طريق الدهاب معقول استراحة ساعتين فقط في مطار دبي معقول
لكن طريق الاياب ممكن تبحث الادارة عن رحلات مباشرة من عمان الى الاردن
مش معقول الوفد ينتظر من خمس الى ستة ساعات قبل الاقلاع
والله مش عارف مين المسؤل عن المهزلة هاي
وين مدير العلاقات العامة من هالحجوزات
وليش ما حجزوا من شهر وهمه عارفين موعد المباريات
وقبل هيك حصلت مع الفريق في مباراة الوحدة الاماراتي
صراحة غير متفائل بهذه المباراة
او مع الفيصلي بسبب الرحلة والمجهود الشاق للاعبين
* اللجنة الإعلامية حاطَّة عنوان وصيغة نَصّ مقبولة لحجز السفر هذا !.
- طَبْ ليش هيك ؟!.
* عشان ما حدِّش يطُخّ ، ويصير يألِّف من عندو تقاعس الإدارة وفشلها ، وِعشان ما حدِّش كمان يْأَوِّل إنّو الإدارة بتمهِّد لقبول الخسارة إنْ حصلت - لا سمح الله ، سواء خارجيا أو داخليا بعد العودة !.
- طيِّب هل باعتقادك يا أخ جمال نشوان أن هذا الأمر ممكن يكون عنجـدّ ؟!.
* أنا ؟!. شو دخلني يا حبيبي ؟!!.
- احكي الصحيـــــــــــــــح !.
* الصحيح : إنّو قبل فترة سافروا على الهند كالاكوتّا وبومباي ومدينة الحيايا ، وبعدها على أوزبكستان - طشقند بلد العسل والمْهلّبيِّه ، وعلى غيرها من بلاد الله .. وقعدوا في الطريق أيام مِش ساعات ، وفازوا هناك ، وتعادلوا وخسروا ، ولما رجعوا فتكوا بكل الفرق اللي قابلتهم .. يعني الصحيح اللي بدّي أحكيه : إنّو ليش الإدارة تمهّـد لخسارات قادمة ؟!!.
يعني ما تقول غير اللاعبين مسافرين على جْمَال عرجا وحمير مْكَرسحة !.
طيّارة هاي ، مْكَيّفِه مْكنْدَشِه ، بمِدّ إجريّي فيها وببرطِع عـ كيفي ، ولما أنزل في الترانزيت بروح بلفِّ في المطار بشوف ماء وخضرة ووجه حسن ، وِلّا هُمّه ليكون نازلين بمجمّع الشمال ؟!.
هذا غير الاستقبالات والضيافات والمتابعات والغَديات والعَشَيات اللي بيلاقوها هناك من جمهورنا الطيب وجمهوراتنا الطيّبات ..
الرّكّ عـ اللعّيبِه يا إخوان ، والصحيح اللي بدّي أحكيه كمان إنّو لو عندهم دم ، وروح .. أهمّ إشي الروح ، بْنطْلَع من المطار على الملعب عِـدِلْ ، وبنلعب - إن شاء الله - مع البرازيل ولا بتفرق عندنا !!.
الصحيح ، الصحيح .. إنّو إحنا استمرأنا ، وطاب لنا ، واستسغنا كل شيء نْـزِتّ بلاه ومصايبه على الإدارة !.
* اللجنة الإعلامية حاطَّة عنوان وصيغة نَصّ مقبولة لحجز السفر هذا !.
- طَبْ ليش هيك ؟!.
* عشان ما حدِّش يطُخّ ، ويصير يألِّف من عندو تقاعس الإدارة وفشلها ، وِعشان ما حدِّش كمان يْأَوِّل إنّو الإدارة بتمهِّد لقبول الخسارة إنْ حصلت - لا سمح الله ، سواء خارجيا أو داخليا بعد العودة !.
- طيِّب هل باعتقادك يا أخ جمال نشوان أن هذا الأمر ممكن يكون عنجـدّ ؟!.
* أنا ؟!. شو دخلني يا حبيبي ؟!!.
- احكي الصحيـــــــــــــــح !.
* الصحيح : إنّو قبل فترة سافروا على الهند كالاكوتّا وبومباي ومدينة الحيايا ، وبعدها على أوزبكستان - طشقند بلد العسل والمْهلّبيِّه ، وعلى غيرها من بلاد الله .. وقعدوا في الطريق أيام مِش ساعات ، وفازوا هناك ، وتعادلوا وخسروا ، ولما رجعوا فتكوا بكل الفرق اللي قابلتهم .. يعني الصحيح اللي بدّي أحكيه : إنّو ليش الإدارة تمهّـد لخسارات قادمة ؟!!.
يعني ما تقول غير اللاعبين مسافرين على جْمَال عرجا وحمير مْكَرسحة !.
طيّارة هاي ، مْكَيّفِه مْكنْدَشِه ، بمِدّ إجريّي فيها وببرطِع عـ كيفي ، ولما أنزل في الترانزيت بروح بلفِّ في المطار بشوف ماء وخضرة ووجه حسن ، وِلّا هُمّه ليكون نازلين بمجمّع الشمال ؟!.
هذا غير الاستقبالات والضيافات والمتابعات والغَديات والعَشَيات اللي بيلاقوها هناك من جمهورنا الطيب وجمهوراتنا الطيّبات ..
الرّكّ عـ اللعّيبِه يا إخوان ، والصحيح اللي بدّي أحكيه كمان إنّو لو عندهم دم ، وروح .. أهمّ إشي الروح ، بْنطْلَع من المطار على الملعب عِـدِلْ ، وبنلعب - إن شاء الله - مع البرازيل ولا بتفرق عندنا !!.
الصحيح ، الصحيح .. إنّو إحنا استمرأنا ، وطاب لنا ، واستسغنا كل شيء نْـزِتّ بلاه ومصايبه على الإدارة !.
شِدّوا حيـلكم يا نايْطين ..... .. !.
صباح الخير يا مدير
و الله و الله و الله دخلت بس مشان اشوف تعليقك
و عجبني طبعا
هاي سيمفونية عفا عليها الدهر .. و بصراحة عيب نحكي فيها...
رحلة سفر شاقة؟ و وين ؟ على عمان ؟ مرورا بالإمارات ؟ و انتظار ساعة و نصف ؟
محنا كنا نوقف بمجمع الزرقاء ساعتين مشان نركب باصات الجامعة أو العبدلي مشان نروح على شغلنا .. و نشتغل و نرجع نتبهدل بالرجعة كمان.
رحلة شاقة ..ليش؟
عشان في انتظار خمس ساعات بالعودة؟
وين المشقة بالموضوع
ليش ما نحكي عن غباء و فشل الإدارة في الحجز
سافرت خمسين مرة ... من الدمام ..الرياض ..جدة..القريات .. عمان .. و كلهم ترانزيت..
و لما كنت أعرف انو اجازتي بشهر سته .. كنت أحجز قبلها بست شهور و ادفع .. نوصل و الحمدلله الامور تمام
قال مشقة قال..يا عمي بلا من هالسوالف و الله ضحكتوا الناس علينا
بسّ شو اللي كان جابرنا نروح نْطارد وراهم بالزمانات ، وشو اللي جابر جيل هالإيام هاي يطاردوا وراهم ويلفوا وراهم بلاد الله ؟!.
يعني ، ليش ما تحكي كنّا نطلع من صراصير الفجِر ونوقّف طوابير ومواصلات بالساعات ، عشان نتفرّج عليهم ونشجّعهم ؟!!.
ليش ما تحكي لما كانت الأمور تقصِّر معانا ، وما فيش في جيبتنا غير حقّ التذكرة كنّا نِلطَعْها مشي من الساحة الهاشمية لستاد عمان لما كنّا في مخيم شنلر ، وكنتو إنتو في الزرقا ؟!.
غير اللي كانوا يِـGــدحوها مشي من سوق الخُظرا في الوحدات للمدينة الرياضية ؟!.
والتاريخ بيعيد نفسه ، ولسّة - والله - أنا بشوف شباب صغار هيك !!.
سافرت خمسين مرة ... من الدمام ..الرياض ..جدة..القريات .. عمان .. و كلهم ترانزيت..
و لما كنت أعرف انو اجازتي بشهر سته .. كنت أحجز قبلها بست شهور و ادفع .. نوصل و الحمدلله الامور تمام
هسّة هاي الجزئية أنا ما بدّيش أفوّتها ، أحسَن تقول إنّي فشَّقِت عنها دفاعا عن الإدارة بعدم تحمّلهم مسؤولية التيسير والتسهيل بالحجز المبكّر .. لا ، هناك مسؤولية وهناك معاتبة ، بسّ مِش أروح أحجز قبل بشهرين !.
افرض إنّو هالفريق عِمِل مشكلة في أول مباراة إلو وانسحب أو طردوه من البطولة فليش أخسر مصاري الحجز ، يعني كان المفروض إنّي أروح أحجز بعد مباراتي معهم الذهاب مباشرة .. هيك معقولِه ومقبولِه .. يعني أنا معك ، في تقصير من الإدارة وعدم مبالاة !.