يا اخوان اولا انا وحداتي حتى النخاع
و انا بحب جميع اللاعبين
لكن ان ما حدا حط ايدة على الوجع رح انظل انقول اي و موعارفين من وين بنتوجع
بدي احكي بالمشرمحي و اتبعد عن الرسميات و المجاملات و الكلام المنمق
الخسائر المباراه فقط خسائر
كما قلت سابقا 6 نقاط احنا الحمدلله خسرنا حالنا ( 3-0 ) و هو بكرا ان فازوا فالمجموع تقليص الفرق بثلاثة نقاط لكن مع فرق ست نقاط
وكمان خسرنا الحيط و يمكن لاخر الدوري كمان و اذا حظنا مو مليح كمان ما بشارك في اسيا لانه حظنا مثل حظ الارامل و المطلقات
وبعد هذا كله كمان بلاقي كم واحد بحكي عن شفيع ما ضرب الحكم يعني الحكم هو الي ضرب شفيع جاب بطنه وخلعه في ايد شفيع و الحكم كمان شوح في وجه على ايدين شفيع شو هل مسخرة والله كلام فاضي و الي امر في واحد بقول مؤامره شو يعني مؤامره فهموني يعني الاتحاد قل للحكم دير بالك اوعهى تحسب للوحدات اشي و قال لشفيع و للاعبين خربو المباراه و يمكن المباراه مبيوعه يعني و ناس بتقول طيب و غيرو وغراتو و الكل بدو يعملانا حملان و الاتحاد والحكام ويمكن الفيفا كمان مسؤوله عن كل ما يدبر علينا
احنا فريق فلاتي لازم نقول هذا الكلام و لازم نؤكده كمان كم مره شفيع عمل مشاكل كم مره حطينا حالنا في مواقف بايخا كم مره كنا بنحمل غيرنا كل شئ دايما في قوالب جاهزه اسمها المؤامره الفيشلي الحكام يا اخوان اذكر الحكم المصري الغندور حملناه مسؤوليات ماحملو اياه اي جمهور ثانياحنى دايما بندور على الشماعه ارجوووووووووووووكم ارمو الشماعه و دورو على الغلط و الله حرام احنى نادي كبير بنضيع هيك و الله الي بصير حرام اداره متقاتله على كراسي و لاعبين مو عارف شو بدهم كمان و مدرب دايما اخر الموسم بفكر وين يروح لانه دوما مكافأته في اخر الموسم انهاء العلاقه انا على اي حال بدي ادور على مصحه عشان اداوى من الادمان الاخضر ان ضل الوضع هيك انا مصاب بهبوط ضغط مزمن الحمد لله اليوم صار عندي كمان جنب الهبوط ارتفاع في الضغط و السكر يا جماعه الواحد صار يشد شعره من القهر ( كفا بالمرأ اثما ان يضيع من يعول ) لازم نكون صادقين مع حالنا و نكون رجال و نعترف ان النادي يتهاوا و ينهار و لازم نكون صادقين و نقف و نقول يا فلان انت غلطط و هذا عقابك
في الاخير الي مابدو يسمع و يعجبه الكلام فهو حر لكن الي بشيل قربه لازم ان كانت مخرومه تنزل على راسه ميتها
اه مبيوعه يعني عيني عينك ركلات الجزاء الثنتين ليش ما حكيت عنهم مش فاهم و بعدين يعني خسرنا بس طلع منا و احد ما سكت عن الظلم يا اخي هل يعقل انو الحكم و حكم الرايه ما شافو الايد و الطابه
للاسف موضوعك محتواهمكرر ويحمل نفس فكرة موضوع عضو اخر وردينا عليه
للاسف ما قرات موضوعه بس حبيت افش غلي شوي و اصيح و اناقش
اخوي abu amro مهما كان الوضع كان بالامكان افضل مما كان و مهما حصل فانا اعترض على التهجم على الحكم
هههههههههه .... شكلك معصب يا حجاج .... فريقنا للأسف كله يتحمل المسؤولية
شكلة مش بس معصب شكلها طالعة من راسة يس بدك الصحيح معة حق
كلامك يا حجاج صحيح تصرف شفيع غلط والشباب كانوا عصبيين كثير وعلى شو مش فاهم
يا أخي حتى لو خسرنا المباراة ما في داعي لهذه العصبية
كلامك صحيح اخ حجاج شفيع غلط ولازم يتعاقب من الادارة وحتى لو الحكم استفزه هل هذا هو تصرف اللاعب المحترف !!!
ولكن يا صديقي الحكم كان سيء للغاية وكان له يد في الخسارة وأخطاءه كانت قاتلة وأدت الى استفزاز اللاعبين ويجب معاقبته من الاتحاد وعلى الادارة ايضا تقديم شكوى بحق هذا الحكم الفاشل
كلامك صحيح اخ حجاج شفيع غلط ولازم يتعاقب من الادارة وحتى لو الحكم استفزه هل هذا هو تصرف اللاعب المحترف !!!
ولكن يا صديقي الحكم كان سيء للغاية وكان له يد في الخسارة وأخطاءه كانت قاتلة وأدت الى استفزاز اللاعبين ويجب معاقبته من الاتحاد وعلى الادارة ايضا تقديم شكوى بحق هذا الحكم الفاشل
الحكم موضوع ثاني يعني انا بحافظ على ترتيب بيتي و بعدين بشوف اغلاط غيري