لا اله الا الله محمد رسول الله
بعين الله على اخر مباراة بس الاولى انك اتروح اتشجع البقعه بلكي عمل شيء لنا بفوز على الفيصلي
على كل الحالات اذا كان عندنا مدرب مثل الناس يجب عليه الفوز في آخر مباراة ويعمل مصالحه مع المشجعين وحرام عليه يعمل هيك بالوحدات هي ( تياسه ) يعني بابقاء رجائي عايد على الخط لاخر عشرة دقائق على قد ما حكينا في هذا الموضوع لكن المدرب متيس وما بدوا يلاعب رجائي مع صالح راتب
حسبي الله على هيك مدرب فاشل
بسم الله ,,, و الصلاة و السلام على رسول الله ,,, لا إله إلا الله،،،
مهو يعني لو الواحد - لا سمح الله - إلو إبن عاطل و سرسري برميه بالشارع ,,,!؟ ,,, بدك تداريه شوي و تشد عليه شوي ,,, إحنا بمرحلة حساسة ,,, خلونا نداري ع بعض هالأسبوع ,,, و السبت الجاي بعد المباراة بنفرط كل واحد لعب فينا و بدقات قلوبنا ,,,
والله بكتب و أنا مستحي ,,, معنوياتي مش كثير قوية ,,, بس من هون للسبت بترجع نار أنا متأكد ,,, شدو همتكم ,,, كل ما تحس بخنقة قول يا رب ,,, صلي ركعتين و وحد الله ,,,
و إن شالله ربنا ما بضيعلنا تعب ,,,
شوف صلي عالنبي ،،،، كلامك منطقي مية بالمئة بس ممكن تشرحلنا كيف ممكن نشد على هالسرسرية اللي جابولنا الجلطة والضغط والسكري؟ انا بحكي انه الجمهور لم يعد له التأثير للأسف لانه المنظومة كلها متعفنة " إدارة ، جهاز فني ، ولاعبين " يعني الجمهور الرائع اللي حضر بأطفاله للاحتفال وشجع بحرارة طيلة المباراة لم يكن له اي تأثير على المتبلدين. انا اقترح الآتي ان يذهب الجمهور ويشجع عشان شي واحد وهو شعار النادي وإذا ربنا كتبلنا الفوز ان شاء الله علما اني لست متفائل ان يخرج الجمهور جميعه من الملعب دون الاحتفال مع هذه المنظومة المتعفنة....
بارك الله فيك يا طيب , انا مش موجود ولا مقيم في البلد من سنة ال 90 , بس ما بقاطع ولا مباراة الهم , وصدقا انا معي الضغط والسكري و3 كصطره مع شبكية, والله من الزعل اني بخاف انجلط من وراهم بس ما بقدر اني ما اتفرج على مبارياتهم . والله في نهاية السبعينات كنت امشي من الهاشمي ل استاد عمان رايح جاي وغير البهدله والضرب وملحقاتها عشان اتفرج على المباريات .
الله يسامحهم وبس
والله أنا من أيام القويسمة ما رحنا ولكن ان شاء الله يوم الجزيرة بدنا نروح والله يفرجها ان شاء الله
الحمد والشكر لله دائما وابدا
الحمد لله على كل حال ونعوذ بالله من حال أهل النار
بالله العظيم ليش نروح والمدرب ومساعده معتمدين على الفرق الاخرى
يعني هم واللاعبين ما عملوا اي شي خلص معتمدين على نتائج الاخرين
بالله العظيم ما حدا يحكيلي احباط وتشاؤوم ومثل هيك حكي
الشمس ما بتتغطى بغربال
اذا الدوري للوحدات لازم يفوز على الجزيرة والجمهور ما اله خص
لانه دايما الجمهور شماعة الضعفاء