنا كيف مستواه ,,, بسوى عشر محترفين واقعين من الي جبناهم ,,, وبحط ياسين البخيت في جيبته الصغيرة ,,,
بهاء فيصل ,,, صالح راتب ,,,
وكثير اسماء لو فعلا اهتم الجمهور فيهم ,,, زي ما بهتم في محترفي الاندية الثانية ,,, وتشجعوا صح ,,, ليصنعوا الفارق ,,,
يا عمي اضغط على ادارتك بلعيبة فريقك ,,, اضغط ع إدارتك بلاعب بفريقك بتشوف مستواه عالي والجهاز الفني مش معطيه فرصة ,,, اضغط ع إدارتك بمدرستك الكروية الي بنهشوا فيها ومدمرينها ,,,,
اذا بهمك الفريق ,,, وبتحب الفريق ,,, لا تتفرج ع التلفزيون روح احضر تمارين ومباريات لفرقنا من سن ثمنطعش ونازل واضغط ع الإدارة بترفيع الي بتشوف مستواه الفني عالي ,,,
انا لما لعب مع الفيصلي ,,, بصراحة خفت ,,, قلت الفيصلي راح يوكل الفرق كلها رايح جاي ,,, ويحرق الاخضر واليابس ,,,
أول مباراة للبخيت مع الفيصلي ضد الوحدات كان له دور فعال فيها ,,, وتكتيك فردي وجماعي استمر لمدة ربع ساعة لكن سرعان ما تلاشى الخوف وتأكدت أنه هاوي الحارات وصاحب المهارات العالية في الملاعب الخماسية ما بصنع الفارق في ملعب الحدعش إذا كانت المنظومة واقعة
بجوز يحرث نص الفريق الخصم ويضرب معه الحظ ويجيب له جول بمهاراته الفردية بس مش بكل مباراة بتزبط ,,,
المهم وجهة نظري أنه لاعب أقل من عادي ,,, تلمع من الصحافة ,,,
ووجهة نظري الثانية أنه احنا جمهور للأسف للأسف عاطفي جدا ولغاية الآن مش فاهمين فريقنا ولا طبيعة فريقنا ,,, ولا اللاعب الي بناسب فريقنا ,,,
عملنا هلليلة لعدوس ,,, وعملناه نجم النجوم ,,, وزعلنا ع الإدارة الي بترد ع الجماهير العاطفية الي بتشوف لاعب سجل جول وبتصير بدها اياه ,,, وبتقوم الإدارة بتجيب هاللاعب بعد قصة بوليسية طرمة ومفاوضات لإقناع الجماهير أنه ها هي احنا إدارة بترد عليكم وبهمها رضاكم ,,, وآخر اشي صرفنا عليه ألوف مألفة عليه وعلاجات ,,, وما صنع لا فارق ولا بطيخ ,,, وقلنا بنتعكز عليه في الآسيوية ,,, وقعدنا على خازوق ,,, حتى مع البقعة ما شفت له إنجاز يذكر بصراحة ,,,
عملنا لمرضي هلليلة ,,, وصار المنقذ المنتظر للفريق ,,, وهو الي بده يجيب النا بطولة كأس العالم للأندية ,,, قام مرضي شاف حاله وقعدنا ع خازوق ثاني ,,,
في كل مرة بنعمل هلليلة للاعب ,,, بتذكر لاعب شباب الأردن نسيت شو اسمه ,,, الي تمرمط طارق خوري وهو بفاوض فيه عبر البريد واليوم جاي وبكرة جاي ولسة ما اجا وابصر بجوز قاعد بيجي لسة ,,,
يا جماعة الخير مش هيك الاحتراف ,,, مش معنى أنه أجيب جول في ابن جيرانا حارس فريق الحارة الرديف أنه أنا مهاجم كاسر وما بوقف بوجهي جيش من اللاعبين ,,,
مش هييييييييييك كرة القدم ,,,
الواحد فينا بكون رايق ,,, وكاسة هالقهوة قدامه ,,, وحاطط هالسيجارة بثمه ,,, وفجأة بتذكر له لاعب جاب جول الموسم الماضي في الوحدات ,,, والله هذا لاعب خطير وبدنا اياه لازم يكون مع الوحدات ,,, بقوم بطرق هالموضوع ,,, وبصير الموضوع حديث الشارع الرياضي ,,, وإدارتنا بتشوف رأي الشارع الرياضي كونها هيي ما عندها الخبرة الفنية الكافية لتقييم لاعب حارات مش لاعب محترف ,,, وبتصير لازم تفاوض هاللاعب,,, وبتركب الموجة والمسخرة الي حطت النادي بمديونية كبيرة أبصر نقدر نطلع منها من هون لعشر سنين قدام ,,,
عزيزي المشجع المسخمط :
ولع هالسيجارة وحضر كاسة الشاي واتحفنا بموضوع ناري حارق خارق متفجر ,,, يدعم المدارس الكروية للوحدات الي بنصرف عليها ما فتح ورزق وبنطلع منها ب 5 لاعبين او 6 فقط كل عشر سنين !!
واضغط ع الإدارة تفكها من الواسطات والمحسوبيات في ترفيع اللاعبين ,,, والتعامل مع عقودهم بحرفنة ,,, لا تركب موجة السهل وعنا الأسهل بس متعاجزين نطوله ,,, أو بدناش نطوله ,,,
سهل تجيب محترف وتصرف عليه مئات الألوف ,,, بس والله أسهل أنه ترفع لاعب من مدرستك الكروية ,,,
ادهم القرشي ,,, لاعب وزنه ذهب ,,, ترفع للفريق الأول ,,, وشفنا كيف مستواه ,,, بسوى عشر محترفين واقعين من الي جبناهم ,,, وبحط ياسين البخيت في جيبته الصغيرة ,,,
بهاء فيصل ,,, صالح راتب ,,,
وكثير اسماء لو فعلا اهتم الجمهور فيهم ,,, زي ما بهتم في محترفي الاندية الثانية ,,, وتشجعوا صح ,,, ليصنعوا الفارق ,,,
يا عمي اضغط على ادارتك بلعيبة فريقك ,,, اضغط ع إدارتك بلاعب بفريقك بتشوف مستواه عالي والجهاز الفني مش معطيه فرصة ,,, اضغط ع إدارتك بمدرستك الكروية الي بنهشوا فيها ومدمرينها ,,,,
اذا بهمك الفريق ,,, وبتحب الفريق ,,, لا تتفرج ع التلفزيون روح احضر تمارين ومباريات لفرقنا من سن ثمنطعش ونازل واضغط ع الإدارة بترفيع الي بتشوف مستواه الفني عالي ,,,