اهلا وسهلا بالاخت مي هديب في هذه الاستضافة الاكثر من رائعة كما نشكر دياب على اختياره الموفق لشخصية اثارت جدلا كبيرا في المنتدى من خلال كتاباتها التي اعشق كثيرا, وكما اريد ان اسجل اعجابي الشديد جدا على طرحك موضوع في الصميم قبل فترة و على اثره كان هناك نوع من الشد مع المشرفين فمن خلال هذا الموضوع رسمت صورة الفتاة الشجاعة الثائرة لك في مخيلتي و ارجعني ذلك الى الوراء و تذكرت دلال المغربي و ليلى خالد والكثيرات من مناضلات شعبنا الابي الذي يرفض الذل والهوان.........
سؤالي هو ما سر هذا التمرد الذي ارى في مي هديب و هل الوضع الفلسطيني الخاص هو احد اسباب هذا التمرد؟
من خلال واقع القضية الفلسطينية الذي نعيش الان, هل تعتقدين ان شيئا ما سيتغير على ارض الواقع, فنحن جربنا الكفاح المسلح على مدار سنوات طويلة ومن مختلف الايدولوجيات و التوجهات السياسية وقد اعترف قادة هذه الحركات بالاخطاء التي وقع فيها كل فصيل فجورج حبش تحدث في كتابه الثوريون لا يموتومن ابدا عن الرضوخ احيانا لبعض القرارات او المواقف من اجل الوجود على ارض ما او من اجل المساعدات المالية و هذا ما اسميه بالتبعية, كما ان صلاح خلف اعترف في كتابه فلسطيني بلا هوية بان الخطأ الفادح الذي وقعت فيه فتح هو تحولها الى حركة بيروقراطية مع استلام دفة القيادة في منظمة التحرير الفلسطينية.
وقد جربنا ايضا الدخول في مفاوضات مع العدو الصهيوني من اجل الوصول الى سلام عادل وقد فشل هذا الخيار.... باعتقادك الم يحن الوقت من اجل ولادة شئ جديد مختلف عما ذكرت في السابق من اجل تغير موازين القوى والتي تؤدي الى انتزاع الحقوق انتزاعا فالعدو لا يفهم الا لغة القوة؟ ولو طلبنا منك ان تضعي النقاط الاساسية لهذا التوجه الجديد فبماذا تجيبين؟
استضافة مفاجئة لي ولكنها لا شك نالت استحسان الجميع وذلك لأن دياب نجح في اختيار اديبه لها اسلوبها الخاص ولها كتابات فيها الكثير من الابداع ممزوجة بواقع مظلم احيانا يتسرب من بين شقوقه بعض خيوط الشمس ,, اهلا وسهلا بالمبدعة مي هديب على صفحات منتديات الوحدات نت واتمنى ان تنجح هذه الحوارية بتسليط الضوء على كثير من ابداعات مي هديب
,, لي عودة ان شاء الله
أهلاً وسهلاً بالأخت مي هديب
في البداية أود أن أرحب بك واشكر الأخ دياب على هذه الاستضافة الرائعة. لن أطيل عليك بس كمن سؤال.
لعلي لست مطلع على الشيوعية و أباها الماركسي كارل لكن ذاكرتي تسعفني بالقليل من المعلومات.
ما موقفك من الشيوعية بعد انهيارها في الاتحاد السوفييتي؟ ورميها الى أن أصبحت فقط في رفوف المكتبات العامة؟
ما موقفك من اليهود بشكل عام ومن الصهيونية بشكل خاص؟ أخذاً بعين الاعتبار أن كارل ماركس يهودية الأصل.
هل الشخصية الاستبدادية والعنيدة للينين أثرت في شخصيتك؟
كلمة في حكم ستالين الدكتاتوري؟
هل تعتقدين أن الشيوعية تقف الى صف اليهود أكثر من أي شعب أخر؟
هل حصل و أن قرأتي كتاب "السرطان الأحمر" للشيخ عبد الله عزام
اولا نشكر الاخ دياب على الاستضافة المميزة لشخصية مميزة مثل الاديبة مي
اهلا بك مي
سؤالي:
شو رأيك بما يسمى الربيع العربي هل اخضرت اوراقه؟
الاعلام العربي؟ هل انصف الاعلام كل الثورات العربية ونظر اليها بعين واحدة؟
اشكرك ولي عودة ان الله راد
قرأت لك الكثير هنا فقط واعجبني ما تكتبين ولم يعجبني ما تكتبين احيانا واقول رأيي بصراحه الذي لم يعجبني الكتابات التي ارى فيها بعض التمرد على الواقع الذي نعيش فانا اراك تبالغين احيانا
هل تعرفين الاديب الفلسطيني احمد الريماوي وهل قرأت شئ من قصائده
دياب هديب ممكن يكون اديب ناجح
لي عوده ان شاء الله ان سمحت
ومرحباً بك يا أخي ... اللي بصدق عندي صعوبة في قراءة اسمك حالياً...
بالنسبة لإعجابك بالشيء من عدمه فبالعكس هاد الشي بعطيني دافعية لأني أستمر بالكتابة لانه الاتفاق على الاعجاب أو الاستياء معناته موت اللي بكتب علنياً
بمقدار آخر مسألة عدم واقعية طرحي للتمرد ورفض الواقع فهون هي مسألة نظرة تباين فربما حساسيتي الخاصة تجاه نقاط محددة تكون أكثر من غيري وقد أملك وجهة نظر سطحية عن أمور هي أكثر حساسية عند غيري فما بقدر أقلك أعجب في هاد أو اقتنع هي مسألة شو إنت بتستقبل كلامي وإنت حر فيه بكل أمانة.
بالنسبة لسؤالك عن عضوية النادي أجبت العزيزة سماح عاطف عن المسألة هاي وبكررها إني معها وشرحت السبب في ردي عليها.
إن هم شايفات إنه هناك ممثلة عنهن فمن حقهن ككوتة إنهم يطالبو بالشي هاد، لكن عموماً أنا ضد الكوتة ومع إثبات قدرة الفرد على إدارة دفة الأمور فبظن إنه الأمر هون ما بتعلق بإنه يكون في ممثلة للبنات هون بقدر ما يكون في شخص مين ما كان وشو ما كان جندره قادر على تمثيل الجميع وليس الخصوص.
1\1\1965 - إنطلاق حركة فتح ؟
إنت ما بتحكي عن سور الأزبكية كسوق عادي ... بل هو سوق تستحق مصر التراث في كل زاوية إنها تستخدم أي تراث شو ما كان دلالته التاريخية لعرض تراث مهم وهو تراث المكتبة المصرية المتداولة .. على فكرة عنا زيها وإن كانت متواضعة وسط البلد بتوقع راح نوصل لسور الأزبكية فيها وبكون هاد بحد زاته إنجاز رائع إن صار تجمع لبسطات ومكتبات الكتب المستعملة ...
يستحيل على الأدب أن يتقوقع .... لا في مدينة ولا بناء ولا غيره ..... الأدب قوامه التجربة الحرة والانطلاق والجنون أحياناً فبتركيبة الأدباء النفسية يصعب عليهم إنهم ينتحوا هاد المنحى.
أي نعم بعرف الشاعر الفلسطيني أحمد الريماوي وما قرأته له حكراً على ما هو منشور في صفحات النت بكل صدق وأمانة وكنت مارقة مرور الكرام عليه...
بالنسبة لدياب: إن قرأ وزاد في قراءاته النقدية والأدبية ومارس حضور الندوات النقدية وتعب على حاله فممكن سوى ذلك ما تزعل مني دياب راح تضلك مكانك سر.
راح يزعل مني كتاااااااااااار لو حكيت رأيي الصريح ولكن بقتبس مثل مباشر وقاسي " وافق شن طبق " ومصالح تضاربت واللي دفع الثمن إنجاز الشعب الفلسطيني أي تقدم في اتجاه مصالحه لصالح متصارعين ذاتيين .
ورأيك في العودة لطاولة الحوار من جديد؟
لعبة السياسة ... هيك حكمها ... أو زي ما حكاها عبد الله حداد تكتيك !!! وأول ما يصير أي تضارب راح يرجعوا يرفعو سلاح ع بعضهم لأنه الطرفين ما عندهم اشي مقدس سوى قديش الهن سيطرة وبسط نفوذ وقوة للأسف وبحكي عن سياسة عامة وقيادات سياسية للطرفين.
بكل تاكيد اخالفك الرأي وبشدة ...ولكن لا اغضب منك لان الاختلاف لا يفسد للود قضية
أما إزا في بالك أكتر بني آدم خلق فرق في حياتي فهم تنين " كارل ماركس " أعطاني كتير الإنسان هاد بقدرته اللانهائية على تشغيل العقل النقدي وعززه الراحل " إدوراد سعيد " اللي دربني على إني أقرأ أصعب النصوص والتنين فعلياً نصوص صعبة بتوسع الأفق والمدارك لصاحبها.
اوافقك الراي ان ادوارد سعيد مفكر ملهم اما عن كارل ماركس فهل تعتبرينه حقا يمكن ان يشكل مثلا فكريا يحتذى به ؟
ومرحباً بك يا أخي ... اللي بصدق عندي صعوبة في قراءة اسمك حالياً...
بالنسبة لإعجابك بالشيء من عدمه فبالعكس هاد الشي بعطيني دافعية لأني أستمر بالكتابة لانه الاتفاق على الاعجاب أو الاستياء معناته موت اللي بكتب علنياً
بمقدار آخر مسألة عدم واقعية طرحي للتمرد ورفض الواقع فهون هي مسألة نظرة تباين فربما حساسيتي الخاصة تجاه نقاط محددة تكون أكثر من غيري وقد أملك وجهة نظر سطحية عن أمور هي أكثر حساسية عند غيري فما بقدر أقلك أعجب في هاد أو اقتنع هي مسألة شو إنت بتستقبل كلامي وإنت حر فيه بكل أمانة.
بالنسبة لسؤالك عن عضوية النادي أجبت العزيزة سماح عاطف عن المسألة هاي وبكررها إني معها وشرحت السبب في ردي عليها.
إن هم شايفات إنه هناك ممثلة عنهن فمن حقهن ككوتة إنهم يطالبو بالشي هاد، لكن عموماً أنا ضد الكوتة ومع إثبات قدرة الفرد على إدارة دفة الأمور فبظن إنه الأمر هون ما بتعلق بإنه يكون في ممثلة للبنات هون بقدر ما يكون في شخص مين ما كان وشو ما كان جندره قادر على تمثيل الجميع وليس الخصوص.
1\1\1965 - إنطلاق حركة فتح ؟
إنت ما بتحكي عن سور الأزبكية كسوق عادي ... بل هو سوق تستحق مصر التراث في كل زاوية إنها تستخدم أي تراث شو ما كان دلالته التاريخية لعرض تراث مهم وهو تراث المكتبة المصرية المتداولة .. على فكرة عنا زيها وإن كانت متواضعة وسط البلد بتوقع راح نوصل لسور الأزبكية فيها وبكون هاد بحد زاته إنجاز رائع إن صار تجمع لبسطات ومكتبات الكتب المستعملة ...
يستحيل على الأدب أن يتقوقع .... لا في مدينة ولا بناء ولا غيره ..... الأدب قوامه التجربة الحرة والانطلاق والجنون أحياناً فبتركيبة الأدباء النفسية يصعب عليهم إنهم ينتحوا هاد المنحى.
أي نعم بعرف الشاعر الفلسطيني أحمد الريماوي وما قرأته له حكراً على ما هو منشور في صفحات النت بكل صدق وأمانة وكنت مارقة مرور الكرام عليه...
بالنسبة لدياب: إن قرأ وزاد في قراءاته النقدية والأدبية ومارس حضور الندوات النقدية وتعب على حاله فممكن سوى ذلك ما تزعل مني دياب راح تضلك مكانك سر.
رأي في المدارس الأدبية !!! عزيزتي المدارس الأدبية متنوعة يصعب حصر الرأي فيها فهي متصلة بالمدارس في الفنون بشكل عام فإنه أبدي رأي في كل هاي المدارس هي مسألة أشبه بالمستحيلة لأنه كل مدرسة لحالها في عليها مؤلفات لا حصر لها.
ما بعرف وين بجد المدرسة الرمزية بصراحة ما مر علي الإسم من قبل يمكن بتقصدي التفكيكة مثلا؟ أو بتقصد لأني مش متضح إلي الجندر لهلئ ... لكن ما في مدرسة أزاحت مدرسة لأنه الأدب كالسياسة كل مدرسة متصلة بنظامها الخاص سياسياً المدرسة الكلاسيكية أو اللي بتطلقو عليها مجازاً المدرسة الرومنسية مدرسة متصلة في فرنسا بنظام إجتماعي قائم بحد زاته وما في حد بقدر يزيح هاي المدرسة إلا بإزاحة هاد النظام بحاله وعليه بتقدر تقيس أي استمرارية للمدارس إزا المدرسة الهزلية اللي كتب فيها شكسبير لازات قائمة لتاريخ اليوم فكيف بنقدر نحكي إنه في مدرسة قادرة على إزاحة مدرسة ... بس بالنسبة للسطوة فالمدرسة المسيطرة اليوم على سوق الكتب العالمية هي المدرسة التفكيكية اللي هي ناتج أساسي عن الماركسيين الجدد بغض النظر طبعاً عن غابرييل غارسيا ماركيز لأنه مش إمبراطور الرواية العالمية فيه غيره أعمدة قائمة بحد زاتها ومعظمها متصلة بالمدرسة التفكيكية والتجريدية.
لا يا صديقتي اخالفك الراي تماما فالمدرسة الكلاسيكية هي مدرسة قائمة بحد ذاتها وهي ممتدة الى ما قبل القرن ال 15 وهي اسبق في الوجود وتعتمد على قوة الشكل والمضمون ومن روادها موليير بينما تدعو الرومنسية الى السهولة في التعبير والتفكير، و هي حديثة نسبيا
والذي قصدته بسؤالي هو هل تؤمنين ان هناك ادبا رومنسيا وادبا كلاسيكيا مثلا ؟
نك تحبين الادب العالمي فانا نتقاسم ذات الميول ها هنا...ان ما رايك بالكاتبة دانيال ستيل واي من رواياتها تروق لك ؟ وماذا عن باولو كويلو ؟
اهلا وسهلا بالاخت مي هديب في هذه الاستضافة الاكثر من رائعة كما نشكر دياب على اختياره الموفق لشخصية اثارت جدلا كبيرا في المنتدى من خلال كتاباتها التي اعشق كثيرا, وكما اريد ان اسجل اعجابي الشديد جدا على طرحك موضوع في الصميم قبل فترة و على اثره كان هناك نوع من الشد مع المشرفين فمن خلال هذا الموضوع رسمت صورة الفتاة الشجاعة الثائرة لك في مخيلتي و ارجعني ذلك الى الوراء و تذكرت دلال المغربي و ليلى خالد والكثيرات من مناضلات شعبنا الابي الذي يرفض الذل والهوان.........
سؤالي هو ما سر هذا التمرد الذي ارى في مي هديب و هل الوضع الفلسطيني الخاص هو احد اسباب هذا التمرد؟
من خلال واقع القضية الفلسطينية الذي نعيش الان, هل تعتقدين ان شيئا ما سيتغير على ارض الواقع, فنحن جربنا الكفاح المسلح على مدار سنوات طويلة ومن مختلف الايدولوجيات و التوجهات السياسية وقد اعترف قادة هذه الحركات بالاخطاء التي وقع فيها كل فصيل فجورج حبش تحدث في كتابه الثوريون لا يموتون ابدا عن الرضوخ احيانا لبعض القرارات او المواقف من اجل الوجود على ارض ما او من اجل المساعدات المالية و هذا ما اسميه بالتبعية, كما ان صلاح خلف اعترف في كتابه فلسطيني بلا هوية بان الخطأ الفادح الذي وقعت فيه فتح هو تحولها الى حركة بيروقراطية مع استلام دفة القيادة في منظمة التحرير الفلسطينية.
وقد جربنا ايضا الدخول في مفاوضات مع العدو الصهيوني من اجل الوصول الى سلام عادل وقد فشل هذا الخيار.... باعتقادك الم يحن الوقت من اجل ولادة شئ جديد مختلف عما ذكرت في السابق من اجل تغير موازين القوى والتي تؤدي الى انتزاع الحقوق انتزاعا فالعدو لا يفهم الا لغة القوة؟ ولو طلبنا منك ان تضعي النقاط الاساسية لهذا التوجه الجديد فبماذا تجيبين؟
شكرا لك واتمنى لك التوفيق دائما
يزن ربيع
يعني بصدق يا يزن ما بعرف سر التمرد بس يبدو إنه طبيعة قبل ما تكون بيئة مساعدة، لكن اللي بقدر أحكي عنه هو البيئة اللي أنتجت هاد التمر وهي العائلة بشكل خاص وطبيعة علاقات العائلة واقترابي من واقع كعائلة ما بنعيش معه أنتج عندي رفض الآخر بداية واستهجانه لكن الآخر كان عام أكتر بكتير من حالة خاصة أنا منها وبتخيل هاد أنتج عندي حالة تمرد على واقع غير مقنع بتاتاً على مستوى إجتماعي ... نقطة لازم نفهمها إنه التمرد دائما مصدره إجتماعي قبل أي شي تاني وطبعاً الوضع الفلسطيني الخاص أنتج شعب كامل يطلق عليه طرفة بانه نمرود فأنا ناتج طبيعي لنمردة هاي الناس لأني منهم بالمحصلة
بالمناسبة وخلينا نفوت في مفهوم انت طرحته وهو الكفاح المسلح .... إن كنت بتقصد الكفاح المسلح اللي طرحته الثورة الفلسطينية الوطنية فهون بنحط ألف علامة استفهام هاد كفاح مسلح ولا مجموعات مارست العمل المسلح بشكل غير منظور للأمام وبالتالي أنتجت الرمز والقائد الواحد وإلخ من الطرح الرومانسي ؟ الكفاح المسلح يا صديقي هوشي منه ونموذجه ممكن نحكي فيه بكل وضوح لأنه بملك برنامج
أما اللي طرحه المرحوم حبش والمرحوم صلاح خلف فكلاهما ما أقرا بانعدام البرنامج الجامع، على كل هل الوضع هاد راح يتغير؟ المستحيل الثبات والثابت إنه التغيير في الوضع الفلسطيني القائم هو حتمي واستمراره على ماهو عليه مجرد نكوص في قراءة الواقع وكل ممكن قد يحمله في طياته ومسألة المفاوضات إلها رد ما في غيره ما أخذ بالقوة لا يسترد بغير القوة
أما بنظري لو بدي أحط نقاط لسوى ذلك هو برنامج الكل بعتبره رومانسي لكنه هو فقط الواقعي لأنها معادلة أمم وقوميات وقوى وبقصد فيه برنامج القوميين السوريين وحدة سورية الطبيعية هي الحل الوحيد وهاي بحد زاتها محتاجة لتغيير جذري في شغلات كتيرة في حياتنا
استضافة مفاجئة لي ولكنها لا شك نالت استحسان الجميع وذلك لأن دياب نجح في اختيار اديبه لها اسلوبها الخاص ولها كتابات فيها الكثير من الابداع ممزوجة بواقع مظلم احيانا يتسرب من بين شقوقه بعض خيوط الشمس ,, اهلا وسهلا بالمبدعة مي هديب على صفحات منتديات الوحدات نت واتمنى ان تنجح هذه الحوارية بتسليط الضوء على كثير من ابداعات مي هديب
,, لي عودة ان شاء الله
أهلاً وسهلاً بالأخت مي هديب
في البداية أود أن أرحب بك واشكر الأخ دياب على هذه الاستضافة الرائعة. لن أطيل عليك بس كمن سؤال.
لعلي لست مطلع على الشيوعية و أباها الماركسي كارل لكن ذاكرتي تسعفني بالقليل من المعلومات.
ما موقفك من الشيوعية بعد انهيارها في الاتحاد السوفييتي؟ ورميها الى أن أصبحت فقط في رفوف المكتبات العامة؟
ما موقفك من اليهود بشكل عام ومن الصهيونية بشكل خاص؟ أخذاً بعين الاعتبار أن كارل ماركس يهودية الأصل.
هل الشخصية الاستبدادية والعنيدة للينين أثرت في شخصيتك؟
كلمة في حكم ستالين الدكتاتوري؟
هل تعتقدين أن الشيوعية تقف الى صف اليهود أكثر من أي شعب أخر؟
هل حصل و أن قرأتي كتاب "السرطان الأحمر" للشيخ عبد الله عزام
وأهلا وسهلا فيك أستاذي العزيز
بداية لازم أنوه لمسألة تاريخية بتم القفز عنها دائماً في طرح الشيوعية
الشيوعية بتقدر ترجع للإعلان الشيوعي إنجلز ماركس وفيها تعريف وعلاقة الشيوعية بالدين
الشيوعية هي علم وحط ألف خط أحمر تحت كلمة علم ومقصد العلم هو تحرير طبقة البرولتاريا، فهل نحن كعرب امتلكنا التجربة السطحية للشيوعية لأنه في نقاط بتتعلق بالشيوعية وإنها اختصت في تحرير طبقة محددة حتى تاريخه وبشكل شخصي بحكي إنه احنا ما عنا هاي الطبقة بمفهومها الواضح في أوروبا وخضت في نقاشات مطولة مع أصدقاء دياليكتيكين في هاي المسألة ولسانا ع جدل فيها
بالتالي رجوعاً لقولك انهيارها في الاتحاد السوفيتي .... مين قال انه الاتحاد السوفيتي هو الشيوعية ؟ هل نموذج تطبيقي لأحد نظريات الشيوعية معناها انه الشيوعية خلص كفنوها ؟ طيب ليش بتم نسيان التجربة الشيوعية في آسيا؟ ماهي أنتجت اليوم أحد أقوى اقتصاديات العالم وهي الصين واسم الحاكم فيها الحزب الشيوعي مش حد تاني
صديقي الشيوعية حكتلك هي علم والتجربة السوفيتية هي تجربة اشتراكية الدولة وأرهق الدولة السوفيتية تلات عوامل أساسية:
1-استخدام نموذج اقتصادي خاطئ لا يتصل بواقع بلد زراعي في نقله من الزراعية للصناعية وحرب أهلية هدمت هاد المشروع في بداياته وفرض قوة لإنتاج هاد النموذج في الحقبة الستالينية .
2- الثورة البلشفية شغلت تماما بالثورة المضادة طوال فترة الحكم السوفيتي من حرب عالمية أولى وتانية وباردة وحرب القوقاز وحروب الحدود ومواجهات أنهكت الدولة وتآمر الختيار الخرف حسب التعبير الروسي غورباتشوف في إعلانه لإنهاء الحكم السوفيتي
3- وجود البيروقراطية في جسم الدولة الأمر اللي عجل في إنهاء التجربة السوفيتية
لكن، مشكلة كبيرة إزا اعتقدنا إنه الروس في مرحلة الاتحاد السوفيتي نسيو إنهم قيصريين وسلكوا غير ذلك وهاد بحد زاته ما أنتج جديد على عكس الصين اللي برغم قوميتها الشائكة قدرت تجتاز أزمات البيروقراطية والتحول في النمط الاقتصادي داخل بنية الدولة فقبال كل نموذج في نموذج تاني بتمنى انه ما ننساه.
في معلومة إنت حكيتها وانه اب الشيوعية هو كارل ماركس وهاي معلومة خاطئة تماماً لأنه الشيوعية كفكر وعلم سياسي اجتماعي عارضه ماركس وأضاف عليه وبالتالي ماركس شيوعي ولكنه مش هو اللي أنتجها إنما أبدع فيها وأضاف إلها كتير وأنتج ما يسمى بعلم الاجتماع الواقعي بتحويل الفلسفة من المثالية للواقعية.
في جملة تانية حكيتها انها أصبحت مرمية في رفوف المكتبات عفوا واللي صار في وول ستريت شو هو؟ ماهو هاد ما يسمى بالتطبيق العملي للشيوعية وأغرب اشي انه النقابات العمالية في معقل الرأسمالية الغربية هي عن بكرة أبيها شيوعية لأنه أصلا وتاريخياً اللي أنتج الشيوعية هم النقابيين والمفكرين العماليين الغرب مش الروس ولا الصينين والدليل أنه معظمهم ألمان وفرنسيين.
سؤالك عن موقفي من اليهود ....
اليهود طائفة دينية هاي واحد وتنين مش كل يهودي صهيوني ومش كل صهيوني يهودي يخي ما هو كل واحد بفكر مجرد التفكير بإنه يوافق على عملية السلام ويمشي فيها هو صهيوني بالتالي عد كم عربي مسلم أباً وأماً بطلع صهيوني...
إذا أنا لا تناقض سوى ديني مع اليهودية زي ما بتناقض مع المسيجية زي ما بتناقض مع البوذية الهندوسية وأي دين آخر
لكن عندي ألف تناقض وصراع مع الصهيونية واللي هي مجسمها الديني يهودي في الظاهر ولكن استخدامها لليهودية ما بعني إني أعادي اليهود كيهود لكن بعني إني أعادي الحركة الصهيونية مهما كان شكلها ولونها فاليهودي مش عدوي لكن الصهيوني أي صهيوني هو عدوي
إشارتك لأنه أصل ماركس يهودي فلا يا سيدي إمه للزلمة يهودية لكن مش عارفة اللي قلك المعلومة هاي ما قلك إنه ماركس مصنف على إنه من أعداء السامية في مجلدات ومنظمات الصهيونية مثلا؟ ولا قلك إنه اله أهم مؤلفات نقد الدين اليهودي ثم إنه ماركس كماركس لما انتقد الدين نقد التمازج الغريب بين المسيحية واليهودية في الكتب المقدسة ونقد تخريفهم اللي أنا وإنت كمسلمين بنحكي نفس حكيه عنهم إنهم عالم بخبصو وما بحكو كلمة معقولة أو بتفوت في العقل لا من قريب ولا من بعيد وهاد اللي حكاه ماركس بخصوص الدين المسيجي واليهودي.... وفضل يكون ملحد على إنه يكون صاحب دين غير مقنع ومليء بالخرافات.
لينين استبدادي؟ يعني ستالين اي نعم لكن لينين ؟ ما بعرف حتى أعداء لينين ما وصفوه بالجملة هاي لأنه لينين عمره ما كان استبدادي ولا تسلطي ويلزم إنك تقرأ أكتر عنه عشان تقدر تعرف شخصيته، أما تأثير لينين فيي فهو تأثير محدود ، لأنه بالنسبة إلي لنين برفدني في منهج قراءة وتحليل مش منهج حياة.
ستالين .... قومي روسي وطني مخلص جدا لوطنه وقائد عظيم جداً في تاريخ روسيا الحديث... وصدقني برغم إنه ستالين ديكتاتوري لكن الروس وسيبك من برامج الجزيرة وما كتبه الغرب عنه احنا بنرجع للروس اللي هم مواطنيه كرجل بكنوا للرجل احترام غريب لدرجة إنه حتى المش شيوعيين فيهم لما فكر بعض البشر انهم يشيلو ضريح ستالين ويدفنوه وصفوهم بالخونة وياريت يكون عندي ستالين ديكتاتوري وجدار حديدي في أمتي العربية بس يقدم ربع اللي قدمه ستالين لأمته الروسية ... وطبعاً هاد لا يعني إني بوافق ع الدكتاتورية لكن إنه بس اسمع للغرب شو بدهم يحكو عن ستالين طيب بدي أقلك طرفة بتخليني أعجب في الرجل هاد
هتلر لما مات فرقة ستالين عرفت انه مات وحرق حاله ولمت المتبقي منه وخبت عظام هتلر ومن حوله وبقى ستالين كل ما بدها بريطانيا أو فرنسا تتعدى على ما يخص روسيا في أوروبا يطلع إشاعة إنه تم مشاهدة هتلر في بريطانيا يقوم الشعب البريطاني على حكومته ويصير شغل الحكومة البريطانية انها تقنع الشعب انه هتلر مات طوال حكم ستالين وهو بساوي فيهم هيك عشان يقدر يحافظ على حدود روسيا السوفيتية الجديدة بالمناسبة ستالين بس اللي أوقف انهاك روسيا بالحرب المضادة بإنه شغل الغرب بشغلات هن ما كانت تخطر ع بالهن أصلا ومن ضمنها هتلر باقي الطرفة الروس بس في الخمسة وتسعين بسبب يلتسن الخرف كشفوا عن سر هتلر وانه كان مصدر ابتزاز واشغال الناس والحكومات في الغرب عن روسيا فيه.
هل تقف الشيوعية في صف اليهود ؟؟؟؟ كعلم الشيوعية تقف إلى صف العمال فقط لا غير .... وأي صيرفي أو تاجر أو رأس مالي هو عدوها وصفة اليهود في أوروبا اللي الشيوعية لغاية هاي اللحظة لاتصلح لغير أوروبا إنهم صيارفة وتجار بالتالي أبداً الشيوعية لن تقف إلا ضدهم... وراجع محاضر المجلس الأممي وهجوم شيوعي أوروبا على ما يعرف بالبوند اليهودي... وملاحظة أخيرة فشي اشي اسمه الشعب اليهودي
اولا نشكر الاخ دياب على الاستضافة المميزة لشخصية مميزة مثل الاديبة مي
اهلا بك مي
سؤالي:
شو رأيك بما يسمى الربيع العربي هل اخضرت اوراقه؟
الاعلام العربي؟ هل انصف الاعلام كل الثورات العربية ونظر اليها بعين واحدة؟
اشكرك ولي عودة ان الله راد
وأهلا بك نور الهدى ...
واحد لا يوجد ما يسمى ربيع عربي يعني ربيع براغ وفهمنا انها كانت حركة موجهة ضد الاتحاد السوفيتي ونزاع داخلي في الحزب الواحد وأنتجت ربيع براغ زي ما سموه هم لكن انه احنا عنا اشي اسمه ربيع ؟؟؟
خليني أوضح نقطتين بعتقد إنه لازم يتم الانتباه الهم
الأولى : أزمة العالم الاقتصادية كانت أزمة غير متوقعة لكل العالم بمن فيهم الدول الرأسمالية
التانية : التانية دائماً الأزمات الاقتصادية بتنتج احتجاجات شعبية في أضعف سلسلة في النظام الاقتصادي
واحنا كعرب ضمن النظام الاقتصادي الرأسمالي هاد لكن بنشكل الحلقة الأضعف فيه بالتالي كان الاحتجاج عنا مش في مكان آخر واحتجاج الشارع العربي كردة فعل على الأزمة العالمية الاقتصادية كان مفاجئة للجميع بمن فيهم احنا أنفسنا
هلئ الغرب بعد ما امتص الصدمة بلش يشتغل إعلام ويشغل مؤسساته الإعلامية بشكل مدروس لأنهم مش عالم هبلة مش عارفة وين الله حاطها هاي عالم بتشتغل بشكل مؤسسي وبتحط خطط واستراتيجات وعلم قائم بحد زاته أول تجربة الهم كانت باطلاق مسمى ثورة الياسمين على حركة الاحتجاج الشعبية في تونس
تاني حركة سمو الحركة الاحتجاجية بمسمى الربيع العربي
وكيف ليش وين طلعوا بالخطوة التالتة في إنتاج مفهم " الشعب يريد "
بالتالي لا اخضرت أوراقه ولا عملت اشي صحيح إنهم ما أنتجو حالة الاحتجاج هاي لكنهم اشتغلو عليها بالثورة المضادة
وخطورة كل خطوة نقلتنا من مطالبات محقة لتسليم ليبيا للاحتلال واشعال ذهنية سني شيعي مرة تانية واشغال العالم بمفهوم شبيحة الأسد ... وإلخ فصرنا بدل ما احنا قاعدين بنتقدم لانتاج دول غير تبعية لاقتصاد الرأسمال الغربي صرنا بدنا نخلص من شبيحة هون وزعران هون وبلاطجة هناك وبلطجية ومش عارفة شو هل هاي ثورة باعتقادك؟ وتخلى الغرب عن مفهومه الجديد ادمج تسد ليرجع لمقولته التاريخية فرق تسد
إعلام عربي؟ ما بعرف حاسيتها كلمة غريبة مش قادرة استوعبها فشي عنا إعلام عربي إعلام عربي يعني إعلام بوضح وجهة نظري مش بيجي يصدر الي اللي مطلوب مني أشتغله وأعمله لصالح غيري ... بوصل رسائلي أنا فهل هناك إعلام عربي؟ أما إزا بتقصد الشركات الإعلامية الناطقة باللغة العربية فحس كل شركة ووين مصالحها.
اوافقك الراي ان ادوارد سعيد مفكر ملهم اما عن كارل ماركس فهل تعتبرينه حقا يمكن ان يشكل مثلا فكريا يحتذى به ؟
طبعاً يمكن أن يكون ما هو إدوراد سعيد نفسه متأثر بكارل ماركس
ليش كارل ماركس يشكل مثل وهون السؤال:
واحد لأنه كارل ماركس حول علم الفلسفة من مجرد مثاليات لممارسة فردية لكل شخص
تنين لأنه كارل ماركس ويجب الاطلاع على سيرته الزاتية ما كان مستفيد بالعكس الرجل قضااها في السجن السياسي أكتر مما كان هو في بيته
تلات كارل ماركس كان صادق مع نفسه ونقد نفسه علانية وهاد بحد زاته منهج رائع يحتذى به
اربعة تأسيس كارل ماركس للجدل المادي بخليك تنتبه إله كشخص فذ... وتنتقده هو كمان
لكن هل يعني إنه ماركس مقدس عندي؟ منهج كارل ماركس أسقط قدسية الأشخاص وأفكارهم ومن هون لأ أنا بنتقد كارل ماركس وبوقف على مسافة منه في مسائل متعددة لو بدي أبلش أطرح فيها بدنا مجلدات لأنها كل نقطة بحد زاتها تحتاج للنقاش.
لا يا صديقتي اخالفك الراي تماما فالمدرسة الكلاسيكية هي مدرسة قائمة بحد ذاتها وهي ممتدة الى ما قبل القرن ال 15 وهي اسبق في الوجود وتعتمد على قوة الشكل والمضمون ومن روادها موليير بينما تدعو الرومنسية الى السهولة في التعبير والتفكير، و هي حديثة نسبيا
والذي قصدته بسؤالي هو هل تؤمنين ان هناك ادبا رومنسيا وادبا كلاسيكيا مثلا ؟
نك تحبين الادب العالمي فانا نتقاسم ذات الميول ها هنا...ان ما رايك بالكاتبة دانيال ستيل واي من رواياتها تروق لك ؟ وماذا عن باولو كويلو ؟
مودتي
ما أنا تقريباً جاوبت لكن خليني أقلك شي بخصوص الكلاسيكية ... بالأصل شو يعني الكلاسيك في الفن أنا حكيتها من قبل كل مدرسة أدبية هي ناتج عن مسميات في المدارس الفنية بطريقة ما ... الكلاسيكية هي التزام قواعد محددة في الكتابة على عكس الكتابة الشعبية وهي كمدرسة مش ممتدة إلى ما قبل القرن الخامس عشر بقدر أقلك إنها ممتدة إلى ما قبل الميلاد بالإلياذة ومن هون بتيجي إنه الكلاسيكية هي الاحتراف بالأصل وبالتالي هي المسمى العام لكل مدارس الأدب
آه في مدرسة رومانسية والرومانسية أبداً لا تعني باعتقادي سهولة التعبير وإلخ إلخ المنهج الفرنسي، إنما بعتقد إنها بتعني مثالية الطرح دون الخوض في التفاصيل على عكس المدرسة التفكيكة على عكس المدرسة التجريدية
دانيال ستيل لا ما عمري قرأت إلها بصراحة ... فبالتالي ما بقدر أحدد أي رأي فيها
باولو كويلو وهو كاتب رومانسي باعتقادي وشعبي بزات الوقت مزج بين مدرستين متناقضات تماماً ومن هون بالضبط بيجي إبداعه أكتر شي حبيته لكويلو هي أحد عشر دقيقة والزهير وفيرونيكا تقرر أن تموت
ما أنا تقريباً جاوبت لكن خليني أقلك شي بخصوص الكلاسيكية ... بالأصل شو يعني الكلاسيك في الفن أنا حكيتها من قبل كل مدرسة أدبية هي ناتج عن مسميات في المدارس الفنية بطريقة ما ... الكلاسيكية هي التزام قواعد محددة في الكتابة على عكس الكتابة الشعبية وهي كمدرسة مش ممتدة إلى ما قبل القرن الخامس عشر بقدر أقلك إنها ممتدة إلى ما قبل الميلاد بالإلياذة ومن هون بتيجي إنه الكلاسيكية هي الاحتراف بالأصل وبالتالي هي المسمى العام لكل مدارس الأدب
آه في مدرسة رومانسية والرومانسية أبداً لا تعني باعتقادي سهولة التعبير وإلخ إلخ المنهج الفرنسي، إنما بعتقد إنها بتعني مثالية الطرح دون الخوض في التفاصيل على عكس المدرسة التفكيكة على عكس المدرسة التجريدية
دانيال ستيل لا ما عمري قرأت إلها بصراحة ... فبالتالي ما بقدر أحدد أي رأي فيها
باولو كويلو وهو كاتب رومانسي باعتقادي وشعبي بزات الوقت مزج بين مدرستين متناقضات تماماً ومن هون بالضبط بيجي إبداعه أكتر شي حبيته لكويلو هي أحد عشر دقيقة والزهير وفيرونيكا تقرر أن تموت
تماما...الكلاسيكية تمتد الى ما قبل الالياذة..لكنها كمدرسة مرتبطة عموما بالادب الفرنسي
اتوافقينني الراي ان قلت لك ان الفرنسيين يبدعون حقا في الادب ؟ وان الاسس الادبية ى لديهم لا يعلى عليها ؟
اوافقك ايضا ان احد عشر دقيقة رائع حقا .اما فيرونيكا قررت ان تموت فلم تعجبني صدقا
دعيني احتج على ممارستك التقية في العواطف ....وهل للامر اسباب ام هو مبدأ؟ و هل تستطيعين ممارستها في الافكار ؟
مودتي