الذين يشاهدون محتوى الموضوع الآن : 10 ( الأعضاء 4 والزوار 6)
EYAD_12, green_mahmoud, محمد عبدالفتاح, maneyes
محمد... موش عاجبني أداءك... وينك؟!
يا رجال شي بصطح الواحد
انا قلت لرافت روح احترف .؟
شباب انا بعرف البياري رئيس النادي واللهي ما بحب حد من الاعضاء ولا رئيس النادي .
بس شخصية سياسية ومدير للنادي وذا مكانة اجتماعية واقتصادية . مش رح يكذب عشان رافت .
رافت حلق النا من الاخر . قرر يروح على بلاد المال دول الخليج لعدة اسباب اولا الشهرة . ثانيا المال
وسبب خروجة الاساسي ابو زمع وابو دمع . والموضوع بدا في العقبة بعد رحلة الاستجمام . دراغان ذكي وعندة الغاية تبرر الوسيلة
اولا : الوحدات كان الوسيلة للوصول الى الخليج
ثاينا : رافت كان الوسيلة للوصول الى البطولات .
وراحت عليك يا رافت بعد ذلك .
قصة توقيع رافت مع الكويت تمت خلال 48 ساعة او اقل . وخلال هذه الفترة كان رافت معطي كلمة لفهد البياري . الي هو اصلا طلع على وسائل الاعلام وقال قصة رافت وال50 الف .
كبروا عقولكم شباب وشجعوا اضعف واحد في الفريق احسن ما انظل انشجع لرافت مع الكويت .
ولا تنسوا انتم الذين طالبتم بعتزال رافت قبل 3 مواسم
باسم فتحي - باسم فتحي - باسم فتحي - باسم فتحي - باسم فتحي
كنت اتمني اشوف باسم فتحي يلعب باص صح هاذا لاعب منتخب شكلو جمهورنا العظيم ما كان يحضر المباراة وبس مهتم برأفت وشلباية اي مشان الله في الذهاب باسم سبب الهدف من ركلة جزاء مبتدء بكرة القدم ما بعملها .
بالاياب اتفرجوا كيف جاء الهدف ما في تغطية من الظهير اليسار وهو السيد باسم فتحي لا مهارات ولا باص صح ولا بعرف يرفع شو ضل لهيك لاعب بلعب ظهير شمال .
لو عنا ادارة قوية كان بتعرف تأدب هيك لاعبين هدفهم الشهرة والمال ولا عندهم احساس ولا مسؤولية عشان يعطو الجمهور نص حقو بس شاطرين اللاعبين بدنا الجمهور يدعمنا ويكون ورانا والله جبتوا للجمهور الهم والغم وجميع الامراض اللاعبين اسبوع زمن بنسو وبتروح على هالجمهور الي مش ضايل الا ينزل هو على الملعب اتقوا الله يا لاعبين الوحدات ويا ادارتنا الي دايما جايبينلنا الحكي وكأنكم ادارة لنادي منافس للوحدات .
لا أعرف كيف تستطيعون النوم وأنتم تعرفون بأن ضميركم نائم فقط يصحو عند سماع مصلحة شخصية لكم اتقوا الله فينا .
احنا مو لازم نحاسب البياري لازم نحاسب الي انتخب البياري لانو ما بدو مصلحة النادي ولا هيئتو مو هيئة رئيس نادي .
والله لو رأفت علي بطل يعرف يلعب فطبول وطلب اخر سنة او سنتين باقية له بالرياضة 50 الف لازم يعطوه يكفي انه من اكثر من ابسط هاذا الجمهور العظيم ومن اكثر من قاتل من اجل الوحدات والله كفيت ووفيت يا ابوعلي لاعبين بالعشرينات في المباراة مش قادرين يوقفوا ولا يلعبو باص يكفي انك عندما تمسك الكرة لا تهاب من اي لاعب والله في لاعبين بالوحدات لما يستلم الكرة كأن الكهربا ضاربيتو هادا هو فريق الوحدات الذي نعرفه اترك الاجابة لكم ونأسف على الإطالة .
اخى علاء كم مره العبنا فى بطولة اسيا وكاس ابطال العرب ؟؟؟؟؟؟؟ مش كان رافت بلعب معنا ؟؟؟؟؟ وليش ما اخذنا بطوله خارجيه لما رأفت كان يلعب معنا
كلامك يا حبيبي الف بلميه بس بالله عليك البطوله هذي مش كانت بين ايدينا امانه عليك مش الوحدات كان اقوى فريق فيها يعني الله يعطينا ويعطيك طول العمر من هون لالف سنه ما راح تيجي فرصه للوحدات زي هيك يا خساره بس والله حرام عليهم انت يا ابو وليد من الاشخاص المهمه في المنتدا امانه عليك تحكي الحق لو رافت موجود بكون هيك الوحدات وتذكر اكم من هدف صنع رافت للعندليب بلفيصلي ولشلبايه وبعدين جاوب
ادارتكم العظيمة وولاد شلباية اللي قالبين النادي سمسرة همة اللي فرطوا في رأفت
راحو دفعولي في كينيث وبشار فوق 100 الف دينار عشان يسمسروا
ما رضوا حتى يدفعوا نص هذا المبلغ لرأفت !!
لانوا ما كان الهم عين يطلبوا من رأفت سمسرتهم !!
يا حيف !!!
وبعدين مع احترامي الشديد لكل الاخوة المشرفين في المنتدى و برغم حبي الكبير الهم وتقديري الشديد لجهودهم الجبارة الا انه في انتقائية في المواضيع
نشرت موضوع بعنوان رأفت في النهائي و الحلم أضاعه البياري و تم حذفه بدون حتى اشعار ولا رسالة ( مش هيك تورد الابل يا شباب)
قد نختلف في الاسلوب ولكن يجمعنا هدف واحد وهو عشق الاخضر و كل ما هو اخضر
بعدين ما بصير ندعي على الناس اللي شجعت رأفت في المدرجات !!
بعتقد انه الهدف من ورا الهتاف لرأفت كان تذكير الادراة الفاسدة ب بفشلها الذريع في التعامل مع رأفت مش مناكفة باللعيبة اللي كانوا اصلا بلا دم ولا روح ولا احساس اللي خلوا كل هل الجماهير المليونية ما تنام الليل من وراهم !!
وانا كمان نفسي اعرف شو الى بين رافت وبين الاخوة المشرفين في المنتدى بس ياريت تخلو موضوع الوحدات اهم من رافت والحكي هذا جنب وتجاوبو بصراحه واذا بدكم تشطبو عضويتي عشان كلامي اشطبوها يعني لو رافت لاعب بلفيصلي ما تهاجم زي هيك يعني حسن احترف وعامر احترف وعبدالله هرب ما تهاجم زي هيك شو القصه احكو بركن رافت عامل جريمه كبيره واحنا مش عارفين
قسما بالله كنت اقول كيف سوف اذهب للمدرجات
بدون ما اشاهد الكبير المعلم رافت علي
وكنت كلما تخيلت ان رافت قد يعتزل ابكي
وجميع من يعرفني يعرف عشقي لرافت علي
وحبي الاعمى لهذا لاعب
لكن اقول رافت اعتزالك ليس مع الوحدات
وانا عمري ما كنت ضد الاداره
بجوز لبعدي عن اداره النادي
ولكن قسما سوف اكره الاداره كرهي لاسرائيل
اذا رجع رافت لنادي
لذا اقولها لن يكون لك عوده للوحدات يا بيكاسو
اذهب الا الجحيم
كم عشقتك كم كرهتك
اعتذر لجميع من ضدي
والسلام ختام
يعني اتخيل رافت اعتزل
يعني الوحدات ما يوخد بطوله
والله الفريق اللي قايم على لاعب لازم يبطل يلعب كره قدم
مشان الله انسو رافت
الان الدور على قويض لتجهيز ابو عماره كصانع العاب وتوظيف جميع الاعبين بما يتناسب مع القدرات
يعني اتخيل رافت اعتزل
يعني الوحدات ما يوخد بطوله
والله الفريق اللي قايم على لاعب لازم يبطل يلعب كره قدم
مشان الله انسو رافت
الان الدور على قويض لتجهيز ابو عماره كصانع العاب وتوظيف جميع الاعبين بما يتناسب مع القدرات
كلامك عين العقل
بس والله انه قويض ما منو فايدة
مدير فني عندو 8 لاعبين من المنتخب و ثلة لاعبين من افضل لاعيبة اسيا
ومع ذلك ما في تكتيك ولا ورح و لا لياقة
يعني بصراحة كلنا متابعين نتائج الوحدات المخزية سواء مع الرمثا او الجزيرة
واول مبارح مع ناساف !!
وشوف الحجج الواهية !!
1- الفريق مرهق من كتر ظغط المشاركات ( طيب ليش ضحينا بالدرع يا قويض ----- مش عشان نجهز الرديف ---- طيب وين لعيبة الرديف ليش راميهم على الاحتياط ؟؟ )
2- شوية اصابات ( ما هو دايما بنشارك وعندنا كومة اصابات ------ مش بس عامر ذيب مصاب
يا زلمة قويض مفلس تكتيكيا وما عندو شي يضيفو للوحدات
يا اخوان الموضوع مش موضوع رأفت و شلباية او حسن او عامر
الموضوع موضوع فريق من العيار الثقيل اسمه الوحدات
يمتاز بالمنظومة الجماعية و اللعب المهاري و الروح القتالية
نتائجنا السلبية كلها بسب عدم وجود العناصر الثلاث اللي ذكرتها
مش لانو رأفت او العندليب غايبين
بس قويض كان ضايع ولا يزال
مش عارف كيف يوصل بالفريق للعناصر الثلاثة المذكورة أعلاه
واي مدرب للوحدات رح يفشل ازا ما عرف كيف يجمع هذه العناصر
على سبيل المثال :
المدربين محمد عمر و ابو دمعة استطاعوا انهم يجمعوا الفريق على المنظومة الجماعية وو ظفوا المهارات الفردية لصالح اللعب الجماعي ورفعوا من الروح القتالية للفريق عشان هيك نجحوا مع الوحدات بينما فشل قويض
ورأفت وكل لا عب أخر كان جزء مكمل في فريق عظيم ورح يبقى عظيم بغض النظر عن سحابة الصيف اللي بنمر فيها
و قولوا معي
شلباية ورافت كانوا مثل الحطة والعقال ما بزبطوا من غير بعض !!
او متل الفريكة و الدجاج بكونوا ألز لما نجمعهم سوا
مسكين شلباية قويض زتو وسط 5 مدافعين لحاله وقله اذهب انت وربك فقاتلا اننا ههنا قاعدون
ولعيبة الوسط عندنا اسف قصدي لعيبة وسط المنتخب كل واحد بدو يفرجي حاله عند المسكع حمد وبده كل واحد فيهم يجيب جول عشان يزيد من فرص احترافه
والله اني انحرق قلبي على شلباية لاني عارفه محروق قلبه على الوحدات وصدقوني هوة مثل رأفت ضحى كثير عشان الوحدات و لو اجت على شلباية يوم المباراة لكان هتف مع الجمهور ( رأفت علي رأفت علي رأفت علي )
لأنه فعلا رأفت وشلباية مثل القمر و النجوم السما ما بتكون حلوة من دونهم سوا
شلباية ورافت كانوا مثل الحطة والعقال ما بزبطوا من غير بعض !!
او متل الفريكة و الدجاج بكونوا ألز لما نجمعهم سوا
مسكين شلباية قويض زتو وسط 5 مدافعين لحاله وقله اذهب انت وربك فقاتلا اننا ههنا قاعدون
ولعيبة الوسط عندنا اسف قصدي لعيبة وسط المنتخب كل واحد بدو يفرجي حاله عند المسكع حمد وبده كل واحد فيهم يجيب جول عشان يزيد من فرص احترافه
والله اني انحرق قلبي على شلباية لاني عارفه محروق قلبه على الوحدات وصدقوني هوة مثل رأفت ضحى كثير عشان الوحدات و لو اجت على شلباية يوم المباراة لكان هتف مع الجمهور ( رأفت علي رأفت علي رأفت علي )
لأنه فعلا رأفت وشلباية مثل القمر و النجوم السما ما بتكون حلوة من دونهم سوا
والله من وراء القصد
بالله عليكم تحكولي كم عملية تفريغ فام فيها لاعيبة الوسط عشان يخلقوا فرصة لشلباية !! طبعا ولا وحدة
كم عملية اختراق او محاورة بشكل عامودي قام فيها لعيبة الوسط عشان يسحبو ا دفاع الخصم و يشتتوا تركيزهم عن شلباية !! ولا وحدة
كم ون تو قام فيها وسط الوحدات عشان برضو يشتتوا تركيز المدافعين عن مراقبة شلباية !!! طبعا ولا وحدة
كل الجمل التكتيكية اعلاه تعتبر بديهيات و الف باء كرة القدم خصوصا لما الفريق يلعب بمهاجم واحد فقط
قويض قتل شلبابة لانه ما طلب من وسطنا القيام بهذه الجمل التكتيكية على النقيظ من ذلك استعان بالكرات العالية و التمريرات العرضية و الشغل على الاطراف وكلنا عارفين صلابة دفاع الخصم و طول قامتهم و التحاماتهم الرجولية اللي افشلت قويض اللي ما دارك الموقف
الجمهور هتف لرأفت علي عشان يفكر اللعيبة بكل الاساليب المهارية اللي يفترض يتبعوها
انا مقهور مثلي مثلكم بس شو بدي احكي الا حسبي الله بهيك ادارة قتلت الفريق بمجموعات تعاقدات كلها غلط في غلط
لسنا جمهور الفوز - لسنا جمهور الفوز - لسنا جمهور الفوز - لسنا جمهور الفوز - لسنا جمهور الفوز
لسنا جمهور الفوز ومن اطلقها يجب ان يعتذر فهو لا يختلف عن عوض الاسمر الذي شتم الجماهير، فكلهما يشتم الجماهير بطريقته ، من اطلق مصطلح جمهور الفوز على اعظم جمهور في التاريخ الي حضر من ساعات الصباح يجب ان يعتذر ويسحب هذه الكلمة حتى لو كان اعضاء شبكة الوحدات نت مهما كان حجمه، لاننا سنحاسب الاسمر وسنحاسب من لا يعتذر على هذه الكلمة .