بداية أعتذر من الجميع على عدم المشاركة بالموضوع ... سمعتوا بيوم النحس صح؟ اليوم كان هيك شكله معي.
النت بيقطع ومش شغال تقريبا وهذا حصل بعد ما نزل الموضوع والأدهى في زملاء لي مستضيفيني على الفيس بوك على صفحة خاصة ... كشكول !!! فكروني هربت والا متكبر الله أعلم.
ما علينا شكل الحظ شاطني ب البوط وخلاني مثل الطابة!!! الي رجعة ان شاء الله
بداية أعتذر من الجميع على عدم المشاركة بالموضوع ... سمعتوا بيوم النحس صح؟ اليوم كان هيك شكله معي.
النت بيقطع ومش شغال تقريبا وهذا حصل بعد ما نزل الموضوع والأدهى في زملاء لي مستضيفيني على الفيس بوك على صفحة خاصة ... كشكول !!! فكروني هربت والا متكبر الله أعلم.
ما علينا شكل الحظ شاطني ب البوط وخلاني مثل الطابة!!! الي رجعة ان شاء الله
ما شاء الله عنكم كاينين كلكم لعيبة ... الي عجبني سعر البوط ... اشي بيقول ربع ليرة واشي بيقول ليرة وربع واشي بيقول ليرة وخمسة وسبعين قرش .... هيك كل واحد بيعرف عمره من فرق السعر .... شوفو فرق السعر بين ابو عمار وأنس واو (نيرة ونص)
طيب ولا واحد منكم حكى عن البوط المنافس الي هو كان (زحافي) ولونه أزرق وأبيض ... في حد قال انه كان شغل موضه صح؟ يا وردي شو كان نفسي ابوي يشتريلي واحد .......... وكان غسان جاري لابس واحد وانا بشحتف عليه والمحترم عمرة ما خلاني البسة.
المهم انا أكلت كتلة مش نصها ثلاث ترباعها موت علشان هذا البوط وما اشتريته الا لمى صرت ولد شغيل وبجيب قرشي من جيبتي وكان هذا سنة 1977 وعمري 15 سنة .... ايام
بجد الي عجبني بالصورة انها ذكرتني بأيام حلوة وأيام مرة لكنها بالمجمل صنعت منا أطفال رجال
طيب ولا واحد منكم حكى عن البوط المنافس الي هو كان (زحافي) ولونه أزرق وأبيض ... في حد قال انه كان شغل موضه صح؟ يا وردي شو كان نفسي ابوي يشتريلي واحد .......... وكان غسان جاري لابس واحد وانا بشحتف عليه والمحترم عمرة ما خلاني البسة.
المهم انا أكلت كتلة مش نصها ثلاث ترباعها موت علشان هذا البوط وما اشتريته الا لمى صرت ولد شغيل وبجيب قرشي من جيبتي وكان هذا سنة 1977 وعمري 15 سنة .... ايام
بجد الي عجبني بالصورة انها ذكرتني بأيام حلوة وأيام مرة لكنها بالمجمل صنعت منا أطفال رجال
هذا البوط تحديدًا لبسته في نفس العام ( 1977 ) اللي انت اشتريته فيه يا ابو عدي ، بس انا ما اشتريته شريه ، صحّلي ببلاش ، وزعوه علينا الوكاله ( منطقة عمان التعليمية الأولى ) اللي في هظاك العام نظمت مهرجان بمشاركة كل طلاب المراحل الإعدادية ( ألعاب سويدية وحركات أرضية ) هيك كنا نسميها ، كاحتفالات موازية للاحتفالات باليوبيل الفضي التي قامت بها وزارة التربية والتعليم في ذلك العام ( 1977 ) .
وأقولك يا ابو عدي صحّلي بوطين مش واحد ،، واحد أزرق وواحد أبيض ولِبستين كمان بلونين مختلفين يعني تيشيرتين وشُرطين !!..
يعني أبو أحمد بقولك أكلت كتلة موت وبتقولي اجاك بوتين مش واحد!!! هي الشغلة جكر وبس؟
اي روح غاد الله يسامحك كنت شحدني فردة حتى؟
ما عاش اللي يجاكرك ،، أي بس والله لاقيتها قد الدنيا عشانهم ببلاش .. يعني أنا اللي كنت أحوشه من بيع البليلة والترمس والسحبه والحامله يا ملان ( المشويه ) وحلاوة السميد والدُّرايه يا دوبك كنا نشتري فيه الجزمه الكاوتشوك إم ريحة بتسطل ، وبدلة الفوتيك وشنطة المدرسه ،، فتخيل لما بهذيك السنه أجالك بونص واثنين مش واحد !.
أي كانوا كسوة سنتين !!..
حد منكم انهرى البوط عنده وعمل من لسانة (نقيفة)!!!؟
أه ، أنا كان لما ينهري عندي كنت أعمل من اللسانين نقّيفتين ، وحده بالمغيط البني المدوّر ، والثانيه بمغيط البلاطين السترتش ومغيط سراويل خرايط الطحين تبع المؤن اللي كانن ينهرن !.
وهناك استخدامات أخرى للبوط لما كان ينهرى ،، كنت بقُصّ النعلين وبعملهم بريكات لعرباية البيليا إم أربع عجال وبثبتهم بمسامير على الأكس الأمامي للعربايه ،، وكمان بوابيج البلاستيك الخربانه يا إما كنا نبيعهم مع النحاس والألمنيوم يا إما كنا نعملهم بريكات بديله لما ما تتوفر الماده الخام للبريكات من نعل البوط الصيني !.