اخوان لنكن واقعيين مع هيك مستوى ولعيبه انتهى الموسم للوحدات سنخرج من كاس الاتحاد الآسيوي ووسنخرج من كاس الاْردن والله يستر الفيصلي يعلم علينا بنتيجه قاسيه
عنوان رائع جدا .. يجسد الوضع الذي نحن عليه منذ بداية الموسم
يا ريت ريحو اعصابنا قبل باكم جوله كمان اريح بدل ما نظل عايشين على بصيص الأمل
يعني خلص يا عبد الله ، العنوان صار رائع جدا ؟!.
طَبْ كان ظلّيتوا مقاطعين ما دامُو بجسّد الواقع اللي عايشين فيه من بداية الموسم ؟!.
وهُو أنا يا عبد الله لما حكيت عنوان غير مناسب في جزئيته المذكورة .. خَلَص يعني ، بكون قلِّيت قيمته للي كتب العنوان ، وبهيك بكون بحكي عنكم بتعرفوش تكتبوا يا لجنتنا الإعلامية ؟!.
بسّ القصد ، خلّينا في هالبطولتين اللي ظايلات ، واللي تحمّلتُه الجماهير .. عارف ، عارف إنُّو جبــــــــــــــال ما بتتحمّلُه !.
هاظ كيف لو إلنا 35 سنة ما أخذناش دوري ، أو زيّ اللي موفّرلهم كل إشي .. تسهيلات وتنزيلات وتزريقات ، وقاعدين بيكاكوا من 5 سنين على شقفة بطولة دوري ؟!!.
ولعلمك يا عبد الله ، الوضع هذا اللي أنت بتحكي عنُّه عايشينُه الجمهور من بداية الموسم ، الجمهور نفسه استمرأه وراضي فيه ومكيِّف عليه وبيفرّغ من خلاله كل الشحنات والطاقات الإيجابية والسلبية ، والسلبية اللي بيفرغها ، أكثر بكثيـــــــــــــــــــر من الإيجابية بعد كل مباراة ، سواء بالمديح الزايد عن حده ، أو بقلّة القيمة والشتائم والتصرفات المُخزية اللي وصلت حد لا يُطاق !.
أنت سمعت موشّحات ال XXX ومصطلحات بيوت الدعارة اللي سمّعوها الجمهور للاعبين بعد مباراة الصريح ؟!!.
وكنت تتابع غيرها من موشّحات شجيّة ومصطلحات راقية بعد معظم مباريات هذا الموسم ؟!!.
يا عبد الله ، أنت مشرف .. والإخوة في الإعلامية هم مسؤولون في لجنة رسمية لهذا الموقع المُتابع من الكثيرين ، غيرنا كوحداتية كمان ، ومِش غلط يكون في شويَّة توجيه فيما تكتبون وفيما تنشرون .
وخلّيني أريّحك يا عبد الله أنت أو غيرك من الإخوة المشرفين أو الإداريين في الموقع أو اللي بيكتبوا عندكم في اللجان الرسمية : ما تقُلِّيش وما تقولوليش أنا هذا رأيي الشخصي .. لإنّـو أنا كمان رأيي الشخصي تقريبا زيّكم ، لكن الواحد بيراعي الظروف والأحوال والأمور التي ما زالت قائمة ، والاستحقاقات التي نرتجي فيها الخير ، وبيحكي رأيه وبيكتب .