الكل على يقين ولا يختلف اثنان على ان الوحدات تعرض لظلم كبير بمباراة اليوم من حكم المباراة
والجميع يطالب ان ننسحب من البطولة لحفظ كرامتنا وان الادارة اخطأت بقرار العودة وكان من الاسلم حفظ ماء الوجه..
فلو انسحبنا..ما الذي سيتغير؟؟
هل هكذا سنرجع كرامتنا؟؟
بالاصل مين الي شايفنا سواء بقينا او انسحبنا
ولو انسحبنا فهل بهذه الطريقة سنحل الموضوع
سنعود بالعام التالي والي بعده وسنظلم مرة اخرى
معناه عند كل ظلم سننسحب وبالاخر تسكير النادي سيكون الحل الاسلم مافي بطولات ومافي لاعبين لان العقود لها مدة زمنية معينة وستنتهي..
لنكن منطقيين قليلا
بكل دول العالم يوجد ظلم بكرة القدم
ومنتخبات كبرى خرجت من كاس العالم بأخطاء تحكيمية واندية كبرى خرجت من بطولات رسمية بسبب الظلم التحكيمي
قبل بضعة اعوام تعرضنا لظلم بمباراة امام الفيصلي بدوري الاربعة بكاس الاردن وكان الحكم اسماعيل الحافي وبعد المباراة تم حرمانه من عدة مباريات وشطب حكم الراية حينها على ما اذكر..
ما قصدته الظلم لن ينتهي فهذه سياسة كرة القدم
كان الاولى رفع شكوى للاتحاد بدلا من التصرف العصبي من لاعبينا الدوليين "شفيع وباسم فتحي"..
هل بضرب الحكم او التعدي على لاعب هكذا سنحل الاشكال ام سنوقع النادي بمشكلة اكبر
نحن على اعتاب تحقيق رباعية ثانية يعني انجاز تاريخي مضاعف والطريق ممهدة امامنا بعون الله
الانسحاب هو ما يريده الاخرين
وهو ليس وسيلة لرد كرامتنا ..فكم ستذرف الدموع من الاجساد الحاقدة ولاعبينا يرفعون الكأس تلو الاخر ويحققون الرباعية التي لم يستطع احد مجاراتنا بها حتى بالاحلام فهكذا سنرد كرامتنا وسنكيد الجميع
فرفع الكؤوس بنظري هو خير رد على تلك النفوس
يا عمي هي الكلام الصح ,,, لازم انجيب الدوري خاووووه ولكم مشان الله عنجد بدي ارجع ع الاردن عشان احضر كل المباريات ولكم بدنا الرباعيه عشان نجلطهم
صدقني اخي مالك عندما فتحت التلفاز على 10+ الجزيرة وقبل ان تبدأ المباراة ولاحظت ان هنالك جمهور لنا في نفس المكان الذي سالت فيه دمائنا قبل اقل من شهرين أغلقت التلفاز ولم اشاهد المباراة ...بكل صراحة ادارة نادينا فشلت فشل ذريع بأدارة الأزمة السابقة وانسحبت ثم عادت فكان من الطبيعي ان يتصرف معنا الاتحاد وحكامه بهذه الطريقه ...للأسف خسرنا الكثير
صديقي مروان كل هذه الافعال سواء من الدرك او من الحكام لكسر شوكة الوحدات ورده مفلس من البطولات وانت لما بتوخد البطولة هيك بتخرب مخططاتهم وبترجعهم خايبين لكن لما تنسحب هيك انت وصلتهم للي بدهم اياه
رد الظلم عبر الادارة باعتراض للاتحاد وليس بالانسحاب صدقني
نرفع كاس ثمنه 10 دنانير ولقب يسجل في دفاتر الاتحاد ام نحافظ ونسترجع كرامتنا اخي مالك ...حتى صدقني لو احرزنا بطولة الدوري والله يا مالك ما اله طعمه
قيمة الكأس ليست بسعره
قيمة الكأس انك اخذته بتعبك رغم الظلم
القيمة المعنوية ليست بالمادية معناته الافرقة الغنية تشتري كؤوس وتنسحب من البطولات
الكرامة بترجعها لما بتكيد غيرك
انت ان انسحبت هيك خليتهم يوصلو للي بدهم اياه
بدي اسالك سؤال وتجاوبني صراحة بدون عاطفية
شو حيكون شعورك لما تنسحب وباخر الموسم تشوف الغريم رافع الكأس وانت كنت الاولى فيه؟؟
اي بطولات ؟!!!!!!!!!!!! عشم ابليس بالجنه
قول الله يارجل مع هيك دفاع واقع وهيك تحكيم وهيك اداره وهيك استهتار وهيك تخاذل قاعد بتحلم بالبطولات ؟
اخي نادر بالنسبة للاعبين انت شفت الجو والارضية
وما تنسى انه هاي أول مباراة من شهرين
وانت عارف كيف كانت نفسية اللاعبين
انا لا ادافع عنهم لانه لازم نلوم انفسنا قبل الحكم والاتحاد
لانه احنا ضيعنا المباراة بغلط دفاعي
كل شئ ممكن يتصلح وتعادل او خسارة بمباراة بدوري انت متصدره بفرق كبير ليست خروج من البطولات
انت خسرت 3 نقاط غيرك رح يلعب ومُعرض للخسارة ايضا
طبعا ... هاي مش أول مرة ولا آخر مرة بنظلم الوحدات ... و أنا أتفق معك تماما يا مالك .... الرد في الملعب و في حصولنا على الكؤوس جميعها فقط
و إذا ما أخذنا الكؤوس و فشلنا ... عندها سأعتزل كرة القدم و مشاهدة كرة القدم و سأترك كرة القدم الوحداتية و أنتقل لكرة تنس الطاولة
صدقني لو انسحب الوحدات من البطولات كل الي بيدعوا للانسحاب رح يتحسروا وهم بشوفوا غيرهم رافع كاسهم
هذا غير المضار الي رح توقع على النادي الي هو واقع فيها اصلا سشواء المادية او بالنسبة للاتحاد والنزول للدرجة الثانية
شو بتفيدنا النتائج بهيك اوقات ؟؟ شو بدنا نعمل ببطولة الاتحاد الاسيوي يا رجل اغلب مبارياتنا فزنا بدعااااااااء الوالدين وباخر 3 دقايق
احكيلك بدناش دوري ولا بدنا شي بدنا ننسحب كرمااااااااااااال كرامتنا بس
اذا انسحبت هيك بترجع كرامتك؟؟
هيك بتشفي غليلك؟؟
هيك بتحل المشكلة برأيك؟؟
معناته جهز حالك كل موسم للانسحاب
جهز حالك لتشوف بطولات كانت بجيبتك غيرك رافعها
صدقني الغصة بالقلب حينها رح تكون اكبر
كرامتك بترجعها لما ترد الصاع صاعين وانت بتحقق بطولة هم بالاصل بيعملو هيك ليبعدوك عنها
كرامتك بتحققها انه ادارتك تدافع عن حقوقك بشكل رسمي مع الاتحاد ولجنة التحكيم بقوة وحزم
الانسحاب صدقني رح يرجعك كثييييير لورا
انا مع انه كرامتنا انهانت لكن لما تكيد عدوك هيك برتاح بالك وهو رح يضرب راسه بالف حيط لانك خيبته
حبيبي يا ابو عمار وانا كلي فخر بمعرفتك
صدقني وانت ممكن عاصرت النادي من قبلنا
وشفت بعينك كم مرة تعرض لظلم بوضع اسوء من هيك واقصد خروجه من بطولات بخطا تحكيمي بمباريات مصيرية
انا متاكد رح تعمل مجلدات لو احصيت هذا كله
نحن لسنا مع الخنوع لكن مع استرداد الكرامة
بطرق افضل من هيك عبر الادارة وليس عبر الانسحاب
لانه ما رح يحل المشكلة بالعكس رح يوقعنا بمشاكل اكبر سواء بمزانية النادي الواقعة اصلا
او بالنسبة لعقود اللاعبين
الكرامة بنرجعها لما نكيد غيرنا ونخزق عينه الي رح تبكي دم وهو شايفنا وهو بتفرج من التلفزيون واحنا رافعين الكاس على المدرجات داخل الملعب