إذا صار عندنا عرس .... بنزمر إذا نجحلنا حدا بالتوجيهي ....... بنزمر قبل ما تفتح الإشارة الضوئية ... بنزمر بعد ما تفتح الإشارة ......كمان بنزمر على الدوار وعلى الكوربة .. على النزلة وعلى الطلعة .... كمان بنزمر إذا طول علينا الشرطي وهو موقفنا ....مشان نذكره بنزمر أما إذا حد كسر علينا بالغلط أو بالقصد ..... أكيد بنزمر أما اللي بتوقف سيارته قدامنا عطلانه ....... مش مشكلتنا بنزمر إذا طالعين من شارع فرعي لرئيسي بالليل أو بالنهار بنزمر ويا عيني على سيارة الغاز ..... فاضي ملان بنزمر وإذا عجبتنا بنت ماشية بالشارع اوووووووه بنزمررررررر واذا سبقتنا سيارة اسعاف بنلحقها ... وبنصير نزمر وإذا شفنا أبو فلان بالشارع وحبينا نقله مرحبا ....بنزمر ولو قرر واحد منا يخفف عشان يمرر أحد المشاه .... كل اللي وراه بيزمر ويا حبيبي إذا فاز أحد المعجبين فيه أو فيها بالسوبر ستار أو ستار أكاديمي ......بنطلع كلنا وبنزمر وطبعا" اذا فاز المنتخب بنطلع ......... نزمر . مش هون المشكلة والفياعة المشكلة هي انو اذا ارتفعت الأسعار كالوقود وإذا ارتفعت الضرائب وإذا زادت رواتب الكبار وبقيت على حالها رواتب الصغار وإذا زاد معدل البطالة مع وفود عماله .. اذا حصل كل هادا أو اكثر العجيب انه فجأة ما بطلعلنا صوت ولا .............. بنزمر !!!!!!!!!!!!!!!!!!!!!!!!!!!!!
ههههههههههههههههه والله هي مزمرة من الآخر
الحلو المهم ازعاج
ههههههههههههههههههههههههههههههههههههههه والله عجبتني نار يا حبيبي نار
↑ Grab this Headline Animator
... جميع الحقوق محفوظه لمنتديات الوحدات نت © ...
.. ][ جميع المواضيع و الردود تعبر عن راي صاحبها ولا تعبر عن راي اداره منتديات الوحدات نت بــتــاتــاً ][ ..