بدي اسألك سؤال ألطفل علاء الي كان نموذج بموضوعك لولاقدر الله ضل تحت الاقدام لثواني قليله أخرى وحصل له مكروه اكبر لاقدر هل كانت الايجابيات التي تنشدها سترضيك أخ ايمن خاطبني وخاطب الناس بلغه بسيطه مفهومه مش كلنا محللين الي بنعرفو انو جمهورنا اتبهدل وانقمع بطريقه غير انسانيه وادارتنا دقت عصدرها وبعدين عشان يمسحو جوخ بجلسه باعو حق الناس زعلانين يعني ليش ممكن بطولة دوري تضيع بسبب مقاطعه رح تحفظ كرامتنا؟ الدوري الي راح ضاع بمؤامرات من اللاعبين لازاحه المدربين وماشدينا هالقد وماخوننا اللعيبه زي ما بنخون بالي بدهمش يحضروا مبارايات ، اذا احنا هوننا مشكلتنا وخليناها عباره عن بطوله ممكن تضيع وايجابيات وسلبيات فما في داعي نلوم الغير اذا طنشونا
بتعرف اخ سفيان انو الطفل علاء ..قال انا اول واحد راح احضر المباراة القادمة .........نعم لمؤازرة الفريق من المدرجات ولا للمقاطعة
الشباب كل يوم في رأي يعني بدك اضيع الرباعيه يعني بدكاش الفريق يفوز,,يا رجل اذا علاء ألي اكتر واحد انضرب وانضر فيكم كلكم صار يحكي انا حبي للوحدات زاد وأني راح اروح احضر المباريات للوحدات اول ما اشفى,,,,
هاض جهاز امن ما حد بقدر يدينو ,, انا متأكد انهم اتبهدلوا بس ما بقدرو يحكو هيك ع التلفزيون اني ثاني جهاز من حيث الاهميه بعد الجيش اتبهدل وانحبس يا اخوان افهموا هاد امن دوله شوفوا شو ألي بصير بمصر وتونس ,, يا اخوان والله والله والله انهم ما راح يعيدوها لأنو الاخبار ما قصرت فيهم
يعني الي صار صار في السلط و العقبه و و و ,,,,
بس المره هاي كانت القاضيه وخلص ما راح تنعاد ,, يعني لمتى بدك اتقاطع بس نخسر الدوري و الاعداء ينبسطوا ؟؟؟؟
الموضوع مش يوم و بطولة أنا شايف انو صار توريث و اتعودنا على المعاملة هاي
يا اخي لمتى بدك اتقاطع يا رجل يعني لما نخسر الدوري و الكأس يا رجل ابن عمي والله انكسرت أيدو وجبصنها شهر كامل و والله والله والله انو بدو يروح
لانو بحكي حقنا بنجبيبو بس انجيب الرباعيه وانحط بعيونهم بصله
كلام جميل يا سفيان لكن كم بشكل زوار المنتديات من الجماهير؟؟
يعني بتتوقع حد يسمعك ..جمهور الوحدات جمهور عاطفي وعاشق جدا للوحدات وغير هيك تنساش انه المباراة على +10 المشفرة
عشان هيك انا بعتقد انه يكون ملان الملعب
حتى لا نبتعد عن الموضوع
الأخ سفيان يشكر على موضوعه القيّم ورأيه ونظرته وحرصه على حرمة وكرامة الجماهير وأنا على علم أن حبه الشديد دفعه لكتابة هذه السطور .
بالنسبة لي كما قلت سابقا ، لو أن في المقاطعة شيء ايجابي ولو أن المقاطعة ستعيد لنا كرامتنا " المصونة " أصلا ولم تهدر لكنت أول المنادين بها ، ولكن يا أخوان حضور الجماهير ولو بأعداد أقل من المعتاد سينسف هدف المقاطعة ، ولا تنسوا أن الحضور الجماهيري للدوري في هذه السنوات قليل جدا مقارنة بالتسعينات وما قبلها .
أعجبني رد أحد الأخوة الذي أعلنها بصراحة وبكل وضوح عن ادانة الدرك وبأنهم لن يقبلوا باعلان أي تهمة أو تأنيب علني لهم ونحن نفهم هذا حفاظا على مركز هذا السلك الهام بالدولة ، وأيضا تدخّل سمو الأمير علي بشكل شخصي جعلنا نثق تماما بالتغيير والتصحيح القادمين .
وللأسف لم أكن أتخيل أن حضور مباراة للوحدات بات نوعا من هدر للكرامة ، وتاريخنا وعرقنا وتعبنا وجهدنا ودماؤنا تشهد على أن حضورنا للمباريات هو من حفظ لنا كرامتنا وليس العكس ، ومن ينتظر من الصحافة الصفراء التباكي على أعداد الجماهير ومن ينتظر من الأندية المتهالكة التباكي على أعداد الجمهور المنافس لها ... أقول لهم نحن لم نراهن على أي منهم في حياتنا ، فالمقاطعة كانت مميزة وفعالة لو كانت مقاطعة كاملة من لاعبين وجماهير كما حدث بالتسعينات مع السيد بهجت شهاب ، أما مقاطعة بعض الجماهير فللأسف سنغدو كما جماهير الأندية الاخرى التي تتعذب لتمني النفس وترى فريقها يبتعد درجة للأمام من درجة الوصيف .
وأخيرا أحب أن يركز الأخوة المقاطعين على ايجابيات وسلبيات المقاطعة وينظروا الى أبعد من يوم الجمعة ..!