الف الف مبروك اخي ابو عدي
بس شفت موضوع "للمتزوجين فقط" جيت ركاظ حكيت ابصر شو ابو عدي محظرلنا او بده ينصحنا
بالنسبة لزواج الابناء اكيد خروج البنت من بيتها زي طلوع الروع بالنسبة للاهل كون البنت بتضل ضلع لين وابصر كيف نصيبها يطلع مش مثل الشب الي بكون هو السيد بحياته مهما طلع نصيبه من البنت الي اختارها فهو الي بيقدر يغيرها ويغير طبيعتها مثل ما بده وان ما عجبها فراس مالها تكسي وابعث وراها الشنطة تاعتها مع ولاد الحارة عند دار ابوها
لكن بالنسبة للبنت الامر مختلف لازم تتحمل شو ما طلع زوجها منيح او عاطل فهي الي لازم تصبر
وكما تفضل الاخوة البنات احن من الشباب لهيك دائما ما بنلاقي الناس بتبكي على بنتها بس تطلع من البيت وبعمري ما شفت حد
حد ببكي على ابنه بس طلع من البيت بالعكس اهلي كسروا 15 جرة وراي وبالصالة كانوا يغنولي "جوزناه وارتحنا منه"
الف الف مبروك اخي ابو عدي لكن الاهم في مناسف على عرس عدي ولا مفش؟؟
بالنسبة شو اكثر بتحب تكون ذريتك ولاد ولا بنات انا عندي ولدين وبنت الله يخليلك الي صدقا مافي فرق بين البنات والاولاد بالتعامل بالعكس بنتي بدللها اكثر لكن لا اخفيك ممكن عند كل شب بحب يكون البكر عنده ولد عأساس يعتمد عليه ويكون عون لامه واخوانه وراه بعد عمر طويل ان شالله والاهم من هيك انه يلاقي حد يبعته يجيب خبز وصحن فول بدل ما يروح هو
بداية المناسف مش بالعرس (ممكن) على السهرة وحسب الجهد المبذول !!!! اللي بيدبك 5 دقايق الو منسف فلافل واللي نص ساعة الو منسف (جاج) واللي زيك جاي يفرح معنا بقلبو الو زي هذاك المنسف اللي اكلت منه بمادبا يا شب؟؟ فاكر يا حسبو؟
انت جد زعلتني منك ليش البنت تتحمل وصدقني لو بنتي ما بدها تكون ست الستات ببيتها انا لروح اجيبها (نتش) من بيتها وبموكب كمان شو تلحقها الشنطة!!!!!؟ انا عارف ان هذا مش رأيك بس للأسف كثير بمجتمعنا هيك بيفكر ، لا وأحلى اشي هذول (مُدعي الرجولة) بيقولك بخليها (معلقة) لا مجوزة ولا مطلقة؟
بالنسبة لالي لما اختي اتزوجت طول اليوم وانا اعيط
وما كان اشي سهل ابدا حتى بساعتين العرس
عكس اخواني بكون مبسوطة لانه(بنرتاح منهم)
مممممممممممممم بنرتاح منهم (أي سي I see ) طيب
امبارح حضرت (خروجية) عروس يا الله شو تعصبت ، مش عارف هو انا تعصبت لاني تخيلت بنتي هي اللي طالعة والا فعلا تعصبت لاني ما حسيت ان خروجيتها مناسبة ، لازم العروس تطلع من بيت ابوها بهيبة وتحس ان اهلها حواليها ، مش لازم تحس بضعف وكمان لازم اهل العريس يحسوا انو البنت مش مقطوعة يعني لازم عزوتها يكونو حواليها بعرفش انا هيك حاسس يمكن انت كصبية يكون رأيك اقرب مني لكن انا هيك بقول.
انت جد زعلتني منك ليش البنت تتحمل وصدقني لو بنتي ما بدها تكون ست الستات ببيتها انا لروح اجيبها (نتش) من بيتها وبموكب كمان شو تلحقها الشنطة!!!!!؟ انا عارف ان هذا مش رأيك بس للأسف كثير بمجتمعنا هيك بيفكر ، لا وأحلى اشي هذول (مُدعي الرجولة) بيقولك بخليها (معلقة) لا مجوزة ولا مطلقة؟
كبير يا عمي ابو عدي هذا الكلام الصح
يعني يلي بهين اختي او بجرحها او بقل ادبه عليها بحرقة و بخليه يندم على اليوم يلي انولد فيه
و الكلام ماشي عليا انا كمان
اكيد بيصير خلافات بس في الها اهل و هما يلي بعرفو يحلو الخلافات
والله يا عمي ابو عدي لما اجوزت اختي
مسك ابوي جوز اختي و قالو اذا في يوم من الايام بعرف انك ضربت بنتي او هنتها او قصرت بحقها لدفعك الثمن غالي
اخي ابو عدي الف مليون مبارك ان شاء الله
واحنا اخوانك وحياك الله مال ورجال عند عينيك يا غالي واتمنى من الله ان اكون بجانبك بهذه الفرحه وهذه الظروف يا غالي
بالنسبه للموضوع اعتقد ان البنت احن سبحان الله وبالتالي خروجها يؤثر بالاب كثيرا ولكن اي واحد بخرج من البيت بيكون اله اثر سلبي على البيت فالان انا افتقد ابني عمار كثيرا وهو بالجامعه بمصر وسوف افتقد الاخر ضرار كثيرا ايضا واحيانا ارى الدمعه بعين ام عمار عندما نكون على السفره وطابخه طبخه بحبها عمار سبحان
قلبي على ولدي وقلب ولدي على الحجر
سنة الحياه يا غالي وبالنهايه
بارك الله بالبيت اللي خرج منه بيت
وهو بيحلى الفرح الا معكم وبكم ، امبارح رحت حضرت فرح فراس اخ الشيخ جهاد نجم وكان الحضور من الموقع (خجول) ممكن الشباب راحو على السهرة انا بالسهرة كنت لسة مسافر وهو انا فعلا بتمنى انو كلنا كوحداتية نشارك بعض افراحنا واتراحنا.
ابو عمار انا كل ما اتخيل ان البيت رح يظل في بنت وحدة عندي بنخنق يعني 50% من الحنية طارت هيك؟ اكيد البنات بيظلوا أحن لكن ليش احنا كمان ما نكون حنونين ، هل الحنية بدها تنقص من قدر رجولتنا مثلاً؟ ليش بنكابر بمشاعرنا ، جد بسأل ربنا اني ما (الخبط) لبنتي فرحها وهي خارجة من بيتي وربنا يكون بعوني على هالحظة.
بداية المناسف مش بالعرس (ممكن) على السهرة وحسب الجهد المبذول !!!! اللي بيدبك 5 دقايق الو منسف فلافل واللي نص ساعة الو منسف (جاج) واللي زيك جاي يفرح معنا بقلبو الو زي هذاك المنسف اللي اكلت منه بمادبا يا شب؟؟ فاكر يا حسبو؟
انت جد زعلتني منك ليش البنت تتحمل وصدقني لو بنتي ما بدها تكون ست الستات ببيتها انا لروح اجيبها (نتش) من بيتها وبموكب كمان شو تلحقها الشنطة!!!!!؟ انا عارف ان هذا مش رأيك بس للأسف كثير بمجتمعنا هيك بيفكر ، لا وأحلى اشي هذول (مُدعي الرجولة) بيقولك بخليها (معلقة) لا مجوزة ولا مطلقة؟
اكيد فاكر وهي دي تتنسي يسلموا ايديك على هذاك المنسف كان بجنن ربنامشكور جدا عليه وربنا يبارك فيك
كلامك صحيح لكن المشكلة بالبنت انها بتتحمل وما بتوصل لاهلها وبتخبي عليهم وهذا كثير بمجتمعنا بتحكيلك بصبر عشان الاولاد
بداية انا (روحت) وما (روحت) يعني نص نص او كده وكده ههههههههههههه لغز صح؟
روحت الاربعاء بالليل لكن نفسي اقعد بالبيت ما بين مناسبة فرح وما بين رتيب بعض الامور الخاصة اجد نفسي برة البيت على طول وحتى (خطيبتي) ام عدي ما تزعل حاطها بجنبي بالسيارة وين ما أروح.
بحاول اناقش حاجتين احنا كرجال مين بنحب اكثر خلفة البنات والا الاولاد؟
ثم مي أكثر بنتأثر لخروجه من بيت العيلة لبيت الزوجية؟
اما عن (البطيخة) ففي اختراع هاليومين بيسموه (ع السكين يا بطيخ) اذا مش حمرة ارميها بزقم صاحبها هههههههههه
انا بحكي انه الواحد لا يزعل ولا بطيخ على السكين
ان شاء الله بجوزوا كلهم خلي الواحد يكعد مع مرته زي
الخلق وهذا مختصر مفيد للموضوع
شفت الموضوع امبارح بالصدفه .. بتعرف يا أبو عدي ؟ أنا أغبطك جدًا على فكرتك وروحك وحنيتك وميولك تجاه البنت عن الولد وبعرف إنه بالنسبه إلك :
" الاتنين فيهم خير وإلهم كل الحنيه " .. بس أنا فهمت إنك ميال للبنت أكثر من الولد !!
يا ريت يا أبو عدي أقدر زيك أحدد مقدار مشاعري تجاه أبنائي " ولد أو بنت " ..
الله العليم رح أعمل كل ما بوسعي ، وأدعو الله إنه يقدرني عشان ما أوصل للحظة اللي الولد من اولادي يطلع عني لما يتجوز .. أما البنت ، من هسة الله يصبرنا !!..
قلبي معك يا أبو عدي بطلعة كريمتكم ، وربنا يسعدها ويهنيها ويوفقها ..
وألف مبروك لابننا عدي .. وربي يفرحك فيهم كلهم وفي ولادهم ..
ابو عدي
امي الله يشفيها كانت كل ما تزوج اخت تقعد اسبوع قبل الحفلة تشغل هذه الاغنية باستمرار وتعيط
للعلم هي دارجة عندنا في اليامون وحتى فلسطين بشكل كبير جداً
شغلها عندك وتوكل على الله
ابو عدي
امي الله يشفيها كانت كل ما تزوج اخت تقعد اسبوع قبل الحفلة تشغل هذه الاغنية باستمرار وتعيط
للعلم هي دارجة عندنا في اليامون وحتى فلسطين بشكل كبير جداً
شغلها عندك وتوكل على الله
أول امبارح كنت بحضر حفلة لأدريس العلاري ولو سمعت هاي المقطوعة قبل هيك خنقتوووووووووووو ........... شو أطلعوني غريبة هاي؟
على فكرة كان المفروض ادريس يكون مطرب سهرة عدي لكن طلع عندوا موعد وناسيه وان شاء الله المطربين البدائل ينالو رضاكم.
شفت الموضوع امبارح بالصدفه .. بتعرف يا أبو عدي ؟ أنا أغبطك جدًا على فكرتك وروحك وحنيتك وميولك تجاه البنت عن الولد وبعرف إنه بالنسبه إلك :
" الاتنين فيهم خير وإلهم كل الحنيه " .. بس أنا فهمت إنك ميال للبنت أكثر من الولد !!
يا ريت يا أبو عدي أقدر زيك أحدد مقدار مشاعري تجاه أبنائي " ولد أو بنت " ..
الله العليم رح أعمل كل ما بوسعي ، وأدعو الله إنه يقدرني عشان ما أوصل للحظة اللي الولد من اولادي يطلع عني لما يتجوز .. أما البنت ، من هسة الله يصبرنا !!..
قلبي معك يا أبو عدي بطلعة كريمتكم ، وربنا يسعدها ويهنيها ويوفقها ..
وألف مبروك لابننا عدي .. وربي يفرحك فيهم كلهم وفي ولادهم ..
بتعرف انا مش بفضل اي من اولادي على بعض لكن فعلاً كنت أتمنى من الله تكون خلفتي كلها تكون بنات ، بعرفش اذا كان لوفاة والدتي وانا بعمر سنة ونصف له دخل بالموضوع لكن هذا شعوري الصادق الحقيقي ، اما وقد وهبني الله الولد والبنت فانا سعيد بكلاهما وبحبهم قد بعض.