يا ابو الوليد تشِدِّش عـ حالك كثير
بدّك مشويات في معسكر إما في الإمارات أو مصر أو تركيا ؟!.
وهسّة بتتهدَّد على الإدارة وبتتوعَّد عليها ؟!.
مربوحة يا طيب، مربوحة .. هُو ظلّ فيها إشي ؟!!.
بدّك تهدّد ؟. هدّد اللاعبين اللي لو ما جابوش هالـ 4 نقط الغـــــــــــانمات ...!!.
بعدين مين أبو فرلس هاظ ؟!.
ليكون هُو مدير النشاط في المواسم السابقة ؟!!.
وليكون هُو اللي المعظم كانوا يوقفولُه على نقرة في المعسكرات المحلية ما قبل المباريات المهمة ؟!.
هسّة يا ابو الوليد صرت بدّك معسكرات خارجية والمشاوي فيها عشان 4 نقط ؟!.
وهسّة بسّ في الوقت هاظ المؤامرات طلعت، وتبيّنت لك ؟!. وصارت بدها تؤثِّر على الفريق وما تخلّيناش نجيب الـ 4 نقاط وتحرمنا من الدوري ؟!!.
بعدين، ما اللي يستقيل يستقيل في هذا التوقيت أو غيره .. مع احترامي لشخص الأخ زيد أبو حميد، مخزوننا ورصيدنا من الكفاءات ومن النتائج ومن المواقف والحمد لله ممتازين .. وِالـ (كيس) بيسمح .
حج جمال،، لم اطلب من الادارة اي معسكر،، وانما طالبت رجال الاعمال،، الجليس وغيرو بدل حفلة مشاوي اخرى معسكر زي العالم والناس،، بالنسبة لزيد،،لم اسمع واحد بيشكي منو،، بس التدخل بعملو لغايات تطفيشو هذا الكلام مش كويس،،، عنا كفاءات؟؟!! وينوهم، او وينو كفاءات على راي هالواحد
حج جمال،، لم اطلب من الادارة اي معسكر،، وانما طالبت رجال الاعمال،، الجليس وغيرو بدل حفلة مشاوي اخرى معسكر زي العالم والناس،، بالنسبة لزيد،،لم اسمع واحد بيشكي منو،، بس التدخل بعملو لغايات تطفيشو هذا الكلام مش كويس،،، عنا كفاءات؟؟!! وينوهم، او وينو كفاءات على راي هالواحد
حلو سؤالك هذا .. وينو كفاءات ؟!.
سواء على رأيك أو على رأي هظاك الواحد ..
والجواب، أبو فرلس كفاءة، وأبو أنس - زيد أبو حميد كفاءة، وفي غيرهم أعضاء تولّوا النشاط برضو كفاءة، علي خليفة كفاءة، وليد السعودي كفاءة، هيّو طائرة وهسّة أعتقد راح عـ السلة كمان ... واللي وِصِلُّه زيد أبو حميد لغاية الآن من نتائح وموقف بين الفرق وعلى سلّم الترتيب يدعو أي واحد إنّو يحكي .. آه عنّا كفاءات إذا بدّو يستقيل (اقراهم مع بعض يا ابو الوليد كفاءات مع النتائج والمواقف) لإنّـو أولا، الله يعطيه العافية أبو أنس فيما وصل إليه - تقريبا كأس الدوري صار في الخزانة، وثانيا الله لا يعطيهم العافية الكفاءات اللي ذكرتها ولا اللعّيبه ولا الجهاز الفني ولا حتى الجماهير، إذا بعد ما استقال زيد أبو حميد وبثلاث مباريات بدهُمِّش يجيبوا 4 نُقَط منها !!.
يعني هي الكفاءات اللي قبل زيد ابو حميد، مع كل هالبطولات اللي جابوها سابقا، جايّين على آخر أسبوعين يعملوا مؤامرات على زيد أبو حميد عشان يطفّشوه ويستلموا محلُّه، عشان يتسجّل الدوري باسمهم ؟.
طَبْ ما هِي الكفاءات كلها .. كلها قبل ما تصير كفاءات ما هُمِّه كهنة ..!.
الشغلِه بدها تشغيل مخ يا ابو الوليد، الله يرضى عنك ..
يعني شغِّل مخَّك واحكي إشي يدخل مُخّنا
قدّ ما بحكي نْخَلّي هالموقع نظيف من وساخة الفيس بووك وقصصه الطرمَهْ، بتظلّكم يا ابو الوليد أنت وبعض الإخوة تِنْقلولْنا أخبار ما إِلها فكاهَهْ ولا مازِّيِّه .. أخبار شُغُل آكْشِن مُقَزِّز ودراما عثَّة .
قال استقال ..؟!. طَبْ ما يستقيل .. شو يعني؟.
كأس الدوري بدّو يْلِفّ ويرجع عـ الجاردنز ؟!.
= = = = = =
طبعا كلامي أعلاه مع كل الاحترام للأخ زيد أبو حميد ولكل أعضاء مجلس الإدارة، بسّ الأمور تقاس بالعقل .
تأجيل الدوري ليس له داعٍ
مضيعه للوقت وقتل للأندية واللاعبين
حرام الأندية ما الها راي ولا صوت
خلص الدوري وإذا في مباراه رسميه جمع المنتخب قبل 4 ايّام
للوحدات ممكن معسكر محلي قبل عشر ايّام من العودة