بس انت يا صديقي لو تكون موظف بشركة صرلك فيها 10 سنين وراتبك مثلا 400 دينار وصحلك وظيفة جديدة براتب 800 دينار ودوام افضل وتامين صحي اكيد بتقدم استقالتك من شغلك القديم وبتروح للشغل الجديد
ليش احنا بنستكثر على اللعيبة انهم يحسنو وضعهم هي رأفت علي لعب بالوحدات سنوات طويلة دخلك شو عمل من كرة القدم
متاكد انه ما اشترى شقة ولا سيارة جيب كروزر
يا ابن الحلال خلي الناس تعيش وتستفيد .. بلا ولاء بلا شعارات
اخي الكريم انا لست ضد اي يقوم اللاعب بتحسين وضعه ولكن ما يؤلمني انهم
اولا يفشلون بعد عامهم الاول
ثانيا يلعبون في اندية خليجية واقعة
ثالثا يظهرون عالساحة ليقولوا نحن هنا ولكن بشرط اذا لم نحصل على عقد خارجي واذا تم خلال نصف الموسم لهم الحق بالمغادرة .
بالنسبة لرأفت ما حصل عليه في مباراة اعتزاله يفوق ال ١٠٠ الف دينار وها هو يعود لبيته من خلال التدريب
يا اخوان هذا عرض وطلب صدقني الاعبين ما برضوا يوقعوا زي مقلتوا 3سنوات و5 سنوات لانو اللاعب يبحث عن الاحتراف دائما لتحسين مستواه المادي بس اللاعب عبدالله ذيب يبدو انه طماع كثير ولا قرش استفاد النادي من وراه وشايف محمد الدميري يسير على نفس الطريقة
اخي الكريم نحن نقول سنتان واذا جاء عقد فليستفد النادي قليلا ..
اخي تشبيه الموضوع بالشركات بالاساس مو منطقي ... و اذا بدي افترض نظرتك انو شركه بالعالم بترعاك و عمرك 10 سنين و ما تستنى مردودك الا بعد 13 سنه !! و افضل من استفاد ماديا بالاردن من الاحتراف هو حسن ... و كانت كل تعاقداته عن طريق الوحدات ... و بصراحه موضوع رافت مو مزبوط لانه اللاعب الوحيد اللي استفاد ماديا من الاحتراف الداخلي .. و حتى لما احترف في الكويت طلع بعقد بخزي مقارنة مع غيره و ضحى بالوحدات و البطوله الاسويه و هي اقرب ما يكون ...
اقتباس:
المشاركة الأصلية كتبت بواسطة waseemjeehad
بس انت يا صديقي لو تكون موظف بشركة صرلك فيها 10 سنين وراتبك مثلا 400 دينار وصحلك وظيفة جديدة براتب 800 دينار ودوام افضل وتامين صحي اكيد بتقدم استقالتك من شغلك القديم وبتروح للشغل الجديد
ليش احنا بنستكثر على اللعيبة انهم يحسنو وضعهم هي رأفت علي لعب بالوحدات سنوات طويلة دخلك شو عمل من كرة القدم
متاكد انه ما اشترى شقة ولا سيارة جيب كروزر
يا ابن الحلال خلي الناس تعيش وتستفيد .. بلا ولاء بلا شعارات
ياعمي احنا بزمن الاحتراف
لا في ابن نادي ولا انتماء كله هاذ حكي فاظي
اعطيني لاعب اجاه عرض ومارضي ووقع للوحدات
رافت علي ترك النادي وهو بامس الحاجه اله وكنا على بعد مبارتبن من لقب اسيوي وحلقلنا مشان يامن مستقبله وهاذ حقه طبعا ولا انكر عليه
محمود شلبايه الموسم الماضي ذل الاداره وكل مره بده يوقع ييجيه عرض يترك النادي ومايزبط معاه يرد يرجع للنادي
عبدالله ذيب شرد بليله مافيها ضو قمر
يارجل عامر ذيب احترف باليرموك الواقع مشان 5 الالف زياده
الدميري وخطاب وغيره
عمي احنا بزمن الاحتراف وزي ما الاعب من حقه يأمن مستقبله ..... من حق النادي يشوف الانسب اله وحسب احتياجاته
بيرلو طول عمره بلعب بميلان والموسم الجاي راح يعتزل بيوفنتوس
بيرلو واكسافي طلعو من برشلونه بعد سنين وسنين من البطولات
والمشكله بيجو روسهم كبيره ومش مسدقين حالهم مع انه لو مستواهم منيح ما رجعو
لو مكان الاداره بعمل مهله اسبوعين
الي بده يوقع اهلا وسهلا .... والي مابده الله معو
بدكم تظلو تحكو انتماء ولازم يوقع ولازم ولازم وانتو ناسين انه الحال تغير وهسا الي بحكم العقد والاحتراف وشوفو الاندية كل سنة فريق شكل وانا براهنكم انه اللعيبة الشباب هسا تنتهي عقودهم راح يحكولكم نفس الاشي ويتعاملوه بنفس الطريقة وهي نتيجة الانحراف
