صدقا صدقا وبدون ساءة لاي شخص
جمال محمود لعب المباراة مثل ما بدو
لعب مباراة تكتيكيا على اعلى مستوى
لم يستطع رائد عساف مجاراة ولا التغلب على جمال محمود ولا في اي طور من اطوار المباراة ولو حتى لدقيقة
يعني بالمشمرمحي جمال محمود اعطى درس تكتيكي على اعلى طراز مش بس لرائد بل لكل مدربي الاردن
ورغم انو جمال محمود افضل مدرب في البلد ولكنه ما بينفع للوحدات لسبب بسيط ( لعيبه مش قادرين يلعبو. ادارة بتمشي الي بدها اياه ) وهاظ زلمه محترم وهادي بينفعش معهم
الحمدلله على تعادل الفيصلي ولا كان الصداره راحت
يا زلمه محمود لا لعب ولا حاجة. هو كان في لعب أصلا؟ كانت مباراة هدية لجمال محمود على طبق من ذهب والماس وعاج. وما عرفش يستغلها كمان. كان بامكانه الفوز علينا بخماسية وبسهولة لو كان كما قيل. البقعه فاز علينا بثلاثية وكنا بنفس حالة اليوم.
بالمشرمحي، جمال زي رائد ... سلالة بعضها من بعض. مش شايف واحد أحسن من الثاني. جمال بيعرف يحكي ولبق وله حضور تلفزيوني بس. حتى جمال محمود نفسه قال بتحملوني فوق طاقتي بهذا النفخ الزايد عن حده.
احكيها
شكرا ذات راس ... شكرا اصالة
الوحدات نجا بأعجوبة من خسارة
تكتيكيا وفنيا وبدنيا كان الشباب افضل
مش معقول ولا هجمة للوحدات طول المباراة
ولا جملة تكتيكية مرتبة
ادركت بأن الجماهير عامل سلبي على اللعيبة... لما بيحضر الجمهور ما بنلعب ولما ما بيحضر الجمهور فهو الملام
فراس وهيلدر وشفيع قدموا مباراه كارثية
ولو ان فراس متعود
السلام عليكم
تعادلنا و الحمدلله و الصدارة لا زالت خضراء ,,, بعيدا عن التحليل الفني خلينا نحكي بواقعية شوي
إحنا كجمهور شو دورنا ؟؟ ,,, ننزل نلعب بدل اللعيبة ؟؟ ,,, ولا نقعد محل رائد عساف ؟؟ ,,, لو الوحدات سجل هدف كان ما شفنا هالاعتراض من كثير ناس ,,,
فريق شباب الاردن فريق قوي و منظم بشكل مو طبيعي ,,, ما ننسى انو من يومين وصل نهائي الكأس و بقدم عروض جيدة و بلعب بروح ,,, غير هيك جمال محمود ابن ناي الوحدات ,,, بمعنى ثاني اوراقنا مكشوفة ,,, و المباراة تكتيكية و الحرص فيها على عدم تلقي اهداف طغى ع اي اشي ثاني ,,,
الجمهور ما قصر ,,, اللعيبة الله يعطيهم العافية ,,, احنا كجمهور يا ريت نعمل المطلوب منا كـ " جمهور " واعي ,,, إنو نشجع الفريق و نخلي الفنيات و الخطط للمدرب و جهازه المعاون ,,,
كلي ثقة بالأخضر و قدرات لاعبيه ,,, الله يجيبلنا اللي فيه الخير ,,,
" مجرد رأي "
الله يعطيهم العافية فعلا لنكون واقعيين مباراة شباب الاردن باعتقادي اصعب من الفيصلي لانه انظم وانشط فريق حاليا ولم يكن بالسهل تخطيه وهذا ما لم يفكر به الكثير منا والذي اعتقد ان المباراة نتيجتها مضمونه نظرا لاداء الوحدات قبلها