زمان واحنى صغار كان الواحد يشوف نشرة الأخبار اجباري مافي اشي غيرها ولا في فضائيات ولا افلام ولا اشي.طبعا بداية النشره بكل الدول العربيه واحد قام الوزير او النائب واو الرئيس بزيارة للدوله الشقيقه او الصديقه الفلانيه.
اخر الخبر بكون مجموعة جمل نفسها بكل الوطن العربي
وقد ناقش الطرفين السبل المتاحه لحل القضية الفلسطينية واتفق الطرفان على تعزيز العلاقات بين البلدين في جميع المجالات واكد الطرفين على عمق العلاقات بين البلدين.الشقيقين
طبعا احنى زي البهايم قاعدين ولا فاهين اشي من الكلام وبندوخ وبنتخدر وبنطلع كش فاهمين اشي لانه كلام زي السحر
بالزبط هي الي صار بين الوحدات والاتحاد والعقوبات.الحفاظ على مسيرة كرة القدم الاردنيه .والتعاون بين الانديه .وحل الامور العالقة .ونظره مستقبليه للاتحاد لتطوير منظومة الاتحاد .والتاكيد على دور الوحدات المهم لانجاح المسيرة
ونثمن ونقدر ونشكر
وبالاخير لا الجماهير ولا حد فاهم شو الي صار وكلام انشائي زي كل مره قبله خطب رنانه متفق عليها فيها دعايه انتخابيه
وحتى انا طلعت مش فاهم شو بكتب والي فاهم يفهمني
ههههههههههه
هو فعلا بطل الواحد فاهم اشي ...
بصراحة أنا كنت ضد هاي الإدارة تحديدا و ذلك لضعفها و سلبيتها .و بعد قرار التجميد قلت عن حالي غلطان و انه الإدارة بطلع منها ما شاء الله عنها...
و لكن....
لكن بعد قرار التجميد ما فهمت اشي نهائي .. يعني الي فهمته انه الإدارة هي الي تجمدت ... لا تصريح و لا تعليق ... و ين الرئيس .. وين شلباية .. وين عوض ... لا حول ولا قوة الا بالله..
فعلا أضعف إدارة مرت بتاريخ النادي...