يا أخي الكريم أذا أنت ما بدك الجمهور يحاسب الأداره واللأعبين مين برأيك ممكن يحاسبهم لما العضو في الأدارة يفشل لازم يتحاسب لانه هدي مسؤليته ولما أي شركه في العالم تفشل صاحب الشركه بيطرد جميع المدراء فيها والوحدات ملك للجمهور وليس للاداره والاعبين وبعدين لو تجيب فريق من الشوارع وتخلي جمهور الوحدات يشجعه لياخذ جميع بطولات المملكه - أما لاعبين الوحدات فهم يتقاضوا رواتب شهريه تدفع لهم من قبل النادي وهدا الشغل تبعهم ولازم يبدعوا فيه يرحم أيام زمان لما مصطفى ايوب وماجد بسيوني عند ما قالوا انهم أخذوا مكافئه البطوله وكانت ٥ دنانير يا أخي الكريم نحن بنعرف قديش الفرق الثانيه وجمهورها بيكرهنا وهدا مش مهم عندنا لانه بيخلينا نحب الوحدات أكثر بس لما الأداره تكون ضد النادي هدا أسمه نفاق نحن ولا يمكن نستغني عن الوحدات ولي مش عاجبه من الأداره يروح مع السلامه بدنا ناس تشتغل بقلب ورب - يعيش الوحدات وجمهور الوحدات الوفي .
أنا مش قادر أفهم كيف انه الوحدات صار ضعيف على شان الجمهور بتهجم على الأداره أنا بدي احكي لك قصه حقيقيه صارت معي في سنه ١٩٨٣ كنت في عرس في فندق الرجنسي وكنا داخلين حوالي ٥٠ واحد وفجأه شوفت في البرنده بره كان قاعد نادر زعتر وجلال علي وعفيف مسعد ووليد خاص مع ميلاد عباسي وخالد ابو العوض ولاعب من الاهلي وأثنين من نادي الجزيره ناسي أسمهم وذهبنا نسلم على الشباب وقاموا الأربعه عبط وبوس لكل الي جاي على العرس وبعد ما درت ظهري سمعت الاهلاوي بيقول للشباب لو عندنا ربع جمهوركم لكل سنه نوخد الدوري وما لقيت حالي الا انا راجع عليهم وهم جاين علينا وسلامات كمان مره - يا أخي الجمهور ما تغير نحنا ناس عاطفين وبنحب الوحدات التغير صار من الأداره والاعبين رحمة الله عليك يا سليم حمدان والرحال لما كانوا يذهبوا بالليل قبل المباراه بيوم على دور الاعبين على شان انهم نايمين بدري - واذا كان في احد من الجمهور تهجم فهذا من قهره لانه بيحب النادي --ويعيش الوحدات وجمهوره الأمين