ابو شهاب صراحه بعد هدف الرمثا ما بعرف شعرت بضغط و غضب رهيب وقهر يعني بركان مخنوق مخنوق ،،،،، وبعدها اجا البهداري واطلق العنان لصوتي ليصدح باجواء الحاره .. ونط مش طبيعي لانه زي ما بتعرف ما بنط الا الوحداتيه ...فرحه هستيريه جنونيه ...ابييييييييه
انا حضرت المباراة على التلفون من موقع الاحمد
طبعا تمققت عيني وانا مركز في الصورة اجا الجول
نطيت وصوتي انهرى من الصراخ وجنبي كانت الطبلة
وبلشت اطبل واغني. ...
أنا نزلت باتجاه سيارات الدفاع المدني اللي كانت واقفه على مضمار الستاد عشان أجيب كل النقّالات اللي معهم ،
أبو العبد بدير غِمِي وداخ وساف ، وما حدّش عارف شو يسوّي وولا واحد قادر يحملو الحافظ الله ، فقلت بجيب معي ثلاث نقّالات وبنقطّعو ثلاث أجزاء ،
الجزء اللي غِمي على نقّاله واللي داخ ع الثانيه واللي ساف ع الثالثه ، أسهل ..
أبو أحمد شو يعني ساف ؟؟؟
والله انتو يا الختيارية بطلع معاكو شغلات و بتسووا حركات غير شكل
بعد الجول.... آآآآخ.. ربنا كبيييييييير
درس للفريق الوضيع اللي كنا نلعب معه.. تضييع وقت بصور مقززة، جماهير حثالة تشتم مثل اصحاب المركز السابع، تحكيم متآمر و إتحاد حاقد!!!
و بآخر ثواني جوووووووول مزععععععع.. و من مين كمان؟؟!!! يا رجل حسيت أبو عبيدة حط الجول.. ليرد على الظلم..
بعد الجول... ما كان صراخ... كان "جعار" بينت آثاره بعد ساعة.. بس مش عارف ليش وقت الجول كان نفسي انزل في الشباب بكسات لأنه حسيت الجعار و النط ما كان كافي ...
صرت اصرخ واغني صدارة وحداتية
اهلي كانوا بدهم يغيروا عن المباراة وحكولي روحت ولما اجا الجووووول كل الدار صارت تصرخ وتغني خاوى خاوى خاوى وصدارة وحداتية عنجد من اجمل الاهداف واغلاها الله يديم الفرحة
زوجتي كانت جايبه صينية الشاي والمكسرات عليها ولما دخل البهداري الجووول سمعت زوجتي صرختي خافت مسكينة وانكب كل شيء عالارض وقالتلي بشرررررر ان شاء الله تحررت فلسطين!!! قلتها لاااا الوحدات اتعادل في الرمق الاخير فحكتللي الله يشفيك ويشفي كل مبتلى انا فكرت ثوار سوريا دخلواا دمشق!!