آه بس هيك يا أخ محمد ظلّت وحده " لسنا بحاجه للجماهير " وبعديها لسنا بحاجه للوحدات !..
يعني إذا الكابتين هيثم قال بضرورة البتر وعدم الترقيع نقوم نبتر الجهاز الإداري والجهاز الفني ونبتر اللاعبين والمدير الفني !..
أنت لست بحاجة إلى إجراء مناظرات مع هيئات الدفاع عن من ذكروا .. لك ذلك ، بس يعني هناك من الذين ذكروا اشتغل على بتر بعض الذين ذكروا وما رقّعش وراهم ..
يعني وجهة نظرك فيها قسوة على بعض الذين ذكروا ..
له يا أخ جمال ..
وهاي الجملة شو بتعمل "لســنا بحــاجة لأي لاعب لايملك الحرقة على مشاعر الجماهير التي ترحل خلف الفريق في شتى الاماكن ومختلف الاوقات والاجواء ..."
سدقني مش قسوة .. بس احنا عنا مرض واخر العلاج الكــي .. واحنا لازمنا كوي ...
موضوعك غير منطقي في الكثير من جوانبه و ما هو الا ردة فعل غير مدروسه جراء الحرقه الناتجه عن ضياع لقب الدوري و بسيناريو مؤلم نحن نشاطرك هذه الحرقه و هذا الالم و الحزن لكن لسنا بحاجه لهذه المواضيع الارتجاليه نحن بحاجه الى كلام مدروس و موزون يقيم واقعنا الوحداتي بكل جوانبه بمنطقيه و عقلانيه و بعيدا عن الانفعال و العاطفه
الف شكر لمشاركتك معنا ...
من ناحية الانفعال اكيد كل واحد بغار على الوحدات منفعل ..بس ياريت توضحلنا الجوانب الغير منطقية واللا عقلانية ...
معك بأننا لسنا بحاجة الى اعضاء الادارة الحالية جميعهم
ولكن انا مع البقاء معا بو زمع
بخصوص اللاعبين .. فيجب ان يكون هناك ثورة كبيرة
ارى اعتزال رافت والمحافظة على شلباية كبديل والاستغناء عن البرغوثي و ابوطعيمة و ابو حويطي و السباح واحمد ذيب و بلال عبدالدايم وابو حلاوة .. ترفيع لاعبين شباب مميزين وجلب لاعب او إثنين محترف كحد أقصى
اهلا وسهلا بالكبير عبدالله ...
بس يا عبدالله ابو زمع ما رح يفيد الفريق ولو بشعره واحدة ..
ابو زمع مش قادر يمون على تشكيلة الفريق هذا اولا .. ثانيا تكتيكة وخبراته الفنية تكاد تكون معدومة ...
و ما بيصير تكتب بآخر موضوعك
الكلام وجهة نظر شخصية ... لســت بحــاجة لاجراء مناظرات مع هيئات الدفاع عن من تم ذكرهم بالموضوع ...
يبقى من الاساس ما بدك اي انتقاد و ان الكل يكون معك في كل كلامك
طول بالك يا معتصم .. مش هذا اللي انا قصدته ...
اللي قصدته هو بروز شخص وا اثنين معينين سوف يقومان كالعادة للدفاع عن شخصية معينة ... الفكرة وصلت يا كبير صح ؟؟؟
فأنا قصدت ان اقول لاخوننا هؤلاء انه ما يتعبوا حالهم بالدفاع عن الباطل .. لأنه الامور واضحة
محمد الله يرضى عنك
ابو زمع اذا لم يحارب من الإداره أو اللاعبين الكبار ثق تماماً ليكون افضل مدير فني بالبلد
على فكره شو أخبار كومار
الله يبارك فيك احلى ابو عمــَّار ...
انا مش ضد المدرب المحلي .. بس ابو زمع بده كثييييييييييييير ..
اهم شي انه ما يكون قلم لكتابة حروف الاخرين ... و اغفاله لعدة نجوم من الفريق بجلوسهم على مقاعد البدلاء بلا امل في اقحامهم عليه الف علامة استفهام ...
ضعف قدراته التكتيكية والنفسية يحسب عليه ... لا اريد ان اذكر اسم مدرب اخر كان يستحق المكان هذا افضل من ابو زمع خوفا من ان يحسب موضوعي بأنه حملة لهذا المدرب ..
الف شكر للحيتك الغانمة يا ابو عمار .. وكومار ببوس على ايدك