خليل بني عطية نزل اضطراري..و مع هيك غير شكل الفيصلي..خطاب ..الياس..الدميري ..و باسم كذلك اول مشاركاتهم تركوا انطباع انو هذول اذا طلعوا بيتركوا فراغ..
الجيل اللي بتحكي عنو..بخلاف تمريرة هدف شلباية..شو قدم؟ و انا بحكي عن جيل جديد كامل..مش لاعب بعينو..هذول لازم فرصتهم موسم واحد فقط...يا بتحجز مكان اساسي يا اما اعارة دغري عشان تجرب غيره..مثلهم مثل الحويطي..و عوض راغب..المفروض يعتزلوا على سنة 23..
كلام سليم ومنطقي.. ولازم الشباب الصغار يفهموا انهم ما صاروا نجوم ولا حتى اشباه نجوم ولذلك يجب عليهم بذل المزيد من الجهد والا الاعارة او البحث عن نادي آخر.. اما انهم يفكروا حالهم صاروا نجوم شباك من الان وبعدها مكانك سر فلا داعي للتعب عليهم وخلينا نشوف اللي بعدهم.
رفض اللاعب احمد بلال شرط ادارة الوحدات للتوقيع مع اللاعب
بحيث يتم إعطاءه فرصة للعب مع الفريق مدتها شهر .. فإن أثبت حضوره و جاهزيته يستكمل عقده و يحصل على كامل المبلغ,,, و ان لم ينجح يكون هنالك مخالصة بين النادي و اللاعب و يحصل اللاعب ما قيمته 8 آلاف دولار و يتم الإستغناء عنه ...
لكن اللاعب رفض هذا الاقتراح و تم الغاء فكرة التعاقد مع اللاعب
واتفق ايضا مع طائر الشوك فيما قال بخصوص حركة الادارة الغير منطقية تجاه المدرب.. يعني بآخر يوم ولما قربت تنتهي فترة القيد صاروا يتشرطوا على اللاعب؟؟
طيب مش عيب انهم يجيبوه وعلى مبلغ 40 الف دولار وبعدين يغيروا رأيهم ويفاصلوه بحجة عدم تجربته؟؟
طيب مين قالكم ما تجربوه؟؟ اللاعب غير مسؤول انه اليوم شتا او ثلج .
ولا العيب فقط مع ابن غزة اما بلال ولانه من بلد محمد عمر فيجوز التصرف معه بتلك الطريقة؟؟
بالاضافة الى ان المدرب طالب بلاعب مهاجم, فليش بآخر لحظة تخربوا كل المخططات وتحطوه بخانة اليك ؟؟
يا أخي والله إنك غريب
هم شو لعبوا حتى يقدموا ؟!!
بشتاوي مرر هالتمريرة الي حسمت الصدارة من كم دقيقة لعب ؟!!
قويدر كم دقيقة لعب شارك ؟!!
بالأول الجنرال يعطيهم ربع فرصة بعدين بتشوف تأثيرهم وإبداعاتهم وبتصير تطلق الأحكام عليهم
إتقي الله فيهم اخوي عبيد مش هيك الانتقاد !!!
طب اسكت اسكت..انت ما بيطلعلك تحكي بالانتقاد يا طارق..
احمد الياس من اول خمس دقايق فرض حالو..طارق خطاب كذلك..الدميري و ما ادراك ما الدميري..الحناحنة..بني عطية..اشرف نعمان..صحتلهم فرصة المشاركة و استغلوها احسن استغلال و فرضوا نفسهم اساسيين..
خلاصة الكلام..اللي بده يفرض نفسو..المفروض فرض..
كم سنة النا بننتظر لاعب ارتكاز يفرض نفسه مكان محمد جمال؟!! و الحلو محمد جمال نفسه مش ابن النادي..اشتريناه من بره..
إجتماع الشيخ أبو بكر السيناوي مع اللاعب له معنى واحد ..... خذوها مني روح اللاعب والمدرب هههههههههه
يارب يسمع منك.. وهي هشام عبدالمنعم وناصر حسان وجمال محمود جاهزين وقادر اي واحد منهم يجيبلنا هالبطولتين الغانمات وقادرين اكثر من اي احد اخر على بناء الجيل الشباب بالشكل الصحيح..
باختصار
لو كان تفكير (غالبية) جمهورنا مثل تفكيرك هذا فاقرأ على جيل الشباب الذهبي السلام..
اللاعبين الشباب على الاقل لازم يلعبو 3 مباريات بشكل اساسي 90 دقيقة كاملة حتى (يندمجو) مع الفريق الأول ويظهرو كل قدراتهم.. مش تروح تحكم عليهم لما ينزلهم محمد عمر بمباراة كاس هامشية بالدقيقة 84 وتقلي مستواهم متواضع ويعتزلو بسن 23!!!
كل مااتمناه الان فقط هو ان يتم اشراك معظم هالشباب بمرحلة الاياب(اجباري) يعني غصب عن محمد عمر كما حصل مع خطاب لما اشترك (اجباري) بدون اي تخطيط من عمر واثبت وجوده... ووقتها احكم عليهم وقول عنهم مستواهم متواضع.
و لا لاعب نجم (ركز على كلمة نجم) في تاريخ نادي الوحدات او تاريخ اي نادي في العالم احتاج 270 دقيقة كاملة ليثبت نفسو اساسي..
يارب يسمع منك.. وهي هشام عبدالمنعم وناصر حسان وجمال محمود جاهزين وقادر اي واحد منهم يجيبلنا هالبطولتين الغانمات وقادرين اكثر من اي احد اخر على بناء الجيل الشباب بالشكل الصحيح..
ناصر حسان لن يدرب بوجود طارق خوري
ومحمود جمال في فلسطين
وهشام غير قادر على السيطرة على اللاعبين في ظل وجود رافت ومحمود شلباية وباسم وعامر