مين يرجع كرامتنا
والتخاذل بادارتنا
صرنا لعبة بايد الغير
بايد ناس غاب عنها الضمير
تروح لمين وتشتكي لمين
واحنا انفسنا بادارتنا تايهين
الكل شايف كيف الانقسام
وبرضه بنرجع وبنلوم الحكام
الكل بده تعظيم سلام
كل هاذ الظلم والله حرام
ليش التخاذل انا مش عارف
ومن الاعتراض الكل خايف
حتى من الضعف راحت كرامتنا
وماعاد حدى يخاف على سلامتنا
عند البطولة بيتجمعو ليوخذوا الصور
مع الكاس طب وين كانو لما كنا في خطر
لازم تحرك ولازم شجاعة
حتى التصريحات صارت اشاعة
مين يوخذ حق الجمهور
كل الكراسي بستين داهية تغور
قبل ما نلوم الغير لازم نلوم انفسنا
مين السبب..ومين بالمستقبل بده يحرسنا
لازم نصحى ونصلح حالنا
حتى نرجع ونحقق امالنا
لازم موقف يضرب من حديد
حتى ما نرجع وننظلم من جديد
تعبنا شكاوي واحتجاجات
كل كلامنا صار مجرد شعارات