أبو محمد يا غالي ، ما أنا حكيتلك إنتا عيني في شغلة الإدارة ، ولو الإدارة تشيل هالبند من أساسه كان لا شفت أبو زمع ولا اللاعبين بناموا في الفندق ، ولا كان شفت محمد عمر ولا برانكو ولا قويض قبله ، هاي وحده .
وشغلة إنّي أبو الحسابات والمالية ، فهاي عنجد بحكيلك مش مستاهله منك كل هالطخ عشان نوفر 250 وِلّا 300 دينار ، لإنّو نسبة الإشغال في هالفندق اللي بعسكروا فيه في النازل دائمًا خاصة وأن معظم مباريات الموسم الكروي عندنا في فصل الشتاء والخريف ، يعني الموسم السياحي مضروب والغرفه بوخذها النادي يا دوبك بـ 20 دينار وفيها شخصين اثنين لـ 25 شخص يعني بدّك 12 غرفة والمجموع 240 دينار ، لو بدّك تعطي لكل لاعب 10 ليرات مواصلات مش أكثر في عشرين لاعب هاي الـ 200 طاروا ، هاي الثانيه .
والثالثه يا ابو محمد يا عزيزي ، يا ريتك ما ذكرت الفقرة الأخيرة لإنّي أنا كمان بدّيش أتوسّع وعمري ما رح أتوسّع بذكر أي شيء عن تصرفات وسلوكيات اللاعبين اللي ممكن يتصرفوها لو كانوا خارج أو داخل الفندق هذيك الليلة !.
الله ينور عليك متفقين ابو احمد
وياريت الادارة الموقرة تشيل هالبند اللي السلبيات فيه اكثر من الايجابيات
دايمن كنت اتابع المنتدى وكان الحكي انه المعسكرات لصالح الفريق وكان هناك شكر للادارة ومش عارف ليش الدنيا انقلبت الان وصارت المعسكرات تهمة لابو زمع وعلى فكرة من 6 سنين والوحدات بعسكر قبل اي مباراة وهذا اشي مش جديد وكمان في شغلة المعسكر يعني انصباط وضمان التزام اللاعبين قبل يوم من المباراة بامور مهمة تساعد اللاعب على تقديم اقصى طاقة في المباراة وعلى فكرة الرمثا منفسنا بعمل مغسكر وذات راس والجزيرة وهذا يعني انه المعسكرات مهمة ويا اخوان المعسكر يعني وجود جميع اللاعبين وعدم الخروج والسهر والتركيز بس بالمباراة وهذا اجراء في معظم اندية العالم ومش عارف هو الهدف المعسكر والا شن حرب على ابو زمع
دايمن كنت اتابع المنتدى وكان الحكي انه المعسكرات لصالح الفريق وكان هناك شكر للادارة ومش عارف ليش الدنيا انقلبت الان وصارت المعسكرات تهمة لابو زمع وعلى فكرة من 6 سنين والوحدات بعسكر قبل اي مباراة وهذا اشي مش جديد وكمان في شغلة المعسكر يعني انصباط وضمان التزام اللاعبين قبل يوم من المباراة بامور مهمة تساعد اللاعب على تقديم اقصى طاقة في المباراة وعلى فكرة الرمثا منفسنا بعمل مغسكر وذات راس والجزيرة وهذا يعني انه المعسكرات مهمة ويا اخوان المعسكر يعني وجود جميع اللاعبين وعدم الخروج والسهر والتركيز بس بالمباراة وهذا اجراء في معظم اندية العالم ومش عارف هو الهدف المعسكر والا شن حرب على ابو زمع
اخي الكريم
لو النتائج منيحة ومستوى الفريق عادي بدناش نقول ممتاز
ماحدا بحكي
بس بعد اللي بنشوفو من مستويات بدل على انو معسكراتنا فارطة ومالهاش لزوم
ومصاريف عالفاظي
لورد عندك خمس وعشرين شخص لو اخذوا 12 غرفة ممكن يكلفوا 600 دينار على الأقل اضرب في موسم شوف الفرق ..بإمكان النادي الاتفاق على صيغة اخرى لا تشمل المعسكرات
اخي ابو احمد كل المعسكرات على نفقة النادي واتفاقية ضمان المباريات لا دخل لها بالمعسكرات وكل معسكر نكلفته اكثر كن 700 .
دينار
خلي لعيبتنا تشم الهوا ؟ ليش لأ خليهم ينبسطو مهم بتعبو كثير ولازم يغيرو جو
المشكلة شكلو الك قرايب من الخليل ابو احمد
مادام عقد الرعاية بتضمن هيك ليش لأ!!!!!
مادام انت ابو الحسابات ابو احمد
عقد الرعاية بدون هالاقامات وشمات الهوى مش بدها تكون قيمتو اكبر
مش اللي بيضيع في هالسالفة مش دخل
نروح لأبو زمع
ابو زمع مسؤول أولا وأخرا عن هالحكي والمصاريف هو و الادارة مش اجنا بنقول ابن النادي ولا جايبينو من جنوب افريقيا بعرفش اللي عنا واللي علينا
بدي اروج معك ابو احمد ماشي المعسكر صار وحصل
سؤال
مش ابو زمع بكون معهم في الفندق والا لأ,,,,,ياريت تجاوبني
لأنو مصيبة اذا بنامش في الفندق ,,, العملية ابو احمد حتى لو ببلاش المعسكر وهذا مش مزبوط
مافي فايدة منو ومصاريف زيادة
ولو بدي ادخللك في تفاصيل اللي بوصلني عن هذه المعسكرات بولعها نار صدقني
وبكفي خلينا نحكي عن المصاريف والتوفير بس
بلاش نتوسع
ليش ما تحكي وتفضح الفساد وخلينا نتوسع واذا الاداره مقصره واعضائها ما بتهش ولا بتنش وبتختم للرئيس افضحهم خلينا نتنور
للعلم قبل موسمين رشدي اخذ المباريات بدل اقامة الفريق بالفندق يعني ببلاش اخذهن اما الموسم الماضي كان النادي يدفع ايجار الفندق من خزينة النادي وهذا الموسم رشدي اخذ المباريات بعقد ومادخل الاقامه بالعقد النادي الي بدفع ايجار الفندق بس لانه الموسم ضعيف ورجع شيكات من ضمان المباريات صارو يخصمو من الي الهم عند المتضمن يعني كلو على حساب النادي
زمان ما كان احتراف
اما اليوم نحن في زمن الاحتراف اخي العزيز
لازم انهز لللاعب ونعطيه مميزات وندلله ونيمه في احسن فندق
ابتعرف اتغيرت الامور الله يرحم ايام زمان
يا سيدي هذا كله مش مشكله المهم ان يكونوا اللاعبين على قدر المسؤوليه
وان يكونوا رجال في الملعب