الي بيئهر انه بالمنتخب صقر بكون
وهداف بيجوا عالنادي ما بيعرفوا يلعبوا
شفتي كم فرصه ضيع ؟؟!!
شفتي آدائه ؟؟!!
ليه يعني ؟؟
رنين حبيبتي
شلباية ما جاب جولين بالمريخ
ما جاب جولين بدهوك
ما صنع العديد من الفرص
وسجل اهداف انقذتنا من الخسارة
هو غلط هل مباراة ولازم يتعاقب
بس ما يتكون العقاب الشنق
لسا الحياة فيها اخد وعطا
ميسي اللي هو ميسي مبارح ما كان في افضل حالاته
وضيع كرات ما بضيعها ميسي
وعادي ما حدا حكاله اطلع برا ميسي
اما ع الشتائم فانه انا ضد 100%
وحئك كل كلمه حكتيها
انا مش ضد عقاب شلباية
بس ضد الشتائم لو شو ما كان
خيي انت من الاشخاص الي كلمه بمكانها
ودائما بتكون منطقي بالحكي
مبارح لعب الوحدات ؟؟!!
لو لعبوا وخسروا ماشي
اما هاد لعب فكرك؟؟!!
ما كان لعب ...بس بدها شوية احترام
الشغلة وبس
اه اه اه اه
اقولها وفي قلبي لوعة
والله لو خسرو 100/0 لن اتنحى او اهتف ضد من رفع اسم الوحدات طيلة هذه السنوات
فكل من يقول انا وحداتي فهو اخي وحبيبي فكيف من يلعب للوحدات
كال بحكو دفعنا 10 نيرات كال ول هو الوحدات عندكم ب 10 نيرات
روحو شوفو الفرق الي بتدفع على لعبلتها الملايين وعلى الجمهور الي بدفع 100 و 200 دولار 300.........الخ وبعدها بخسر فريقها بالخمسة ومنلاقيهم بشجعو فريقهم للنهاية والدموع في اعينهم
والله لو كنت بالملعب قبل المباراة ب 6 ساعات ما حكيتي هيك
وانا ضد الهتاف خصوصا ضد شلباية مع انه لم يقدم مستواه ولكن كان الاولى الهتاف ضد بشار مش شلباية الي تكسر منخاره وما سال
اكبر مصيبة هو بشار لا نافع دفاع ولا وسط ولا هجوم
لو كان دميري كان بيكون وحش دفاع وحش هجوم
شلباية بالنسبة اللي بتفداه مليون بطولة لانه وحداتي
لما يكون عندك زلام زي زلام المنتخب بالملعب ... وقتها الوضع غير
لو لعيبتنا لعبوا لعب رجولي وخسرنا .. وقتها الوضع غير
أما انهم يكونوا هيك في الملعب ... فهذا وضع مختلف واشي بجلط وبفقع
ولو كنتي بالملعب كان شفتيهم كلهم صح ...
ولو شفتي عامر شفيع لما قعد يسب علينا .. كان قلتي غير هيك
وانا كنت مقهورة خيرات الله منكم
مش غلبتوا حالكم ودفعتوا كل هل دفع
وصلكم 7 ساعات بالملعب
على شان تخربوها بالاخر
انتوا اجيتوا لتشجعوا الاعبين
مش لتحبطوهم
وهما بالوحدات زلام ومبارتين دهوك تثبت ذلك
الثلاثاء كانت الخطة كلها ما هي زابطة
بعدين كلنا بنعرف شلباية وشفيع وعامر صحاب
ما رح يهون عليه تسبوا وهو ساكت
اختي الكريمه الفاضله ام يحيى قدر الله وما شاء الله فعل الحمد لله على كل حال ولازم نتحمل شو بدنا نعمل يعني العاطفه ذبحتنا واكبر خطأ من الجماهير الهتاف مع حبي وتقديري للجماهير وما قصرت من الصبح بالملعب
يا عمو....
احنا بنات ومعروفين باعطفتنا
بس عمرنا ما رح نفكر انه نسب على امه او على اخته
بنحكي اوف منه شلباية
خليه يتحرك لو لاعب مبتدئ كان لعب احسن منه
بس ما بنسب على اهله
هاد اللي جلطني اكتر شي انهم ما قصروا
من الصبح وبالاخر خربوها
انا ضد الاساءة للاعبين و الهتاف لرافت كان نوع من الاساءة للموجوديين ( من منا لا يحب رافت و انا مع احترافه فهو من جهة اخرى يمارس عمله في اعطاء شهرة للوحدات خارج الوطن ) الخسارة مش نهاية الطريق ... لا خوف على ما مضى و لكن الخوف من القادم الذي يجب ان تعاد له الحسابات و الخطط ، و الايام القادمة فيها فرص كثيرة للتعويض
بالرغم من حالة الغضب و القهر التي تجتاحني الا انه من الرفوض تماما شتم الاعبين و التغني برأفت علي و طولي بالك يا اختي.........الوحدات لينا و حقه علينا
انا بطول بالي
بس ما بحب اقرا شي بمس شرف اي لاعب
ولا بحب يكون جمهورنا بسب على لاعبيه
ولا بحب الاعبين ما يقدموا كل شي عندهم
ويفرحوا كل هل جمهور اللي اجا كرمالهم
على الحالتين اشي بقهر
قال رسول الله صلى الله عليه وسلم
المسلم ليس باللعان ولا السباب وليس ببذيئ اللسان
أحيكي أختي أم يحيى على هذا الكلام الطيب الذي ان دل فانه يدل على أخلاقنا الاسلاميه
وأتمنى من اخوتنا في المنتدى التأسي باخلاق أفضل الخلق
محمد صلى الله عليه وسلم
عليه الصلاة والسلام
ان شاء الله نقتدي بسيدنا محمد وباخلاقه
وانا متاكدة انها كانت كبوة جواد
بس مؤلمة من لاعبين وجمهور