يا جماعة الخير .. أنا لسة الشغله عندي حاميه وإذا بدي أتدخل فما بتدخل إلا بالخير !!.. الناس اللي قدرتني لما وصلتها وفتحولي صدر البيت ووسعولي حجرهم ما بقدر إلا إني أجازيهم بكرمهم كرم وبطِيبهم طِيب .. وأنا معهم بالحق ، أنا بستنى أخوي أبو عدي أسمع شو عنده وبعديها أحكي اللي عندي .. ما في داعي للحلبات ولا التهديدات يا أهل الزرقا !! الرجل انتخى فيكم بالأول وكنتو كلكم معه عليّ ولا تنسوا إنه هوه من أهل الزرقا لما كانت براكيات زينكو وطين ، يعني الرجل أصيل ومتأصل منكو وفيكو .. لا تغلطوا وتتورطوا !!
الحق الثالث والمثلث بوصلك يا ابو العبد .. أنا بحكيها عن أبو عدي .. بنجيكم جاهة أولها شيخ في مادبا وآخرها شيخ المشايخ على عتبات بيوتكو في الزرقا واللي بينهم كلهم شيوخ ، بس تكونوا راظيين .. أما يا أبو وسام وانت من أهل الزرقا بترد على ابو العبد وبتقلب صيوان الجاهة الملوكي حلبة مصارعة ، فهاظ الشي منك وورا !!! وإذا جرى إشي على أبو عدي ترى الجاهة اللي حكيتلكو عنها بتقلب رجال ما بتعرف إلا الدمار اللي حكى عنه أخوي أبو عمرو ، وأول هاي الرجال في المحافظات الجنوبية وآخرها عند حدود الرمثا !!..