صباح الخير يا كبار ضايل للامتحان ساعة ونص وخلصت دراسة فقلت اساويلكم فطور عشان تدعولي
جوعتنا .... على هالصبح الله يسامحك احنا هون الفلافل بعملوها بخبز ناشف الله وكيلك زي الحجار بتتطلع
هلكتني بالاكل يا زلمه> بالتوفيق بامتحانك
صحة وعافية اعطيتها كُرش
نار يا حبيبي نار بس ان شاء الله تكون ركزت في الثقافة العامة دايمة والله ينجحك
الحمد لله اني افطرت قبل ما ادخل على موضوعك شو صار معك ؟ اسئلة الثقافه بحكو انها صعبه ؟ انت شو رايك ؟ وشو عملت بامتحان العربي ؟ وشو عمل مارد اكس بامتحاناته ؟ زمان ماشفناه
هو الواحد اله نفس يوكل بعد ما ضربونا بالامتحان اللي مش طبيعي
شو الاسئله صعبه صح؟
اقتباس: المشاركة الأصلية كتبت بواسطة وحداتيه وراسي مرفوع شو الاسئله صعبه صح؟ اه والله صعب بس الحمدلله جاوبت اللي بعرفه بجيب 39 من 50
الحمد لله الواحد بطلت تفرق معه العلامه المهم يكمل والله الواحد قرف حاله من ورا هل تفجيعي
"اليوم, 08:40 AM" حدى بفطر ع التمنية الصبح ... !! اه نسيت عليك امتحان ... كيف قدمتـ...؟؟
موفق يا بدر دائما وأبدا ,, وانت وكل اللي معك ,, الله ينجحكم يا رب ...
الله ينجحكوا يا توجيعي
الله ينجحك والله الكل عأعصابه وبعدين مشان الله راعو شعور المغتربين هون لا في حمص ولا فول ولا فلافل ولا لبنة ولا زعتر ولا جبنة ولا زيت ولا الخبز هاد فيعني بلاش تضلوا تشهوا فينا
اقتباس: المشاركة الأصلية كتبت بواسطة رأفت حطيني الله ينجحك والله الكل عأعصابه وبعدين مشان الله راعو شعور المغتربين هون لا في حمص ولا فول ولا فلافل ولا لبنة ولا زعتر ولا جبنة ولا زيت ولا الخبز هاد فيعني بلاش تضلوا تشهوا فينا والله يا خال أنا جبت مونتي معي، بتفوت على المطبخ بتلاقي لبنة دحابير، ميرميه، نعنع، زعتر بلدي، زيتون أسود، زيتون...
↑ Grab this Headline Animator
... جميع الحقوق محفوظه لمنتديات الوحدات نت © ...
.. ][ جميع المواضيع و الردود تعبر عن راي صاحبها ولا تعبر عن راي اداره منتديات الوحدات نت بــتــاتــاً ][ ..