في فرق بين اختيار لاعب لتدعيم المنتخب بخبرته وبين اختيار لاعب لتدعيم خبرة اللاعب !!!!
فهمكوا كفاية يعني مش جديدة علينا ، اعطاء شباب الفيصلي خبرات ميدانية
يا جماعة الخير طول عمرو المنتخب مرحلة إعداد للاعبي الفيصلي ولو في عندهم لاعبين يغطو محل لاعبي الوحدات لما أخدو حدا من الوحدات . ثالث هدافي آسيا خارج المنتخب ولاعب سجل 3 أهداف صار هداف للمنتخب !!!! مهزله
وفيما يتعلق بتشكيلة المنتخب من اللاعبين المحليين، فإن الجهاز الفني لم يفصح عن هوية اللاعبين المستدعيين، الا ان المعلومات تشير إلى ان لاعب فريق الفيصلي خليل بني عطية سيكون ضمن قائمة المنتخب، إلى جانب حارس مرمى الحسين اربد محمد شطناوي، المتوقع استدعاؤه للفريق للمشاركة في البطولة الدولية الرباعية.
كما ستضم التشكيلة ايضا لاعبين ينضمان للمرة الاولى لصفوف المنتخب، لم يتم الكشف عن هويتهما، بانتظار اعلان القائمة النهائية اليوم.وفي قراءة لفكر المدير الفني عدنان حمد، فإن استدعاء المهاجمين أحمد هايل وثائر البواب وعدي الصيفي، يقلل من فرص استدعاء المهاجم محمود شلباية الذي سيكون خارج البطولة الرباعية وفقا للمعلومات، إلى جانب عدم استدعاء مؤيد أبو كشك بسبب ابتعاده عن الملاعب.
يعني حمد وقصصو عرفناها من أيام كأس آسيا -- ليش موجعين راسكم فيه خسارة اسمو ينحط بهالمنتدى
-------
بني عطية لاعب جيد والبطولة غير رسمية خليه يستفيد مع المنتخب لانو مع الفيصلي مش رح يستفيد
لعيبتنا بكفيهم انهم وحداتية
ويوم ينطلبو للمنتخب بكونو جاهزين وفي خدمة الوطن والمنتخب بدون جميلة حمد
يا عمي احنا ليش زعلانين والله مني وعلي نفسي ما يطلبوا ولا لاعب وحداتي للمنتخب خليهم في خدمة النادي احسن
وبلاش كل ما المنتخب يخسر يحكولك الحق على حسن ضيع فرصة وطبعا بيكون حسن جايب قولين
ولا الحق على عامر اعطى باص غلط ولا الحق على شفيع اجى في جول
لا خليهم يورجونا شو بدهم يعملوا بدون لعيبة الوحدات
بعدين نسيتو يا شباب شو صار فينا الموسم الماضي في الأتحاد الاسيوي ببركة معسكرات فينجادا وطلبه للاعبين وكنا ندخل المباراة بتشكيلة ناقصة او الشباب بتكون مرهقة و غير قادرة على اللعب
لا هيك احسن
يا عمي احنا ليش زعلانين والله مني وعلي نفسي ما يطلبوا ولا لاعب وحداتي للمنتخب خليهم في خدمة النادي احسن
وبلاش كل ما المنتخب يخسر يحكولك الحق على حسن ضيع فرصة وطبعا بيكون حسن جايب قولين
ولا الحق على عامر اعطى باص غلط ولا الحق على شفيع اجى في جول
لا خليهم يورجونا شو بدهم يعملوا بدون لعيبة الوحدات
بعدين نسيتو يا شباب شو صار فينا الموسم الماضي في الأتحاد الاسيوي ببركة معسكرات فينجادا وطلبه للاعبين وكنا ندخل المباراة بتشكيلة ناقصة او الشباب بتكون مرهقة و غير قادرة على اللعب
لا هيك احسن
حكيك خالي حكي عاطفي
لولا المنتخب كان ما دخل صندوق النادي و جيب اللاعبين حسن و عامر 450 ألف دولار
إحنا عايشين بالأردن و لازم يكون كل لاعبي الوحدات بالمنتخب عشا نكون كلنا خلف المنتخب
لعيبة الوحدات بالمنتخب أكثر إخلاص و أحسن لعيبه و بس