لم ياتي رئيس للوحدات وهمه تدمير الوحدات كلهم خير وبركه ويا اخي كيف بدو يدمر نادي جماهيره بالملالين ثم هو يجتهد قد يصيب وقد يخطأ ولكن لن يستطيع اي رئيس او عضو اداره تدمير نادي بحجم الوحدات وخلينا واقعيين بكلامنا لغاية اللحظه شو هي اخطاء البياري عدها حتى تقنعني بكلامك
ليه هوه أنا بدي أستنى تيرجع يخربها بإدارتة الفاشلة؟
أنا وحداتي ومن حقي أحكيها بكل وضوح، لا أقول أخطاء البياري، أنا أقول إنه لا يصلح كرئيس نادي
فش توازن، فش ثبات، أيام بهجت شهاب قول ما كان في إحتراف، فعادي مش حقارن، بس على أيام خوري كان في والصراحة هذا " التخبيط " ما كان موجود ... بالعكس كنت تحس إنو النادي ثابت بيبيع وبيشتري بهدوء وبكل سلاسة، الأن شوف الوضع كيف
راس حربة بنادي زي الوحدات كم لاعب لازم يكون؟ بيلعب على 3 بطولات قادمة منهم الدوري وكأس الإتحاد الأسيوي مخليلي محمود شلباية وعامر حويطي " مهاجم ربع كم حتى مش نص " وبتفكر لسه تبيع حسن؟
يا زلمة إشي بيخلي الواحد يحكي ... السنة الماضية كان عندك 5 مهاجمين والسنة هاي بدك تسلك بمنذر أبو عمارة راس حربة ثالث لا هوه بمكانة ولسه صغير والله يستر من إنو ينحرق اللاعب لأنو بدو يفوت بجو المباريات خبط لزق
كينث ليه هوه؟ هواية دفع الفلوس؟ لاعب مدافع " بيعرفش يهدي الطابات العالية بطريقة صحيحة لشن هجوم مرتد "تدفع عليه 80 ألف والبهداري إلي أحسن منه ومجربينه كان بدو 70 بس؟
المدير المالي إلي عندك بيعرفش قديش النادي إلو فلوس عن الإتحاد الأردني؟
لاعب يخدم النادي 16 سنة " عوض راغب " بتحرره بدون كتاب شكر أقل ما فيها؟
لاعب واحد ظهير أيمن؟
لاعب واحد إرتكاز؟
فتح باب عضوية الإنتساب 5 أيام منهم خميس وجمعة وسبت وبتطلب عدم محكومية؟
