والله انا مني وعلي كل المحبطين واللي بحكو ما بدي اروح عالملعب بحسهم يا اما انهم عمي وما بشوفو شو الاتحاد ناوي .. او انهم شريك للاتحاد بجرائمه مع احترامي للجميع ..
مش اول مرة بننطلم ولا اول مرة بصير معنا اللي صار مع ذلك كان شعارنا حب الاوحدات للممات
ارجو من الاخوان اللي مقاطعين وبضربو على وتر الكرامة يخلو كرامتهم الهم وما يحكو فيها هون ويحبطو العالم انا كرامتي بالمدرجات وورا الوحدات والوحدات بدون جمهور مش فريق
نعم اخي مش اول مرة ولا رح تكون اخر مرة بعتقد اذا اللي مقاطعين الملعب بستنوا يرجع اي كرامة ويتحاسب الاشخاص المسؤولين عن اللي صار بالقويسمة ابشرهم انه ما رح يحصل شي من الي بفكروا فيه
لانه المكتوب مبين من عنوانه الان امامنا خيارين اما ان نستمر كما كنا ونتحمل شو اللي بيصير فينا لاني انا صار فيني قبل هيك امور بالملاعب على قد شعر الراس او اننا ننسى انه في فريق اسمه الوحدات ونظب حالنا وما نزايد على بعضنا
اعتقد ان شباب المنتدى وكذلك جماهير الوحدات واعية ومثقفة لدرجة انه يجب عليها ان تفهم شو اللي بيصير من حوالينا واعتقد انه كلنا فاهمين
وفي النهاية النا الله والي ربه معاه عمره ما بيخذله
وحسبنا الله ونعم الوكيل
سنبقى نعشق الوحدات ونورث عشقه لاولادنا الى يوم الدين
أحييك أخ مؤيد على موقفك وأضم صوتي لصوتك وأؤكد على كلامك أن هذا هو ليس نجاحهم الأول في إقصاء الوحدات كفريق بل أن نجاحهم الأكبر كان يوم أن دفعوا الجماهير العريضة للعزوف عن الحضور وللأسف أصبح الكثير منا يحملون شعار المقاطعة المضر بمصلحة الوحدات ولو إستعرضنا على مر التاريخ الوحداتي لوجدنا أن المؤامرات التي كانت تحاك ضد الوحدات أكبر بكثير من المؤامرات الحالية ولكنهم حولوا أبواقهم وطوابيرهم الى الجماهير الوفية التي أسأل الله بان تستفيق من غيبوبتها وسباتها وترجع كما كانت وأكثر.
الكل يعرف أنه لا قيمة للوحدات في الأردن بدون الجماهير التي تعد راس مال الوحدات وغذا ذهب رأس المال لاقدر الله فإنه......
مرة أخرى أحييك على وعيك وإدراكك ذو النظرة الثاقبة لما يجري من حولنا وأوجه كلمة لدعاة المقاطعة:
إستيقظوا من نومكم قبل أن يفوت الوقت وتجدوا أنه في يوم من الأيام كان هناك نادي أسمه الوحدات......
إستيقظوا من نومكم فإنكم تؤدون خدمة العمر للحاقدين.
استيقظوا... إستيقظوا... إستيقظوا.... إستيقظوا
والله مبينه, شغلت وحدات فيصلي صارت اجيبلمم وجعة راس على كل المستويات. الحل نخلص من واحد منهم و الاسهل من الوحدات و نبدا بجماهيره. لو ما صحيناش ما راح اضل وحدات