كل الاحترام والتقدير
معك 100% انه ما حدا يسب لاعب ولا مدرب ولا اداري
أنا مش مع السب ولكن مع الانتقاد يعني لما نحكي فراس شلباية سئ يعني سئ جدا في اللعب
اما قصة التشجيع فهاي سبحان الله صارت بالدم يعني لو ينغلب الوحدات الف صفر بنضل انشجعه لانه الامر مش باليد بل بالقلب
أخي الكريم والله ما حدا بعترض ع فراس شلباية قدي ,,, بس مش وقتو هسة ,,, المنظومة ككل بحاجة لدعم و مساندة ,,, خلي العتب و الزعل لبعد الموسم ,,, المهم الفوز في آخر جولتين مهما كلف الأمر ,,,
و التشجيع إن شالله موجود بوجود الأصايل مثلك أخي الكريم ,,,
ملاحظ اخوي انو اول مره بنشوف انو الوحدات بيخسر بالثلاثه مرتين في دوري واحد
الفريق ما كان سيء
3 غلطات كلفو 3 اهداف
وكلها الله وكيلك من جهة فراس شلبايه
الاول الثاني الثالث
مباراتة الاهلي هدف من خطا وجهة فراس شلبايه
وبعدين مع فراس شلبايه هاذ
يعني انتا بتحلم بدوري ما دام فراس شلباية موجود
هوا بيفكر حالو مهاجم ولا ايش
ياعمي اثبت محلك وخلي الهجوم للهجوم
مش تاركلي محلك وبتخزق فينا وبدك تجيب غول
هي شي غاد مبرد وجهك اللي خايف عليه وحاطلي جل وفايت عالمباراة
والله يا اخوان ما بيهمني هالدوري هالسنه لان فعلا احنا ما بنستحقو
اللي بيهمني الخزي والعار من السكوت على اخطاء الجهاز الفني واللي بتكلفنا هزائم مذله
والله يا أخي لو بدك رأيي ؟؟ ,,, مافي فريق هاي السنة بستحق دوري ولا إشي ,,, بس إنت أعطيني حل منطقي ,,, أترك الفريق و أدق بفراس ؟؟؟
أنا شخصياً مش راضي عنو كلاعب ,,, بس لو بدي أترك الوحدات و أبلش بفراس كإني بحكي للوحدات توخذوش الدوري ,,,
العتب و الإقالات و الغضب خليه آخر الموسم ,,, الله يرضى عليك يخوي ,,,
هسة لازم إنت تطلع قبلي الجمعة ع الملعب و تشجع بدون غلط و بدون حكي هيك و هيك ,,, شجع للشعار فقط ,,, سيبك من اللعيبة ,,, و بإذن الله بتروح الجمعة مبسوط ,,,
وحد الله أخوي ,,,