ابو عرب رمز من رموز فلسطين حبه لا يقل عن حب ابوعمار واحمد ياسين والرنتيسي ويحيى عياش والشقاقي ودلال المغربي فالف سلامه عليك ياوالدي ياتاج راسي ياكريم اشفيه انت الشافي
أبو عرب .. صوت الأرض .. صوت الأنتفاضة ..صوت الثورة .. أفضل من تغنى بفلسطين و غنى للثورة و الحرية .. ومن أفضل منه .. وهو اللاجيء .. الذي فقد حنين الوطن ..
ابن الشجرة الأبي .. إبراهيم محمد صالح
"أبو عرب"
تعالو نسمع منو عن نكبتنا شو بيحكي .. و اسمعوه مليح ..
أبو عرب .. موال شهر وسنة .. HQ 8 Mb
أبو عرب .. موال شهر وسنة .. LQ 3 Mb
شهر و سنة عم تمرق الأيام
و الليل باكي فوق خيمتنا
واطفال تحت البرد عم بتنام
خيمة و ريح الظلم عصفتنا .. خييّ
و جدي مريض بتوكلو الأسقام
أختي و أنا بنلوك دمعتنا
أمي حزينة دموعها أرقام
أرقام تحكي بعد نكبتنا
تحكي عن المعراج يا اسلام.. خييّ
عن مهد عيسى و عن كنيستنا
و تحكي عا جور خوالنا و عمام
وتسكب ملح عا جرح طعنتنا
لوحات .. تعجز ريشة الرسام
بعد و دما و دموع عيشتنا
نحنا يا أمي بذل ما بنام
ورد الردى و الفدى عادتنا
لازم نفجر حمم من الخيام
و نسمع التاريخ صرختنا .. يا امي
واحنا ياامي للوطن إعلام
من دمنا بنكتب قضيتنا
و ياامي أنا دمعة من الأيتام
و نوح الحمامة فوق تينتا
وشبابة الراعي ورى الأغنام
وعنة عتابا فراق ديرتنا .. آه يا امي
و تنهيدة الحصاد تالي العام
و موال من رجاد حقلتنا
وفية زيتونة معبعبة الكمام
وريحة خبز طابو حارتنا .. آه يا امي
و يا امي أنا صرخة "دلال" تصارع الإجرام
عا أرض حيفا و حد طيرتنا
و زئرة فدائي فجر الألغام "بسافوي" حتى الناس سمعتنا
قومو اسئلو العرقوب و الخيام
"تبنين" تتغنى برجولتنا
فينا الكرامة تزايدت اكرام
الأغوار عم تبكي عا سيرتنا
اعتز المجد فينا و عملنا وسام
تا يعلقو في صدر امتنا
ياامي كفانا نعيش بالأوهام
كذب و دجل ووعود حاجتنا
حاجتنا نشكي الظلم للظلام
ونبوس الأيد اللي ذبحتنا
ياامي كفانا نعيش بالأوهام
ما عاد بدها شرح حالتنا
بدها برودة رصاصها الأقلام
و القنبلة توقع شكايتنا
بدها رجولة و تضحية و اقدام
بدها عروبة تصون دولتنا
بدها عروبة تحطم الأصنام
و تشيل "أنور" من عروبتنا
و القاهرة ترجع لأرض الشام
و تقول يا احباب الوفا
عودو بعز و شرف يا طيب عودتنا