مناسف!!!! يعني مش منسف واحد؟ ما شاء الله هاي واقعةاق خاص.
أتقدم بهذه المناسبة بالتهنئة لجميع الناجحين من ابنائنا وتهنئة خاصة لأخي وحبيبي وصديقي (ابو أحمد) جمال نشوان على نجاح بنيته.
ربنا يفرحك بحبايبك وبكل اولادك يا رب ، وأنا بدوري أبارك لك أيضًا نجاج ابنتكم ، وكما باركنا لعدي بنجاحه في الشهادة الكبيرة يا رب نباركله يوم عرسه ( يوم الفرحة الكبيرة ) .. ونبارك لكل أبنائك بالتخرج والنجاح الباهر والتفوق ومن ثم بالفرحة الكبرى وهمه كلهم عرايس وعرسان وإنت فوق راسهم يا غالي ..
رمزي حبيبي وصديقي ... انا صابتني الغيرة منك !!! اي يا زلمة مفطر زيت وزعتر وبدكش ايانا نحسدك؟ جد نيالك.
الموضوع لازم ننظر الو من زاوية التودد بين الأعضاء اكثر من انو مناكفة او تباهي ، الوحدات نت فيه كل الخير يا صديقي يعني ادخل لموضوع افطار اليتيم وشوف كم صار العدد؟ شفت العمرة للأيتام كم كلفت؟ احنا هون بنتسلى بيننا ومش عاوزين نحمل الموضوع أكبر من حمله.
انا مش بمزح انا فعلا حسدتك على الزيت و (الدقة) اللي افطرت عليهم لاني عارف انك جايبهن من فلسطين بأخر زيارة ، اذن برأيك مين كان فطوره أروع وبينحسد انت والا انا (مثلا) المسخم اللي الاكل عنه منظر ومش محضر؟
والآن شو أفطرت اليوم؟ تقوليش فتة عدس ترى بجيلك قصدرة على البحر
حبيبي رمزي وكبير طول عمرك
انت رجل فاضل وتمتلك عقل يجبرني دائماً على ان احترم كل ما تتفضل فيه وكلامك على راسي عمي ابو عدي
بس انزل على فلسطين المرة المقبلة ان شاء الله بدي اجيبلك
زعتر بلدي وشجيرة بمشيئة الله