الإدارة كل مدرب بتطلبه الجماهير بتجيبه وبتحرقه عشان تحكي للجماهير هي المدرب الي طلبتوه.
كل لاعب محترف بنجح مع الاندية الثانية الا معنا بتلااقيه انحرق
واكبر مثال اشرف نعمان ؟؟!! الف علامة استفهام شو سبب حرق اللاعب ؟
وغير اشرف كثير كثير
بدك ادارة قوية و رئيس نادي قادر على السيطرة على الجميع
و مدير نشاط يدخل في كواليس اللاعبين و اللي بشعر انه في عنده لف و دوران
يمنعه قبل ما يتفشى بالفريق
الوحدات بحاجة الى اعادة تأهيل اداري
محمد عمر حكاها لازم 6 لاعبين على ايامه بدهم حرق
وحكاها على المجلة الرياضية وما رضي يتوسع اكثر
الحجي اكرم سلمان اسئل المزمار زياد شلبايه وعامر ذيب بحكولك عن الكواليس
اتذكر 3/0 البقعة الي انهت مهمة الحجي واشرف نعمان
وحكاها الحجي في كثير لاعبين متخاذلين وبتطلعو على المحترف انو عدوهم
رائد عساف حكاها نصهم او اكثر حرام يلبسو كلر الوحدات ومع هيك كمان انا مابقتنع بعساف ك مدرب بس صدق الرجل
ع بلاطة والي ما بشوف من الغربال اعمى زياد شلبايه سبب دمار النادي الله لا يسامحه
الخوري طارق سيس الكرة وخلاها سياسية وتم الغاء كثير من نشاطات الوحدات الثقافية والاجتماعية وغيرها من انشطة من ورا البرستيج تاع الخوري
احمد سريوه لانو ابوه على خلاف مع زياد تم حرقوا
محمد الباشا لانو على خلاف مع المزمار تم حرقو
فراس كافو يتم فسخ عقدو وبلعب للجزيرة بدون ما يتم الاستفادة منو ماديا
الصقر محمود شلبايه عشان ما رضي يشترك بالكواليس تاعت المزمار تم وضعوا على الاحتياط
26 بطولة بقلك المزمار دوشنا فيهم
الرباعية الاولى خليفة كان مدير نشاط مش المزمار
المرحوم صلاح غنام كان الو دور كبير
اللعيبة الي ما بتخاف الله والي رواتبهم حرام مشتركين بالكواليس
عدنان حمد مش مدرب ولا تاريخ الو بشفعلو نزلت انا موضوع على عدنان حمد بامكانك تقرأه
الله لا يسامح كل شخص متخاذل في النادي
الادارة من خوري و المزمار واطلع من ايامهم سبب للي اوصلنالو همي سبب حرق المدربين والاعبين
انا باعتقادي أنه ما في حد يحاسب الاعب المقصر ، في مكافآت وما في عقاب فأصبح الاعب يلعب بدون روح ، هل المدرب قال للاعب وهو أمام مرمى الخصم ان يضيع الكرة ، المنظومة متكاملة من لاعبين ومدرب واداره
الكابتن باسم فتحي انو نواره وعندو انتماء للنادي وغيور على النادي ولعيب وانا بحب هذا اللاعب كثير.
للعلم عمرو لساني ما نطق لسانو بس الكثير من الجمهور بطلع على سلبيات الاعبين وبنسى حسناتهم كيلو بمكيالين ولا تكونو اكالين نكارين
بالنسبة لكلامك انه "أكرم سلمان أو كما يحلو لنا أيضا تسميته بالحجي ،،، خاض مع الوحدات تجربتين أيضا كانت التجربة الأولى من أجمل ما يكون أما الثانية فباءت بالفشل. "
اكرم سلمان ما فشل بالعكس فاز 4-0 عشباب الاردن او الرمثا ورجع روح الفريق وبعدها خسر من البقعة 3-0 بتخاذل من اللاعبين وبعد ماصرح لوسائل الاعلام انه في مشاكل ادراية وتدخلات بالفريق طيروه مع انه حقق الرباعية مع الوحدات في المرة الاولى .