احكيلكم حكاية سيد ابوي واللي حكتلي ياها ستي واللي هو ابوها
بتقولي لما دخلوا اليهود على فلسطين وتشردوا الناس بالبداية ما تهجر الكل برى فلسطين , صارت في مخيمات داخل فلسطين وهذول الناس هربوا من اليهود وما اخذوا معهم اشي , المهم بلا طولة سيرة كانوا الناس ينزلوا من المخيمات على بيوتهم بالليل مشان يجيبوا اللي بقدروا عليه و مرة من المرات كان نازل سيد ابوي واللي هو ابو ستي مع اللزلام على البيوت مشان يجيبوا كم من غرض بنص الليل وللأسف كان في اخبارية عنهم طبعا وهم بجيبوا الاغراض من البيوت واليهود يكبسوا عليهم بالخيول من هان ,, بتقلي ستي بلش الطخ على الفلسطينية والكل هرب واللي ما هرب تصاوب واستشهد , وكان من بينهم سيد ابوي انصاب برصاصة , بس ما استشهد . المهم كانت الدنيا نص ليل والواحد بمد اصبع قدامه ما بشوفه وهالخيول بتمشي وسيد ابوي مرمي على الارض من الرصاصة , بتقلي ستي انه مسك بايده كومة تراب وقرأ عليها اية الكرسي ورشها على حاله , بتحلفلي يمين وبتقولي انه الحصان خبّط بين رجلين ابوها وما حسوا فيه المهم بتقلي انه مسك ورق من شجر من هالشجر ولاكه بثمه وحطه مكان الرصاصة وربط عليه شريطة وخلّى ظهره للمخيمات و ووجه لليهود وظل يزحف لمدة يومين او 3 ايام وخلال هاي المدة كانوا بالمخيم ناصبين عزا اله ومفكرينه ميت وبس عرفوا انه حي قلب المخيم كله من حزن لفرح والله مد بعمره وتوفى وهو على اعتاب 118 سنة .
احكيلكم حكاية سيد ابوي واللي حكتلي ياها ستي واللي هو ابوها
بتقولي لما دخلوا اليهود على فلسطين وتشردوا الناس بالبداية ما تهجر الكل برى فلسطين , صارت في مخيمات داخل فلسطين وهذول الناس هربوا من اليهود وما اخذوا معهم اشي , المهم بلا طولة سيرة كانوا الناس ينزلوا من المخيمات على بيوتهم بالليل مشان يجيبوا اللي بقدروا عليه و مرة من المرات كان نازل سيد ابوي واللي هو ابو ستي مع اللزلام على البيوت مشان يجيبوا كم من غرض بنص الليل وللأسف كان في اخبارية عنهم طبعا وهم بجيبوا الاغراض من البيوت واليهود يكبسوا عليهم بالخيول من هان ,, بتقلي ستي بلش الطخ على الفلسطينية والكل هرب واللي ما هرب تصاوب واستشهد , وكان من بينهم سيد ابوي انصاب برصاصة , بس ما استشهد . المهم كانت الدنيا نص ليل والواحد بمد اصبع قدامه ما بشوفه وهالخيول بتمشي وسيد ابوي مرمي على الارض من الرصاصة , بتقلي ستي انه مسك بايده كومة تراب وقرأ عليها اية الكرسي ورشها على حاله , بتحلفلي يمين وبتقولي انه الحصان خبّط بين رجلين ابوها وما حسوا فيه المهم بتقلي انه مسك ورق من شجر من هالشجر ولاكه بثمه وحطه مكان الرصاصة وربط عليه شريطة وخلّى ظهره للمخيمات و ووجه لليهود وظل يزحف لمدة يومين او 3 ايام وخلال هاي المدة كانوا بالمخيم ناصبين عزا اله ومفكرينه ميت وبس عرفوا انه حي قلب المخيم كله من حزن لفرح والله مد بعمره وتوفى وهو على اعتاب 118 سنة .
وسامحوني على الاطالة
إطالتك راقت لي فعلا أخي عمار ..بارك الله فيك
هذا هو الفلسطيني ..وهؤلاء هم أهل فلسطين...هم الأبطال وهم أصحاب البطولات
رائع ما قرأت هنا وأتمنى أن تعود لتقص علينا المزيد
مريم ...
مريم بنت زغنونة طول عمرها شقية بس قلبها زي العسل صافي وضحكتها بتملي الحارة ،وحنيتها ما بتلاقي زيها وهاظ اللي محبب كل الحارة فيها ،ويما شو بتحب تخدم الناس و الحارة واذا المرة الكبيرة واللي ما عندها ولاد يشترولها هي بتروح زي الغزالة وبتشتريلهم ، ومريم اللي بصحلها ما بصح لغيرها ،بتدخل أي دار في الحارة وبتشرب وبتوكل وبتلعب مع الصغار اللي زيها ، يعني من الاخر مريم وردة الحارة والكل في الكل فيها ، بتمشي الأيام وبتروح وبجي عرس حسان ابن أبو احسان الجباريني وهالحارة تزينت بزينتها وبتعرفو المخيم كيف بلتم على بعضه لما يصير مناسبة زي هاي الكل بدو يفرح والكل بدو يشارك ويخدم المهم بينصب أهل ابو احسان هالصيوان في الزقة وبعملو سهرة شباب وبجيبو شرحبيل مغني الفرقة .والله بتلتم الناس من كل المخيم وبرة المخيم والنسوان يا على السطوح بسمعن بالغناوي يا خلف الصيوان على باب الدار ،والصغار زي مريم وصاحباتها بلعبوا أمام الصيوان ،فرحانين وبتحسهم بدهم يطيرو من الفرحة ،ويوم يجي القدر لا بنقدر نقدمه ولا نأخره و الفرحة اللي عبت الحارة بقدرة قادر بتصير ترحة بتعبي الحارة حزن لأبد الآبدين ،فابن عمه لحسان جاي من مخيم البقعة وفرحان لابن عمه ومعاه مسدس وكال بدّو يكرم ابن عمه فطخلّه ثلث طلقات في السما وياريت ما طخهن ولكن هالطلقة الطايشة رجعت لتصيب أغلى راس في الحارة ،واللي هو راس مريم حبيبة الكل ...مريم الحلوة ماتت وهي بتنطنط وفرحانة ،مريم بنت المخيم ماتت لكنه مش راضية تموت في كل دار من دور الحارة ..مريم الحنونة افتقدناك ...اشتقنالك فعودي
قصة من وحي الخيال ...اهداء الى روح الأطفال ضحايا التصرفات الرعناء في الاحتفال الأهوج ....
صمت البشر
مريم ...
مريم بنت زغنونة طول عمرها شقية بس قلبها زي العسل صافي وضحكتها بتملي الحارة ،وحنيتها ما بتلاقي زيها وهاظ اللي محبب كل الحارة فيها ،ويما شو بتحب تخدم الناس و الحارة واذا المرة الكبيرة واللي ما عندها ولاد يشترولها هي بتروح زي الغزالة وبتشتريلهم ، ومريم اللي بصحلها ما بصح لغيرها ،بتدخل أي دار في الحارة وبتشرب وبتوكل وبتلعب مع الصغار اللي زيها ، يعني من الاخر مريم وردة الحارة والكل في الكل فيها ، بتمشي الأيام وبتروح وبجي عرس حسان ابن أبو احسان الجباريني وهالحارة تزينت بزينتها وبتعرفو المخيم كيف بلتم على بعضه لما يصير مناسبة زي هاي الكل بدو يفرح والكل بدو يشارك ويخدم المهم بينصب أهل ابو احسان هالصيوان في الزقة وبعملو سهرة شباب وبجيبو شرحبيل مغني الفرقة .والله بتلتم الناس من كل المخيم وبرة المخيم والنسوان يا على السطوح بسمعن بالغناوي يا خلف الصيوان على باب الدار ،والصغار زي مريم وصاحباتها بلعبوا أمام الصيوان ،فرحانين وبتحسهم بدهم يطيرو من الفرحة ،ويوم يجي القدر لا بنقدر نقدمه ولا نأخره و الفرحة اللي عبت الحارة بقدرة قادر بتصير ترحة بتعبي الحارة حزن لأبد الآبدين ،فابن عمه لحسان جاي من مخيم البقعة وفرحان لابن عمه ومعاه مسدس وكال بدّو يكرم ابن عمه فطخلّه ثلث طلقات في السما وياريت ما طخهن ولكن هالطلقة الطايشة رجعت لتصيب أغلى راس في الحارة ،واللي هو راس مريم حبيبة الكل ...مريم الحلوة ماتت وهي بتنطنط وفرحانة ،مريم بنت المخيم ماتت لكنه مش راضية تموت في كل دار من دور الحارة ..مريم الحنونة افتقدناك ...اشتقنالك فعودي
قصة من وحي الخيال ...اهداء الى روح الأطفال ضحايا التصرفات الرعناء في الاحتفال الأهوج ....
صمت البشر قصة من وحي الخيال ...اهداء الى روح الأطفال ضحايا التصرفات الرعناء في الاحتفال الأهوج ....
صمت البشر
ول عاليهود يا دياب ....
من وحي الخيال بس الوجع بقلوبنا كل يوم بيزيد
الله يهونها يارب ...كل يوم ذبح اذا مش بالحرب بعرس وبمناسبة
تصرفات رعناء من الروس الكبار ومن ناس تآمروا علينا واحنا من طيبتنا لسه بنمشي وراهم
ول عاليهود يا دياب ....
من وحي الخيال بس الوجع بقلوبنا كل يوم بيزيد
الله يهونها يارب ...كل يوم ذبح اذا مش بالحرب بعرس وبمناسبة
تصرفات رعناء من الروس الكبار ومن ناس تآمروا علينا واحنا من طيبتنا لسه بنمشي وراهم
الله يهونها على هذه الأمة المتهالكة الذي أهلكها الصدأ !!
CHيفCHم يا جماعة ،،بهاظ البرد الي بقرقط عظام الواحد ..بدها كباية شاي على الصوبة ... انداري دخلنا شهر اربعة و البرد أكلنا !!...اشتقت أفغم بطيخ و جوافة .....بدي بطيخ مع جبنة بيضا و خبز طابون !!