1) لا يعرف معدن اللاعب الا بالمباريات مما يتوجب عليه اخذه ( بدون تعاقد) لمعسكر تركيا و تجربته بالمباريات الثلاث للحكم عليه بشكل فني سليم و من ثم اخذ القرار بالتعاقد من عدمه .
2) ان كان الحكم اخذ ( بعد المعسكر ) بالتعاقد ، فكونه شاب ، يجب ان لا يقل التعاقد عن ثلاث سنوات لتكون الفائدة طويلة الامد سواءا بالاستمرار معه او عند بيعه .
3) يجب ان يكون التعاقد معه ضمن السقف لسبب بسيط ، ان نجح هذا المحترف ، فسيكون الفضل بعد الله لبوابة الوحدات كشهره لهذا اللاعب .
بحسب ما علمتُ عن قيمة صفقة هذا اللاعب الشاب حاجي مالك فإن المبلغ قليل ، ولا يتجاوز السقف المحدد للاعب المحلي ( 30 ألف دولار ) ،، بل إن إدارة النادي ممكن أن تنهي الاتفاق معه بأقل من السقف المحدد للاعب المحلي ..
وعليه أتمنى - وبعد الرأي الفني - الذي علمتُ أيضًا أنه متماشٍ في الاقتناع بقدرات وإمكانيات هذا اللاعب الشاب ، أتمنى على مجلس إدارتنا الموقر ممثلًا بلجنة المفاوضات من ( طارق وزياد ) أن يغضوا النظر عن اللاعب المهاجم " المعروف " حتى لو كان سوبر وأن ينهوا مع هذا اللاعب الشاب والذي علمتُ أيضًا وأيضًا أنه مستعد للتوقيع لموسمين اثنين وبقيمة أقل من السقف المحلي ..
اللاعب المهاجم الإفريقي المعروف .. بس على كلمة " معروف " الله أعلم قدّيش بدّو يطلب !.
كفانا تعاقدات - ندّعي بأنها كبيرة وربك يعلم شو تطلع - وكفانا تبذيرًا لأموال النادي ..
مع هذا الرأي حتى لو أكلنا مقلب ما رح يكون زي مقلب اللاعب المعروف وممكن تصيب معنا ويطلع مالك بمستوى لاعبينا ويطلعلنا شي من وراه
والله انا شايف انو يوقعو معاه فورا لثلاث سنوات هذا بحال انو عجب ابو زمع واداره ما دام المبلغ مش كبير
بجنب المحترف السوبر الى بحكو عنه وبحال المهاجم السوبر وقع وطلع الاعب منيح هيك هجوم الوحدات بخوف لاعيبان افضل من لاعب زي اشرف نعمان واكيد بكونه بمبلغ اقل من مبلغ اشرف واذا ما وقع معانا الاعب السوبر الى بتحكي عنه الاداره يبقى مكسب للوحدات هذا الاعب
يوقعو معاه اقل اشي ثلاث سنوات اذا طلع الولد لاعبين وفادنا هينا كسبنا مهاجم لثلاث سنوات وبنخلص من مشكلة كل موسم بمهاجم الصريح
وانا حاس انو الاعب منيح مش عارف ليش متفائل فيه كثير اذا طلع لاعب ممتاز الاستفاده منه بتكون كبيره وكبيرا جدا للوحدات على كل حال
يعني لو افترضنا 20-25 الف بكل موسم يعني كانو كلف صفقة لاعب كبير بالعمر بموسم
لانو بدك تجيب لاعب كبير بالعمر بدو اقل شي 100 الف وهي هداف الدرجة الاولى بخمس مواسم ب 100-125 الف دولار والله يا بلاش .. لما تعيرو بنادي خليجي بمليون دولار لموسم او موسمين هي جاب 10 اضعافو وهو اعارة ...
بس بدنا ناس تقنع الادارة
والله ما أتوقع انه يكون لاعب من اللي ببالك واحنا صدناه
لو كان مستواه عالي ان كان ما أجى على الاردن ولا كشافين اللاعبين بافريقيا وهم كثر تركوه وكونه بقبل بعقد قليل فهو لاعب أقل من عادي وممكن كان لاعب بدوري حارات في السنغال مع احترامي لكل الاخوان ولجميع الأراء .
بنجربه بعقد 6 شهور ويجدد تلقائي من طرف النادي لمده سنتين اذا أثبت نفسه
بتحكي صح يا ابو أحمد ، وعشان هيك هاللاعب المعروف اللي بفاوضوه مش رح يوقع معنا إلا موسم واحد ، يعني مش رح نستفيد منّو إلا في المنافسات المحلية ، هذا إذا طلع زي ما بدنا .. أما الخارجية فتداخل المواسم حتى لو وصلنا لمراحل متقدمة منها فـ مش رح نستفيد منه في النهائيات ، يعني مخسر وقلة فايده !..
وعليه فهذا الشاب أحسنلنا إذا - زي ما عرفت - في نيه يوقع معنا موسمين .