الصراحه انا طول عمري ضد ابو سعدو وجماعته لعده اسباب
1- ما في عندهم اغاني اطول هتاف عندهم طوله 30 ثانيه
2- نص اللعبه ابو سعده بطلب من الجمهور يغنوا للعجوري و العجوري يبادله الامر يعني جايين ينكشوا مخ و مش فارقه معهم الوحدات و المصيبه الفئه اللي بتحبهم من الجمهور بتكيف عليهم
3-انا ضد اي شخص بشجع الوحدات عشان راتب اخر الشهر
4- لعبه بأيد الاداره و اللي الاداره بتحبه بهتفوله واللي ما بحبوا ممنوع و اكبر دليل ابو غضب و زميله ابو سعدو منعوا الجمهور يهتفوا لرأفت لانه "هيك الاداره بدها "
5- الصراحه واجهه غير حضاريه عن جمهورنا يعني ليش دائما لازم يطلع حضره جناب ابو سعدو ع صدى الملاعب و يخبص بالحكي و يقول هاد الفوز اهداء لصاحبي فلان و" للوحداتي مصطفى الاغا " و المصيبه بطلع مصطفى الاغا بعد التقرير بحرجه و بحرجنا معه مع انه عمره ما فرق معي اي واحد مين ما كان اذا بحب الوحدات ولا لا !
صحيح .. أننا نلمس أحياناً إنعكاسات لما يدور على كراسي إدارة النادي في المدرجات من خلال رابطة الجماهير .. و صحيح أنها الأخيرة ليست بمستوى الطموح .. إلا أن اللوم يقع على الجماهير .. بحيث أنها مطالبة بتوجيه نفسها عندما ينعدم الموّجه أو أن تبحث عن الأفضل لتسير خلفه ...
لازم الهتافات تكون جماعيه و بصوت واحد مش كل واحد من الرابطه يوخذلو زاويه من الدرجه الاولى ويشجع على كيفو
لازم ايكون معهم مكبر صوت و واحد منهم يهتف والجماهير كلها ترد وراه
مع العلم اني بحياتي ما حضرت مباراه في الملعب ولا راح احضر ، ولاكن بحسب متابعتي للمباريات على التلفاز فأني أتفق معك بكل كلمه قلتها وخاصه انوا فعلا مش واجهه حضاريه
وبصراحة شو هالشغلة اللي طالعينلها فيها ابوغضب وجماعته جايبين فرقة موسيقية وبقضوها يعزفوا ويغنو لام كلثوم وعبد الحليم وابصر مين عوضا عن انهم بزعجوا الجمهور بالعزف طول المباراة بدل من تشجيع الوحدات ,يعني في مباراة دهوك روحت عالبيت لاحضر المباراة اعادة لاني كنت بالملعب ولا واحنا متعادلين بسمع اغنية الف ليلة وليلة في التلفزيون جايب من مدرجات الوحدات اللي انا كنت قاعد ع جهة الغضب وسمعتهم بغنوها وكان نفسي اعمل معهم مشكلة فريقنا متعادل ولا بشجعوا ولا شي بس بغنو