والله ابو احمد ياريت يرجع الموقع زي زمان
ممكن الفيسبوك صار يغني اقل مافيها فش رقابة
لكن هذا لا يعني ان نهجر الموقع صاحب الفضل بالتعرف على ناس افضالكم كان لهم الكثير من التاثير بحياتنا
ئي..!.
والله هاظ صاير في حركه على هالموضوع
حتى مالك- أبو أنس.. رجعتك حلوة، بس يا ريت الحبايب كمان ترجع
على فكرة، أنا دايما كنت أحكي.. حتى لو صفُّوا الموقع على أخبار وملتيميديا.. أكيد الإخوان في إدارة الموقع بيخلّولنا هالاستراحة، ما هي زيها زي الفيس، زي الجروبات اللي على الواتس، زيها زي قعدات الأراجيل والتجمعات الخاصة، يعني ممكن كل الحبايب تلتقي هون وتتواصل من خلال مواضيعها ونقاشاتها وبوستاتها، والحبايب بين بعضهم في الموضوع الواحد وفي التجمع الخاص بيجُرُّوا الآخرين في مواضيع مش مواضيعهم، وفي تجمع مش تجمعهم وفي لقاءات مش لقاءاتهم، وهكذا دواليك.. وكذلك يا ابو ابراهيم اللي بدو يظل يدخل عشان فلان وعلان، أو ما بدوش يدخل عشان عدنان وغسان، بيصير يدخل، حتى لو على اللي بيخصُّه.. وبرضو هكذا دواليك.. بترجع دواليك ودواليّي وكوساياتي وكوساياتك ولحماتي وجاجاتك يْلُوفِن ع بعظ، وبترجع القِرْدات يْنُطِّن ع الطْحينات..