متى رح تتعلم انت وتحل عن رافت إلي هو افضل لاعب في الوحدات وهو بلعب من قلبه
لما تكون بداله وجمهور الفيصلي نازل فيه مسبات من بداية المباراة وقبلها لنهايتها ...بتعرف سبب عصبيته
بس هو الحق على ادارة المنتدى إلي بتنزل مثل هيك مواضيع للتقليل من البيكاسو بإسم الديمقراطية إلي ما بنشوفها إلا على رأفت !!!!
سامحونا على هالاسلوب بس جد موضوع مستفز ...!! والمسبات إلي سمعها رأفت لو عمل شو ما عمل ما بلومه ... ونجي نحن نكملها عليه بدل ما نوقف معه !!
بتعرف .... لو أنا مكان أبو زمع لقمت بتبديل رافت من أول عواء الجماهير القذرة وهذا بحد ذاته ضربة معلم .... واذا ما افترضنا أن ابو زمع أصر على بقاءه ممكن تحكيلي ما هو الحل .. هل يقوم رأفت بالتعدي على اللاعبين والجمهور والحكام حتى ترضى أنت أخي أم تسعفه خبرته بقلب الطاولة عليهم بالتركيز بالمباراة ....
مع احترامي الشديد الجميع صحيح ان عصبية رافت زائدة ولكن هذا ليس بالجديد عليه ولا علينا دائما ويفعل ما لم يفعله اي لاعب في تاريخ الوحدات من انجازات والذي شاهد المباراة جيدا يعرف بان رجائي كان فاقد للسيطرة على الكرة وتائه بالملعب ... وابو زمع لم يستطيع قرأت المباراة جيدا
اسمحولي أحكيلكم يا اخوان .. في اصعب اللحظات لازم نتمالك اعصابنا و نعرف ايش بنحكي .. شايف بكلامكم اختلاف كبييييييير ..
رأيي في نقاط :
1 - رأفت علي البيكاسو دائما بزودها و باخد أحمر .. يفترض يتمالك اعصابه اكتر من هيك ..
2 - البيكاسو بالنسبة الي فعلا خط احمر .. و بناء على ذلك احنا بنعتبه على الكرت الاحمر .. بس ما بصير نصير نحكيله اعتزل و انت كبرت و ختيرت .. و الدليل في كلامي انه لما يسجل هدف اللي ما بده اياه يلعب بصير يمدح فيه و اول كلمه بحكيها عنه كل ما تكبر تحلى ..
3 - ما بين الرأيين الاول و التاني لازم نكون وسطيين و ما نشد على افضل لاعب مر على الوحدات في تاريخه .. و بنفس الوقت بنطلب من رأفت انه تمالك اعصابك لاننا بنحتاجك بالمباريات القادمة ..
قسم بالله العظيم انني اشفقت على رافت بالامس من كثر ما ركض لدرجة انه في لحظة من اللحظات خلص وقف من التعب وفي النهاية للعمر احكام
مع تحفظي على عصبيته الا انني اجد له العذر بما يفعل
فلا مدير فني بدء بتشكيل صحيح ولا توظيف سليم ولا قرائة صحيحة للمباراة ولا حتى توقيت التبديلات صحيح ولاعبين نزلوا الى ارض الملعب وكان المباراة بالجيبة كنت متوقع الخسارة ولكن عندما شاهدت اللاعبين في عملية الاحماء بالملعب تاكدت تماما اننا خاسرين لامحال كانوا قمة في النرجسية
الفيصلي لعب حسب امكانياته وحصل على هدف مباغت زاد من ايمانه بامكانية الفوز علينا
ان تكون مدير فني وتجامل ثلاث اربع لاعبين وانت تعلم ان من هو اجدر منهم على الدكة فان اي فريق كان سيواجهنا بالامس كان سيفوز علينا وليس الفيصلي فقط
ان تغامر الادارة بافضل هداف في تاريخ الاردن من اجل ان لا تدفع له ما يعوضه عن الاحتراف وتاتي باثنين ما بيجو مجتمعين بنصف مستواه من الطبيعي ان تخسر ومن اي فريق من الان فصاعدا
ان تلعب بفريق خط وسطه 3 منهم اعمارهم 105 سنين مقابل خط وسط شاب من الطبيعي ان تخسر
عذرا عزيزي خرجت عن صلب الموضوع ولكن لو كنت انت اوانا او اي شخص مكان رافت بالملعب ربما فعلا اكثر من ذالك
اعتقد أن طرد رأفت بسبب الشتائم التي حدثت من جمهور الزرق والحكم لم يقم بأي تصرف لاهو ولا غيره من الحكام ولو قام لاعبي الوحدات بالتعلق على الشبك كما فعلوا لاعبي الفيشلي لجائهم من العقاب نصيب ولكن للأسف لا حياة لمن تنادي اتحاد ازرق وحكام زرق وادارة حانية ظهرها؟
ومن يتحدث عن رأفت فقبل ذلك يضع يده على رأسه
قمة المسخرة تحدث في نادينا قال لاعب بصيح على لاعب ثاني وبروح هالمدرب السابق اوانو بطلعو خوفا منو فعلا مسخرة .. بس انا خايف بكرا لما يعتزل رافت يصير مدرب يعني مش رح نخلص من العصبية ابدا
مش عارف شو دخل طارق خوري في الموضوع بعدين عصبية رافت الحكم لوحط حدلمهازل شريف عدنان كان ما شفت رافت هيك ... لو ابوزمع من بعد الجول ما ضل يلعب بلاعبين ارتكاز كان ما شفت رافت هيك ... لو فراس شلباية مش بالملعب كان ماشفت رافت هيك لو عامر ذيب ركض مبارح بحق الله كان ماشفت رافت هيك لو بتفهم بالفطبل وبالانتماء للوحدات كان حكيت ما جابت ولاده واحد زي المعلم يا ابوالوليد .
همسه على قولت صاحبنا مش عارف ليش ما بتحب الريس !!!؟؟؟؟
بس لو انه صرخ وطالب باشاراك مراد اسماعيل كان افضل للفريق وحسبت له مش عليه
المهم في اللقاء القادم ريحنا ابو علي ومش جاي والله يستر ما يكون رمى كلام الى سالم محمود وهو خارج بعد الطرد
يا اخوان الكل عارف مكانة رأفت في قلوب الوحداتية ولكن العصبيه الزائدة كانت فوق العادة وعكس ذلك على كل الفريق وكان الاجدر في رأفت ان يحاول لملمة اوراق الفريق لا ان يعمل على الصراخ على اللاعبين او على المدرب هذا مرفوض من اي لاعب كانت مكانته بالفريق وانا من محبي رأفت دائماً وابداً ولكن لا اقبل ان يقع رأفت في شرك اي انسان كان والله ولي التوفيق
اشي بسم البدن اي بدون حلفان من زمان وانا بدخل على هالمنتدى دائما
بعد اي خسارة لا بترحموا لا مدرب ولا لاعب ..... مع انه هو المدرب نفسه اللي فوزنا على الفيصلي 3 و 4
واللعيبه نفسهم نفسهم يا جماعة الخير والله انتو اللي رح تخربوا النادي مع احترامي للجميع اي كان نقسي ولو لمره بالعمر الجماهير
بعد انتهاء المباراه تقوم بتحية الفريق وخصوصا وهو خسران اي اجبروا بخاطر هالحريثة اللي حرثوا الملعب حرث ..... اي متى بدنا تكون عنا ثقافة الفوز والخساره اي مشان الله لمتى
مباراة وراحت بحال سبيلها وقدر الله ما شاء فعل
ليش انه فريق مثل الفيصلي طول المباراة وهو دفاع 9 لاعبين داخل منطقة الجزاء