كيف يحق لزياد شلباية فرض رأيه على باقي الأعضاء .. الرجل كمدير نشاط خسر ثلاث بطولات محلية وخرج من البطولة الآسيوية في غضون أربعة شهور أي في عرف الإنجازات يسمى فشلا ذريعا .. كيف يحق له ذلك وكيف يقبل باقي "الكراسي" الأمر ؟؟
وعبد القادر كمان !!!
بلا وحدات بلا وجعة راس .. اقسم بالله ان صرت شايف زياد شلباية قدام خلقتي لارتكب فيه جريمة .. اي هو الواحد بكفيه همومه ناقصني ازعل عمزرعة النكرة زياد شلباية
عنجد مسيو زياد ما بده؟؟؟؟ ليكون النادي مزرعة اللي خلفه ولا ورثة ال شلباية ؟؟؟؟؟!!!! مو الحق علينا كجمهور بس ولكن الحق ع 10 الباقية اللي ع اساس انهم زلم .حسبي الله فيهم
أنا ما همني اسم المدرب ببقدر ما اساءني انه نادي كبير زي الوحدات يحكم بتوجه الفرد الواحد .. والأهم هو ماذا يمتلك زياد شلباية من أسباب تجعل له كل هذا التأثير في النادي ؟؟ .. سؤال ، جوابه سيغير الكثير
بروح على الاعراس كثير وبنقط ....
وفش مناسبه بتفوته ....
انا اللي قاهرني بسام شلبايه ما بروح كثير على اعراس كيف صار عضو مجلس ادارة ههههههههههههههههههه
و الله احمد عبد القادر يا شباب بكون ابن خالتي ....مع الاحترام لشخصه و قدراته التدريبيه بس و الله الوحدات بده مدرب اقدر و اجدر و اكرم سلمان قدها ....بس لما يحن علينا زياد شلبايه.....يعني لازم دايما المدرب يكون خيخه علشان يرضى عليه زياد شلبايه و يلعب ابنه ....اه يا وحدات بس
شو موقعه من الاعراب زياد شلبايه
اصلا انا بخجل اسأل زياد رأيه باكرم سلمان والله هزلت
لان اكرم مدرب قدير ولديه فكر عالي بعالم التدريب
ومن المعيب ان يقيم شخص مثل زياد اكرم سلمان
وهل زياد اصبح رئيس الطراطير في النادي
للأسف ، الفريق لن يتجمّـع كاملًا لتدريبات الاستحقاق الوحيد المتبقي ( بطولة الدوري ) إلا قبل ثلاثة أيام من إعادة انطلاقة هذه البطولة ..
يا كتلة البطولات في نادينا الغالي إذا بدكم تجيبوا مدرب :
- بدنا مدرب انتحاري حارق خارق متسلّح بكل المقومات الفنية التي تؤهّله لتتويجنا بكأس هذه البطولة الوحيدة المتبقية في استحقاقات هذا الموسم ويكون مستعدًّا لحمل المسؤولية ويدق على صدره بإحراز هذا البطولة في ظل ضيق الوقت لاستلامه المهمة ، إضافة للمشاكل الكبيرة التي يعاني منها الفريق .
- بدنا يعيّـن معاه مساعد عنده إلمام بكرة القدم ، لكن تخصصه الرئيسي هو في إحدى ألعاب البناء الجسماني والرياضات القتالية .. ملاكمة ، بناء أجسام ، تايكواندو ، كونج فو ، مصارعة ، كاراتيه .
- ممنوع واحد منكم يقرّب من ملعب التدريب ، ولا يطلع على فضائيات ، ولا يحكي مع اللعّيبِه ، ولا بدنا مدير نشــاط - الصلاة على النبي - كلكم مدراء نشاط للفريق الأول ، وبدل ما تكون لجنة نشاط لتسيير أمور الفريق .. لأ ، الـ 11 كاملين بتجتمعوا وبتقرروا وبتجهزوا للفريق اللي بدّو اياه وبتمررولو اللي بدّو اياه الفريق من بعيد لبعيد ، من خلال مدير الفريق أو مسؤول اللوازم أو الجهاز الطبي ، ويا ريت كمان تحضروا المباريات على التلفزيون ، أريح .
وأقسم بالله ما بمزح ، ولا إنُّـو هذا اللي بحكيه من أثر الخسارة ، لا والله بحكي جـدّ ..